നിവിൻ പോളിയുടെ ഈ വർഷത്തെ ആദ്യത്തെ റിലീസ് ആയിരുന്നു ശ്യാമ പ്രസാദ് ഒരുക്കിയ ഹേ ജൂഡ് എന്ന ചിത്രം. നിവിൻ പോളിയുടെ കരിയർ ബെസ്റ്റ് പെർഫോമൻസ് ആണ് ഈ ചിത്രത്തിലെ ടൈറ്റിൽ കഥാപാത്രത്തിലൂടെ നമ്മൾ കണ്ടത്. ഒരു ഫീൽ ഗുഡ് ഫാമിലി എന്റെർറ്റൈനെർ ആയി ഒരുക്കിയ ഈ ചിത്രം സാവധാനം ആണ് ബോക്സ് ഓഫീസിൽ തുടങ്ങിയതെങ്കിലും ഇപ്പോൾ അമ്പതു ദിവസങ്ങൾ പിന്നിട്ടു മികച്ച വിജയമാണ് നേടിയെടുക്കുന്നത്. ബ്ലോക്ക്ബസ്റ്റർ വിജയം നേടിയ പ്രണവ് മോഹൻലാൽ ചിത്രം ആദിക്കും കുഞ്ചാക്കോ ബോബൻ ചിത്രമായ ശിക്കാരി ശംഭുവിനും ശേഷം കേരളത്തിൽ ഈ വർഷം അമ്പതു ദിവസം റിലീസിംഗ് സ്റ്റേഷനുകളിൽ പിന്നിടുന്ന ചിത്രമാണ് ഹേ ജൂഡ്. കൊച്ചിൻ മൾട്ടിപ്ളെക്സുകളിൽ അടക്കം ഇപ്പോഴും ഹേ ജൂഡ് പ്രദർശനം തുടരുന്നുണ്ട്.
പ്രശസ്ത തമിഴ് നടി തൃഷ ആദ്യമായി മലയാളത്തിൽ എത്തിയത് ഈ ചിത്രത്തിലൂടെയാണ്. കേരളത്തിൽ മാത്രമല്ല ചെന്നൈയിലും ഈ ചിത്രം അമ്പതു ദിവസം തികച്ചു മികച്ച നേട്ടമാണ് ഉണ്ടാക്കിയത്. പ്രേമത്തിന്റെ വമ്പൻ വിജയത്തോടെ തമിഴ് നാട്ടിൽ മികച്ച മാർക്കറ്റ് നേടിയ നിവിൻ പോളിയുടെയും അതുപോലെ തൃഷയുടെയും സാന്നിധ്യം ഈ ചിത്രത്തെ അവിടെയും വിജയമാക്കി മാറ്റി എന്ന് പറയാം.
നിവിൻ പോളിയുടെ തുടർച്ചയായ നാലാമത്തെ ചിത്രമാണ് ഇപ്പോൾ ചെന്നൈയിൽ അമ്പതു ദിവസം പിന്നിടുന്നത്. ഈ അപൂർവ നേട്ടവും ഹേ ജൂഡിലൂടെ നിവിൻ നേടിയെടുത്തു. ഒട്ടേറെ അംഗീകാരങ്ങൾ ജൂഡ് എന്ന കഥാപാത്രം നിവിന് നേടി കൊടുക്കും എന്നുറപ്പാണ്.
അമ്പലക്കര ഗ്ലോബൽ ഫിലിമ്സിന്റെ ബാനറിൽ അനിൽ കുമാർ നിർമ്മിച്ച ഈ ചിത്രത്തിൽ സിദ്ദിഖ്, വിജയ് മേനോൻ, നീന കുറുപ്പ് എന്നിവരും പ്രധാന വേഷങ്ങൾ അവതരിപ്പിച്ചിരിക്കുന്നു. സംഗീതവും ഹാസ്യവും കുടുംബ ബന്ധങ്ങളും നിറഞ്ഞ ഒരു വ്യത്യസ്ത ശ്യാമ പ്രസാദ് ചിത്രം എന്ന് ഹേ ജൂഡിനെ നമ്മുക്ക് വിശേഷിപ്പിക്കാം. റോഷൻ ആൻഡ്രൂസിന്റെ കായംകുളം കൊച്ചുണ്ണിയിൽ ആണ് നിവിൻ പോളി ഇപ്പോൾ അഭിനയിച്ചു കൊണ്ടിരിക്കുന്നത്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.