മോഹൻലാലിന്റെ രാവണ അവതാരം സമൂഹ മാധ്യമങ്ങളിൽ വൈറലാവുന്നു

ദൃശ്യം രണ്ടാം ഭാഗത്തിന് വേണ്ടിയുള്ള മോഹൻലാലിന്റെ പുതിയ രൂപം ആരാധകരും സിനിമ പ്രേമികളും അടുത്തിടെ ഏറ്റടുക്കുകയുണ്ടായി. ഇപ്പോൾ രാവണനായി പ്രത്യക്ഷപ്പെട്ടിരിക്കുന്ന മോഹൻലാലിന്റെ ചിത്രങ്ങളാണ് സമൂഹ മാധ്യമങ്ങളിൽ വൈറലാകുന്നത്. ലങ്കാലക്ഷ്മി എന്ന നാടകത്തിന്റെ ഷൂട്ടിംഗ് സ്റ്റില്ലുകളാണ് ഇവയെല്ലാം എന്നാണ് റിപ്പോർട്ടുകൾ സൂചിപ്പിക്കുന്നത്. ലോക്ക് ഡൗൺ സമയത്ത് ചെന്നൈയിൽ ആയിരുന്നപ്പോൾ നീണ്ട താടി താരം വളർത്തിയിരുന്നു. കേരളത്തിൽ വന്നതിന് ശേഷം താരം ക്വാറന്റെയിനിൽ ഇരിക്കുകയും പിന്നീട് ഷൂട്ടിങ്ങിൽ ഭാഗമാവുകയായിരുന്നു. ഏഷ്യാനെറ്റ് ഓണത്തിന് ഒരുക്കുന്ന പരിപാടിയ്ക്ക് വേണ്ടിയാണ് താരം രാവണനായി വരുന്നതെന്ന് റിപ്പോർട്ടുകൾ സൂചിപ്പിക്കുന്നത്.

ഏഷ്യാനെറ്റിന്റെ ഈ വർഷത്തെ ഓണം സ്‌പെഷ്യൽ പ്രോഗ്രാമുകളിൽ മോഹൻലാൽ നിറഞ്ഞു നിൽക്കും എന്ന കാര്യത്തിൽ തീർച്ച. പരിപാടിയുടെ റിഹേഴ്‌സൽ ചിത്രങ്ങൾ ഇതിനോടകം ഏറെ ശ്രദ്ധ നേടി കഴിഞ്ഞു. മുടിയും താടിയും നീട്ടി വളർത്തിയ മോഹൻലാലിന്റെ പുതിയ രൂപം ആരാധകർ ആഘോഷമാക്കുകയാണ്. സെപ്റ്റംബർ ആദ്യ വാരം സിനിമ പ്രേമികൾ ഏറെ പ്രതീക്ഷയോടെ കാത്തിരിക്കുന്ന ദൃശ്യം രണ്ടാം ഭാഗത്തിന്റെ ഷൂട്ടിംഗ് ആരംഭിക്കും. ഏഷ്യാനെറ്റിന്റെ ഓണം സ്‌പെഷ്യൽ ഷൂട്ടിന് ശേഷം താരം ലോക്കെഷനിൽ ഭാഗമാവും. ലോക്ക് ഡൗൺ പ്രോട്ടോക്കോളും എല്ലാം പാലിച്ചുകൊണ്ട് ആയിരിക്കും സിനിമയുടെ ചിത്രീകരണം ആരംഭിക്കുക. മോഹൻലാൽ- ജീത്തു ജോസഫ് കൂട്ടുകെട്ടിൽ ഒരുങ്ങുന്ന റാം ഷൂട്ടിംഗ് പാതി വഴിയിലാണ് നിൽക്കുന്നത്. ദൃശ്യം രണ്ടാം ഭാഗത്തിന്റെ ഷൂട്ടിംഗ് പൂർത്തിയാക്കിയ ശേഷം ആയിരിക്കും റാം പൂർത്തീകരിക്കുക എന്നാണ് റിപ്പോർട്ടുകൾ സൂചിപ്പിക്കുന്നത്.