വീണ്ടും ഞെട്ടിക്കുന്ന രൂപമാറ്റവുമായി മോഹൻലാൽ സോഷ്യൽ മീഡിയ കീഴടക്കുന്നു..!

മോഹൻലാൽ എന്നും മലയാളികളെ വിസ്മയിപ്പിച്ചിട്ടുള്ള നടൻ ആണ്. ഇന്ത്യൻ സിനിമയുടെ ഈ നടന വിസ്മയം ഇപ്പോൾ ബ്രഹ്മാണ്ഡ ചിത്രങ്ങളുടെ ഭാഗമാകുവാനുള്ള തയ്യാറെടുപ്പിലാണ്. അതിന്റെ ഭാഗമായി ഒടിയൻ എന്ന ചിത്രത്തിനായി പതിനെട്ടു കിലോയോളം രണ്ടു മാസം കൊണ്ട് കുറച്ച മോഹൻലാലിൻറെ പുത്തൻ ലുക്ക് ഇന്ത്യൻ സിനിമയിൽ തന്നെ ചർച്ചാ വിഷയം ആയിരുന്നു. അതിനു ശേഷം അദ്ദേഹത്തിൽ ഓരോ ദിവസവും വരുന്ന രൂപമാറ്റം അത്ഭുതത്തോടെയാണ് മലയാളികൾ നോക്കി കണ്ടത്. ഈ അൻപത്തിയേഴാം വയസ്സിലും മോഹൻലാൽ എന്ന മഹാനടൻ സിനിമയോട് കാണിക്കുന്ന ഈ അർപ്പണ ബോധത്തെ മലയാളികൾ അത്ഭുതത്തോടു തന്നെയാണ് നോക്കി കാണുന്നത്. ഇപ്പോഴിതാ വീണ്ടും ഞെട്ടിക്കുന്ന രൂപമാറ്റവുമായി മോഹൻലാൽ മലയാളികളെ വിസ്മയിപ്പിക്കുകയാണ്.

ഇന്ന് മോഹൻലാൽ തന്റെ ഒഫീഷ്യൽ പേജ് വഴി ഷെയർ ചെയ്ത പുതിയ ഫോട്ടോ സോഷ്യൽ മീഡിയയിൽ തരംഗമായി മാറി കഴിഞ്ഞു. ജിം വർക്ക് ഔട്ടിനിടെ എടുത്ത ഒരു ഫോട്ടോ ആണത്. ശരീരം ഫിറ്റ് ആക്കി മെലിഞ്ഞു സുന്ദരനായി ആണ് മോഹൻലാൽ ഈ ഫോട്ടോയിൽ പ്രത്യക്ഷപ്പെട്ടിരിക്കുന്നത്. നമ്മുടെ യുവാക്കളുടെ ഭാഷയിൽ പറഞ്ഞാൽ ലാലേട്ടനും ജിമ്മനായി മാറിയ ഒരു ലുക്ക്. ഒടിയൻ എന്ന ചിത്രത്തിന് വേണ്ടി ശാരീരികമായി അദ്ദേഹം എടുക്കുന്ന പരിശ്രമത്തിന്റെ തെളിവ് കൂടിയാണ് ഈ കിടിലൻ മേക് ഓവർ എന്ന് തന്നെ പറയാം. ഇപ്പോൾ അജോയ് വർമ്മ ഒരുക്കുന്ന നീരാളി എന്ന ചിത്രത്തിന്റെ ചിത്രീകരണത്തിലുള്ള അദ്ദേഹം, ഈ വരുന്ന തിങ്കൾ മുതൽ റോഷൻ ആൻഡ്രൂസ് ഒരുക്കുന്ന കായംകുളം കൊച്ചുണ്ണിയിൽ ജോയിൻ ചെയ്യും. ഇത്തിക്കര പക്കി ആയി അതിഥി വേഷത്തിലാണ് മോഹൻലാൽ ഈ ചിത്രത്തിൽ അഭിനയിക്കുക. ഒടിയൻ എന്ന ചിത്രത്തിന്റെ അവസാന ഷെഡ്യൂൾ മാർച്ച് ഒന്ന് മുതൽ ആരംഭിക്കും എന്നാണ് സൂചന.