സെറ്റിൽ അയാൾ കാണിച്ച കോപ്രാട്ടിത്തരത്തിന്റെ ഒരംശം പോലും വരില്ല ഇതൊന്നും: ഒപ്പം അഭിനയിച്ച സൂപ്പർതാരത്തെ കുറിച്ച് പാര്‍വതി

മലയാള സിനിമയിൽ എല്ലാ കാര്യത്തിലും വ്യക്തമായ നിലപാടുള്ള യുവനടിയാണ് പാർവതി. അഭിനയ മികവ് കൊണ്ട് നിലവിൽ മുൻനിര നായികമാരിൽ ഒരാൾ തന്നെയാണ് പാർവതി. ജീവിതത്തിൽ തനിക്ക് നേരിടേണ്ടി വന്ന പ്രശ്നങ്ങളും വിമർശനങ്ങളും അനുഭവങ്ങളും തുറന്ന് പറയുന്നതിലും പ്രതികരിക്കുന്നതിലും താരം എന്നും മുന്പന്തിയിൽ തന്നെയാണ്. സത്യങ്ങൾ എന്നും തുറന്ന് പറയുന്നത്കൊണ്ട് തനിക്കെതിരെ ഭീഷണി സന്ദേശങ്ങൾ വന്നിട്ടുണ്ടെന്ന് താരം മലയാള മനോരമ വാർഷികപതിപ്പിന് നൽകിയ അഭിമുഖത്തിൽ സൂചിപ്പിച്ചിരിക്കുകയാണ്. മലയാള സിനിമയിലെ ഒരു വലിയ സൂപ്പർസ്റ്റാറിന്റെ കൂടെ വർക്ക് ചെയ്തിട്ടുണ്ടെന്നും സിനിമ സെറ്റിൽ അദ്ദേഹം വലിയ തരത്തിലുള്ള കോപ്രായങ്ങൾ കാണിച്ചുട്ടുണ്ടെന്നും പാർവതി തുറന്ന് പറയുകയുണ്ടായി.

പാർവതിയും മീര ജാസ്‌മിനും മേക്കേഴ്‌സ് ആർട്ടിസ്റ്റ് ആണെന്നും രണ്ട് പേരുടെ സമാനതകൾ ചൂണ്ടിക്കാട്ടി ഇരുവർക്കും വട്ടുണ്ടെന്ന് സൂപ്പർസ്റ്റാർ ഒരിക്കൽ പറയുകയുണ്ടായി എന്ന് പാർവതി വ്യക്തമാക്കി. വട്ട് എന്ന വാക്ക് വളരെ ലൂസായി ഉപയോഗിച്ചത് തന്നെ ഏറെ നിരാശപ്പെടുത്തി എന്ന് താരം സൂചിപ്പിക്കുകയുണ്ടായി. താൻ സത്യം പറഞ്ഞാൽ അത് ഏതൊരു വ്യക്തിക്കും കൊള്ളുമെന്നും അപ്പോൾ അവർക്ക് വിരിഞ്ഞിരിക്കാൻ പറ്റില്ലയെന്നും അത് മറക്കുവാൻ വട്ടന്ന് അവർ മുദ്ര കുത്തുകയും ചെയ്യുമെന്ന് താരം വ്യക്തമാക്കി. സ്ത്രീകൾ സ്വതന്ത്രരായി പെരുമാറുമ്പോളും ഇഷ്ടങ്ങൾ തുറന്ന് പറയുമ്പോളും അതിനെ വട്ടെന്ന് വിളിക്കുക മലയാള ഇന്ഡസ്‌ട്രിയിലെ പതിവ് കാഴ്ചയാണെന് താരം പറയുകയുണ്ടായി. തന്റെ മുന്നിൽ വെച്ചു സെക്‌സ് സംബദ്ധമായ തമാശകൾ പറയുമ്പോൾ ഇപ്പോൾ ചിരിക്കാറില്ല എന്നും താരം കൂട്ടിച്ചേർത്തു.