തുടര്‍ച്ചയായ ആറാമത്തെ ഹിറ്റിനായി നിവിന്‍ പോളി

മലയാളത്തിലെ യുവതാരങ്ങളില്‍ വിലയേറിയ താരങ്ങളില്‍ ഒരാളാണ് നിവിന്‍ പോളി. തുടര്‍ച്ചയായ വമ്പന്‍ ഹിറ്റുകളും മിനിമം ഗാരണ്ടി നല്‍കുന്നു എന്നതും നിവിന്‍ പോളിയുടെ ഗ്രാഫ് കുത്തനെ ഉയര്‍ത്തുന്നുണ്ട്. 2015ല്‍ ഇറങ്ങിയ പ്രേമത്തോടെ അന്യ ഭാഷ പ്രേമികളും നിവിന്‍ പോളിയുടെ ആരാധകരായി മാറുന്ന കാഴ്ച നമ്മള്‍ കണ്ടതാണ്. വിനീത് ശ്രീനിവാസന്‍ ചിത്രം ഒരു വടക്കന്‍ സെല്‍ഫിയ്ക്ക് ശേഷം നിവിന്‍ പോളി നായകനായി എത്തിയ സിനിമകള്‍ എല്ലാം ഹിറ്റുകള്‍ ആയിരുന്നു.

2015ല്‍ എത്തിയ ഒരു വടക്കന്‍ സെല്‍ഫി, പ്രേമം, 2016ല്‍ എത്തിയ ആക്ഷന്‍ ഹീറോ ബിജു, ജേക്കബിന്‍റെ സ്വര്‍ഗ രാജ്യം എന്നീ ചിത്രങ്ങള്‍ ബ്ലോക്ക്ബസ്റ്റര്‍ ഹിറ്റുകളും ഈ വര്‍ഷം എത്തിയ സഖാവ് ഹിറ്റും ആയിരുന്നു.

മറ്റൊരു നിവിന്‍ പോളി ചിത്രം കൂടെ ഈ വര്‍ഷം റിലീസിന് എത്തുകയാണ്. ഞണ്ടുകളുടെ നാട്ടില്‍ ഒരിടവേള എന്ന ആ ചിത്രം സംവിധാനം ചെയ്തിരിക്കുന്നത് പ്രേമം, സഖാവ് എന്നീ ചിത്രങ്ങളിലൂടെ ശ്രദ്ധേയനായ അല്‍ത്താഫ് ആണ്.

നിവിന്‍ പോളിയുടെ തന്നെ ബാനര്‍ ആയ പോളി ജൂനിയര്‍ പിക്ചേഴ്സ് ഒരുക്കുന്ന ഈ ചിത്രം വിതരണത്തിന് എടുത്തിരിക്കുന്നത് മലയാളത്തിലെ പ്രശസ്ഥ നിര്‍മ്മാണ കമ്പനിയായ E4 എന്‍റര്‍ടൈന്‍മെന്‍റ്സും സ്റ്റുഡിയോ 11 റിലീസും ചേര്‍ന്നാണ്.

നിവിന്‍ പോളിയുടെ തുടര്‍ച്ചയായുള്ള ആറാമത്തെ ഹിറ്റ് ആകുമോ ഞണ്ടുകളുടെ നാട്ടില്‍ ഒരിടവേള എന്നാണ് ആരാധകര്‍ കാത്തിരിക്കുന്നത്.