20 മണിക്കൂറിൽ ഒരു മില്യൺ കാഴ്ചക്കാരുമായി കുതിക്കുകയാണ് ഒരു അഡാര് ലവ് എന്ന ചിത്രത്തിലെ മാണിക്യ മലരായ എന്ന മനോഹരമായ ഗാനം. ഒമർ ലുലു ഒരുക്കിയ മൂന്നാമത്തെ ചിത്രമായ ഒരു അഡാര് ലവ് എന്ന ചിത്രത്തിലെ ഗാനം ഇന്നലെ ആണ് റിലീസ് ചെയ്തത്. റിലീസ് ചെയ്ത നിമിഷം മുതൽ സോഷ്യൽ മീഡിയയിൽ അഭൂതപൂർവമായ തരംഗം സൃഷ്ടിച്ചു കൊണ്ടാണ് ഈ ഗാനം മുന്നേറിയത്. ഫേസ്ബുക്, വാട്സാപ്പ് സ്റ്റാറ്റസുകളിൽ മുഴുവൻ ഈ ഗാനമാണ് ഇപ്പോൾ. അതുപോലെ തന്നെ രസകരമായ ട്രോളുകൾ കൂടി ആയപ്പോൾ ഈ ഗാനം സോഷ്യൽ മീഡിയ മുഴുവനായി കീഴടക്കി കഴിഞ്ഞു.
വിനീത് ശ്രീനിവാസൻ ആലപിച്ച ഈ ഗാനത്തിന് ഈണം നൽകിയത് ഷാൻ റഹ്മാൻ ആണ്. തലശ്ശേരി കെ റഫീഖ് എണ്ണം നൽകിയ പഴയകാല മാപ്പിളപ്പാട്ടിന് ഒരു പുതിയ ഭാവം നല്കിയാണ് ഷാന് റഹ്മാന് ഈ ഗാനത്തിലൂടെ അവതരിപ്പിച്ചിരിക്കുന്നത്. ഈ ഗാനത്തിലെ രംഗങ്ങളും സോഷ്യൽ മീഡിയയിൽ പടരുകയാണ്.
ഈ ഗാന രംഗത്തിൽ പ്രത്യക്ഷപ്പെടുന്ന പ്രിയാ വാര്യർ എന്ന നടി ഇപ്പോൾ തന്നെ മലയാളി യുവാക്കളുടെ ഹൃദയത്തിൽ കയറി പറ്റി കഴിഞ്ഞു.
പൂമരത്തിലെ ഞാനും ഞാനുമെന്റാളും, വെളിപാടിന്റെ പുസ്തകത്തിലെ ജിമ്മിക്കി കമ്മൽ എന്നീ ഗാനങ്ങൾക്ക് ശേഷം ഒരു അഡാര് ലവ് എന്ന ചിത്രത്തിലെ ഈ ഗാനമാണ് ഇപ്പോൾ സോഷ്യൽ മീഡിയ ഭരിക്കുന്നത്. ഇരുപതു മണിക്കൂറിൽ പത്തു ലക്ഷം വ്യൂസ് യൂട്യൂബിൽ നേടിയ ഈ ഗാനം പുതിയ യൂട്യൂബ് റെക്കോർഡ് ആണ് മലയാള സിനിമയിൽ സൃഷ്ടിച്ചിരിക്കുന്നത് എന്നാണ് സൂചന.
തൃശൂരിൽ ഷൂട്ട് പുരോഗമിക്കുന്ന ഈ ചിത്രം സമ്മർ റിലീസ് ആയി എത്തും എന്നാണ് റിപ്പോർട്ടുകൾ പറയുന്നത്. ഔസേപ്പച്ചൻ വാളക്കുഴി നിർമ്മിക്കുന്ന ഈ ചിത്രത്തിലെ പ്രധാന കഥാപാത്രങ്ങൾ എല്ലാം തന്നെ പുതുമുഖങ്ങൾ ആണ് അവതരിപ്പിക്കുന്നത് . സിനു സിദ്ധാർഥ് ആണ് ഈ ചിത്രത്തിന് കാമറ ചലിപ്പിക്കുന്നത്. സാരംഗ്, ലിജോ എന്നിവർ ചേർന്ന് രചിച്ചിരിക്കുന്ന ഇ ചിത്രം സ്കൂൾ ലൈഫ് ബേസ് ചെയ്താണ് ഒരുങ്ങുന്നത് എന്നാണ് സൂചന.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.