പാർവതി സംവിധാന രംഗത്തേക്ക്; എപ്പോൾ വേണമെങ്കിലും സിനിമ ചെയ്യാം എന്ന് താരം..!

പ്രശസ്ത നടി പാർവതി സംവിധാന രംഗത്തേക്ക് കൂടി എത്തുകയാണ്. അടുത്തിടെ നടന്ന ഒരു ഓൺലൈൻ മാധ്യമ അഭിമുഖത്തിൽ ആണ് സംവിധാനം ചെയ്യാനുള്ള തന്റെ ആഗ്രഹം  തുറന്നു പറഞ്ഞത്. അഭിനയിക്കുന്നതിന് ഒപ്പം തന്നെ കഥ പ്രേക്ഷകരോട് പറയാനും തനിക്ക് താൽപ്പര്യം ഉണ്ടെന്ന് ആണ്
പാർവതി പറയുന്നത്. എന്നാൽ തന്റെ ചിത്രം എന്നു സംഭവിക്കും എന്നൊരു പ്രഖ്യാപനം ഇപ്പോൾ നടത്താൻ പറ്റില്ല എന്നാണ് പാർവതി പറയുന്നത്. അത് ചിലപ്പോൾ വളരെ വേഗം ഉണ്ടാകാം, ചിലപ്പോൾ അടുത്ത വർഷമോ അല്ലെങ്കിൽ വർഷങ്ങൾ കഴിഞ്ഞോ ആവാം എന്നും പാർവ്വതി പറയുന്നു. എന്തായാലും തന്റെ വലിയൊരു സ്വപ്നം ആണ് സംവിധായിക ആവുക എന്നതെന്നു പാർവതി സൂചിപ്പിക്കുന്നു.

നവാഗതനായ മനു സംവിധാനം ചെയ്ത ഉയരെ എന്ന ചിത്രം ആണ് പാർവതിയുടെ അടുത്ത റിലീസ്. ഈ മാസം ഇരുപതിയാറിന് ഉയരെ കേരളത്തിലെ തീയേറ്ററുകളിൽ എത്തും. പാർവ്വതിയെ കൂടാതെ ആസിഫ് അലി, ടോവിനോ തോമസ് എന്നിവരും ഈ ചിത്രത്തിൽ അഭിനയിക്കുന്നുണ്ട്. റിയൽ ലൈഫ് സംഭവങ്ങളിൽ നിന്നു പ്രചോദനം ഉൾക്കൊണ്ടാണ് ഈ ചിത്രം ഒരുക്കിയിരിക്കുന്നത്. കഴിഞ്ഞ ദിവസം റീലീസ് ചെയ്ത ഈ ചിത്രത്തിന്റെ ട്രെയിലർ വമ്പൻ പ്രേക്ഷക ശ്രദ്ധ നേടിയിരുന്നു. മികച്ച നടി എന്നതിലുപരി മലയാള സിനിമയിലെ വനിതാ സംഘടന ആയ ഡബ്ള്യു സി സി യുടെ സജീവ പ്രവർത്തക എന്ന നിലയിലും വളരെ ഉറച്ച തീരുമാനങ്ങൾ എടുക്കുകയും നടപ്പിലാക്കുകയും ചെയ്യുന്ന വനിത എന്ന നിലയിലും ശ്രദ്ധേയയാണ്
പാർവതി. ഏതായാലും സംവിധായിക എന്ന നിലയിലും മികവ് പുലർത്താൻ പാർവതിക്ക് കഴിയും എന്ന് പ്രതീക്ഷിക്കാം.