ബ്രോ ഡാഡി എന്ന മോഹൻലാൽ- പൃഥ്വിരാജ് ചിത്രത്തിന്റെ രചയിതാക്കളിൽ ഒരാളായ, നവാഗതനായ ശ്രീജിത്ത് എൻ. സംവിധാനം ചെയ്ത ഒരു തെക്കൻ തല്ല് കേസ് എന്ന ചിത്രം ഈ വരുന്ന ഓണത്തിനാണ് റിലീസ് ചെയ്യാൻ പോകുന്നത്. ഓണം റിലീസായി സെപ്റ്റംബർ എട്ടിന് റിലീസ് ചെയ്യാൻ പോകുന്ന ഈ ചിത്രം ഏറെ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്. ഒരു പക്കാ നാടൻ അടിപ്പടമാണ് ഈ ചിത്രമെന്ന സൂചനയാണ് ഇതിന്റെ ട്രൈലെർ നമ്മുക്ക് നൽകുന്നത്. എന്നാൽ ആക്ഷനൊപ്പം പ്രണയവും കോമെഡിയും വൈകാരിക നിമിഷങ്ങളും ഇതിലുണ്ടെന്നും ഇതിന്റെ ട്രൈലെർ നമ്മുക്ക് കാണിച്ചു തരുന്നുണ്ട്. പ്രേക്ഷകരുടെ പ്രിയതാരം ബിജു മേനോൻ നായകനായി എത്തുന്ന ഈ ചിത്രം, ജി.ആർ. ഇന്ദുഗോപൻ രചിച്ച അമ്മിണിപ്പിള്ള വെട്ടുകേസ് എന്ന പുസ്തകത്തെ അധികരിച്ചു കൊണ്ട് രാജേഷ് പിന്നാടനാണ് രചിച്ചിരിക്കുന്നത്. അമ്മിണി എന്ന് വിളിപ്പേരുള്ള അമ്മിണിപ്പിള്ളയെന്ന കഥാപാത്രമായാണ് ബിജു മേനോൻ ഇതിലഭിനയിച്ചിരിക്കുന്നത്.
ബിജു മേനോനൊപ്പം , റോഷൻ മാത്യു, പത്മപ്രിയ, നിമിഷ സജയൻ എന്നിവരുൾപ്പെടെയുള്ള പ്രശസ്ത താരങ്ങൾ അണിനിരക്കുന്ന ഒരു തെക്കൻ തല്ല് കേസ് ഇ ഫോർ എന്റർടെയ്ൻമെന്റിന്റെ ബാനറിൽ മുകേഷ് ആർ. മേത്തയും സി.വി. സാരഥിയും, ന്യൂ സൂര്യ ഫിലിംസിന്റെ ബാനറിൽ സുനിൽ എ കെയും ചേർന്നാണ് നിർമ്മിച്ചിരിക്കുന്നത്. ന്യൂ സൂര്യ ഫിലിംസാണ് ഈ ചിത്രം ഇവിടെ വിതരണം ചെയ്യുന്നത്. അഖിൽ കവലയൂർ, അശ്വത് ലാൽ, റിജു ശിവദാസ്, അരുൺ പാവുമ്പ, അസീസ് നെടുമങ്ങാട്, പ്രമോദ് വെളിയനാട്, പ്രശാന്ത് മുരളി, അച്യുതാന്ദൻ, ശശി വാളൂരാൻ, നീരജ രാജേന്ദ്രൻ, ജയരാജ് എന്നിവരും വേഷമിട്ട ഈ ചിത്രത്തിന് ക്യാമറ ചലിപ്പിച്ചത് മധു നീലകണ്ഠൻ, എഡിറ്റ് ചെയ്തത് മനോജ് കണ്ണോത് എന്നിവരാണ്. ജസ്റ്റിൻ വർഗീസാണ് ഒരു തെക്കൻ തല്ല് കേസിന്റെ സംഗീത സംവിധായകൻ. ഏതായാലും പ്രേക്ഷകരെ ആദ്യാവസാനം ത്രസിപ്പിക്കുന്ന ഒരുശിരൻ പടമായിരിക്കുമിതെന്നാണ് ഇതിന്റെ റ്റീസർ, ട്രൈലെർ, പോസ്റ്ററുകൾ എന്നിവയെല്ലാം നമ്മുക്ക് നൽകുന്ന സൂചന.
മലയാള സിനിമാലോകത്ത് മികച്ച രണ്ടു ചിത്രങ്ങൾ ഒരുക്കിക്കൊണ്ട് തൻ്റെ സ്ഥാനം അടയാളപ്പെടുത്തിയ സംവിധായകനാണ് ഷാനവാസ് .കെ .ബാവക്കുട്ടി. ആദ്യത്തെ സംവിധാന…
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
This website uses cookies.