ഇന്ന് ഇന്ത്യൻ സിനിമയിലെ ഏറ്റവും മികച്ച നടിമാരിൽ ഒരാളാണ് നിത്യ മേനോൻ. മലയാളം, തമിഴ്, തെലുങ്ക്, ഹിന്ദി സിനിമകളുടെ ഭാഗമായി ഏറെ പ്രശംസ നേടിയ നടിയാണ് നിത്യ മേനോൻ. ഈ അടുത്തിടെ റിലീസ് ചെയ്ത ബ്രീത് ഇൻറ്റു ദി ഷാഡോസിലൂടെ വെബ് സീരീസിലും അരങ്ങേറ്റം കുറിച്ചു ഈ നടി. സെവൻ ഓ ക്ലോക്ക് എന്ന കന്നഡ ചിത്രത്തിലൂടെ പതിനാലു വർഷം മുൻപ് അരങ്ങേറ്റം കുറിച്ച നിത്യ മേനോൻ പിന്നീട് മോഹൻലാൽ നായകനായ ആകാശ ഗോപുരം എന്ന നിരൂപക പ്രശംസ നേടിയെടുത്ത ചിത്രത്തിലൂടെ മലയാളത്തിലും അരങ്ങേറി. അതിനു ശേഷം മണി രത്നം ചിത്രമുൾപ്പെടെ ഒട്ടേറെ വമ്പൻ തെന്നിന്ത്യൻ ചിത്രങ്ങളുടേയും അതുപോലെ ബോളിവുഡ് ചിത്രങ്ങളുടേയും ഭാഗമായ നിത്യ മേനോൻ ഇനി തിരക്കഥാ രചനയും ചെയ്യാൻ പോവുകയാണ് എന്ന റിപ്പോർട്ടുകളാണ് വരുന്നത്. സംഗീതത്തിലും എഴുത്തിലും താല്പര്യമുള്ള നിത്യ, സ്വന്തമായി ഒരു മ്യൂസിക് ആൽബം പുറത്തിറക്കാനും അതുപോലെ തിരക്കഥ രചിക്കാനുമുള്ള ശ്രമത്തിലാണ് എന്നുമാണ് വാർത്തകൾ പറയുന്നത്.
തിരക്കഥ രചിക്കാൻ ആഗ്രഹമുണ്ടെന്നും അതിനുള്ള സമയം ലഭിക്കാത്തതാണ് പ്രശ്നമെന്നും കുറച്ചു നാൾ മുൻപേ ഒരഭിമുഖത്തിൽ നിത്യ മേനോൻ പറഞ്ഞിരുന്നു. ഏതായാലും ലോക്ക് ഡൌൺ പ്രഖ്യാപിച്ചു മൂന്നു മാസത്തോളമായി സിനിമാ മേഖല നിശ്ചലമായതോടെ നിത്യ ആഗ്രഹിച്ച സമയം ലഭിക്കുകയും ചെയ്തു. സ്വന്തമായി ഒരു സംഗീത ആൽബം നിർമ്മിക്കാനും നിത്യക്ക് പ്ലാൻ ഉണ്ട്. ഏതായാലും ഒരു നിശ്ചിത സമയത്തിനുള്ളിൽ തിരക്കഥ എഴുതി പൂർത്തിയാക്കണം എന്നുള്ള വാശിയൊന്നും തനിക്കില്ല എന്നും നിത്യ മേനോൻ സൂചിപ്പിക്കുന്നുണ്ട്. അഭിനയിക്കാൻ തിരഞ്ഞെടുക്കുന്ന തിരക്കഥകളിൽ എപ്പോഴും വ്യത്യസ്തത ശ്രദ്ധിക്കുന്ന നിത്യ മേനോൻ, ആദ്യമായി എഴുതാൻ പോകുന്ന തിരക്കഥ എത്രമാത്രം വ്യത്യസ്തമായിരിക്കും എന്നറിയാനുള്ള ആകാംക്ഷയിലാണ് പ്രേക്ഷകർ.
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
കിസ്മത്, തൊട്ടപ്പൻ എന്നീ ചിത്രങ്ങൾ ഒരുക്കി പ്രശസ്തനായ ഷാനവാസ് ബാവക്കുട്ടി സംവിധാനം ചെയ്ത്, ഇന്ന് പ്രേക്ഷകർക്ക് മുന്നിലെത്തിയ ചിത്രമാണ് ഒരു…
This website uses cookies.