മലയാളത്തിന്റെ യുവതാരം നിവിൻ പോളി നായകനായി അഭിനയിക്കുന്ന ഏറ്റവും പുതിയ ചിത്രം ആരംഭിച്ചു. ദി ഗ്രേറ്റ് ഫാദർ, മിഖായേൽ എന്നീ ചിത്രങ്ങൾക്ക് ശേഷം ഹനീഫ് അദനി ഒരുക്കുന്ന ഈ ചിത്രത്തിന്റെ ഷൂട്ടിംഗ് യുഎഇയിൽ ആണ് ആരംഭിച്ചത്. മിഖായേലിനു ശേഷം നിവിൻ പോളി- ഹനീഫ് അദനി ടീം ഒന്നിക്കുന്ന ഈ ചിത്രം നിർമ്മിക്കുന്നത് മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും പോളി ജൂനിയർ പിക്ചേഴ്സിന്റെ ബാനറിൽ നിവിൻ പോളിയുമാണ്. ഹനീഫ് അദനി തന്നെ രചിച്ച ഈ ചിത്രത്തിന്റെ ഷൂട്ടിംഗ് ആരംഭിച്ചത് ജനുവരി ഇരുപതിന് ആണ്. കഴിഞ്ഞ ദിവസമാണ് നിവിൻ പോളി ഇതിന്റെ സെറ്റിൽ ജോയിൻ ചെയ്തത്. ശരീര ഭാരം കുറച്ച് സ്റ്റൈലിഷ് ലുക്കിലാണ് താരം ഈ ചിത്രത്തിൽ ജോയിൻ ചെയ്തിരിക്കുന്നത്. വലിയ ഫിസിക്കൽ ട്രാൻസ്ഫോർമേഷൻ നടത്തിയ നിവിന്റെ ചിത്രങ്ങൾ നേരത്തെ തന്നെ സോഷ്യൽ മീഡിയയിൽ വൈറലായി മാറിയിരുന്നു.
നിവിൻ പോളിയെ കൂടാതെ ജാഫർ ഇടുക്കി, വിനയ് ഫോർട്ട്, വിജിലേഷ്, മമിത ബൈജു, ആർഷ ചാന്ദ്നി തുടങ്ങിയവരും ഈ ചിത്രത്തിന്റെ താരനിരയിൽ ഉണ്ട്. വിഷ്ണു തണ്ടാശേരി ക്യാമറ ചലിപ്പിക്കുന്ന ഈ ചിത്രത്തിന് സംഗീത സംവിധാനം നിർവഹിക്കുന്നത് മിഥുൻ മുകുന്ദൻ, എഡിറ്റ് ചെയ്യാൻ പോകുന്നത് നിഷാദ് യൂസഫ് എന്നിവരാണ്. എൻ പി 42 എന്നാണ് നിവിൻ പോളിയുടെ നാൽപ്പത്തിരണ്ടാം ചിത്രത്തിന് താല്കാലിമായി നൽകിയിരിക്കുന്ന പേര്. വിനയ് ഗോവിന്ദ് ഒരുക്കുന്ന താരം, ഡിജോ ജോസ് ആന്റണി ഒരുക്കാൻ പോകുന്ന പുതിയ ചിത്രം എന്നിവയിലും നിവിൻ പോളി ഈ വർഷം അഭിനയിക്കും. ഇത് കൂടാതെ നിവിൻ അഭിനയിച്ച റാമിന്റെ തമിഴ് ചിത്രവും ഈ വർഷം റിലീസ് ചെയ്യും.
ഇത്തവണ ഓണം റിലീസായി 4 ചിത്രങ്ങളാണ് പ്രധാനമായും പ്രേക്ഷകരുടെ മുന്നിലെത്തിയത്. നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം,…
പ്രശസ്ത സംവിധായകൻ മഹേഷ് നാരായണൻ ഒരുക്കാൻ പോകുന്ന ഏറ്റവും പുതിയ ബിഗ് ബഡ്ജറ്റ് ചിത്രത്തിന്റെ ചില അപ്ഡേറ്റുകളാണ് ഇപ്പോൾ സോഷ്യൽ…
ഉണ്ണി മുകുന്ദനെ നായകനാക്കി മേപ്പടിയാൻ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് വിഷ്ണു മോഹൻ. പ്രേക്ഷക പ്രീതി നേടിയ ഈ…
കൊച്ചി : 15 വർഷങ്ങൾ..നിർമ്മിച്ചത് 26 സിനിമകൾ. മലയാള സിനിമ മേഖലയിൽ മാറ്റത്തിന്റെ പാത തെളിച്ചാണ് ലിസ്റ്റിൻ സ്റ്റീഫനും മാജിക്…
കേരളത്തിന് പുറമെ അന്യസംസ്ഥാനങ്ങളും 3D A.R.M ന്റെ ബോക്സ് ഓഫീസ് തേരോട്ടം തുടരുകയാണ് .ഫേസ്ബുക്കിൽ അജിത് പുല്ലേരി പങ്ക് വച്ച…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന ചിത്രമാണ് എമ്പുരാൻ. നൂറു കോടി ക്ലബിൽ ഇടം പിടിച്ച തന്റെ…
This website uses cookies.