ധര്‍മ്മജന്‍ പ്രധാന വേഷത്തില്‍ എത്തുന്ന കാപ്പുചീനോയുടെ ട്രൈലര്‍ എത്തി

കട്ടപ്പനയിലെ ഹൃതിക്ക് റോഷന് ശേഷം ധര്‍മ്മജന് തിരക്കേറിയിരിക്കുകയാണ്. അത്രയേറെ ജനപ്രീതി ആ സിനിമ ധര്‍മ്മജന് നേടികൊടുത്തിട്ടുണ്ട്. ധര്‍മ്മജന്‍ പ്രധാന വേഷത്തില്‍ എത്തുന്ന കാപ്പുചീനോ എന്നൊരു ചിത്രം റിലീസിങ്ങിന് ഒരുങ്ങുകയാണ്. ധര്‍മ്മജനെ കൂടാതെ അനീഷ് ജി മേനോന്‍, അന്‍വര്‍ ഷരീഫ്, കണാരന്‍ ഹരീഷ്, കോട്ടയം പ്രദീപ്, നടാഷ തുടങ്ങിയ താരങ്ങളും ചിത്രത്തില്‍ അണിനിരക്കുന്നു.

കാപ്പുച്ചീനോയുടെ ഒഫീഷ്യല്‍ ട്രൈലര്‍ കഴിഞ്ഞ ദിവസം ചിത്രത്തിന്‍റെ അണിയറ പ്രവര്‍ത്തകര്‍ പുറത്തു വിട്ടിരുന്നു. കോമഡി ഫ്ലേവറില്‍ ഒരുങ്ങുന്ന ഈ പ്രണയ ചിത്രം സംവിധാനം ചെയ്യുന്നത് നൗഷാദ് ആണ്.