പൃഥ്വിരാജ് ചിത്രം കാളിയന്റെ പുതിയ വിവരങ്ങൾ എത്തുന്നു; ആവേശഭരിതരായി ആരാധകർ..!

യുവ സൂപ്പർതാരം പൃഥ്വിരാജ് സുകുമാരൻ ഇപ്പോൾ തന്റെ ആദ്യ സംവിധാന സംരംഭമായ മോഹൻലാൽ ചിത്രം ലൂസിഫറിന്റെ ഷൂട്ടിംഗ് തിരക്കുകളിൽ ആണ്. അടുത്ത വർഷം മാർച്ച് മാസത്തിൽ ആണ് ലൂസിഫർ റിലീസ് ചെയ്യുന്നത്. ലൂസിഫറിന്റെ ജോലികൾ തീർത്ത ശേഷം പൃഥ്വിരാജ് ബ്ലെസി ഒരുക്കുന്ന ആട് ജീവിതത്തിൽ ജോയിൻ ചെയ്യുകയും ചെയ്യും. ആട് ജീവിതത്തിനും ശേഷം പൃഥ്വിരാജ് ചെയ്യാൻ പോകുന്നത് അദ്ദേഹത്തിന്റെ കരിയറിലെ തന്നെ ഏറ്റവും വലിയ ചിത്രമായ കാളിയൻ ആണ്. നവാഗതനായ എസ് മഹേഷ് ആണ് ഈ ചിത്രം സംവിധാനം ചെയ്യാൻ പോകുന്നത്. ഒരു ഗംഭീര മോഷൻ ടീസറോടെയാണ് ഈ ചിത്രം പ്രഖ്യാപിച്ചത്. ഇപ്പോൾ ഈ ചിത്രത്തിന്റെ പ്രീ-പ്രൊഡക്ഷൻ ജോലികൾ നടന്നു കൊണ്ടിരിക്കുകയാണ്. ചിത്രത്തെ കുറിച്ചുള്ള പുതിയ വിവരങ്ങളും ഇപ്പോൾ അണിയറ പ്രവർത്തകർ പുറത്തു വിട്ടിട്ടുണ്ട്.

കാളിയനിലെ കഥാപാത്രങ്ങളുടെ ഗ്രാഫിക് സ്കെച്ചിങ് എന്ന പരിപാടി ഇപ്പോൾ പൂർത്തിയായി കഴിഞ്ഞു എന്നും ഇപ്പോൾ ചിത്രത്തിന്റെ പ്രീ- വിഷ്വലൈസേഷൻ ഡിജിറ്റൽ സ്റ്റോറി ബോർഡ് തയ്യാറാക്കുന്ന ജോലികൾ പുരോഗമിക്കുകയാണ് എന്നും കാളിയൻ ടീം അറിയിച്ചു. മാജിക് മൂൺ പ്രൊഡക്ഷൻസിന്റെ ബാനറിൽ രാജീവ് നായർ ആണ് ഈ ചിത്രം നിർമ്മിക്കാൻ പോകുന്നത്. ബി ടി അനിൽ കുമാർ രചന നിർവഹിച്ചിരിക്കുന്ന ഈ ചിത്രത്തിന് സംഗീത സംവിധാനം നിർവഹിക്കുന്നത് ബോളിവുഡിലെ പ്രശസ്തരായ സംഗീത സംവിധായക ടീം ആയ ശങ്കർ- ഇഹ്‌സാൻ – ലോയ് ആണ്.നൂറ്റാണ്ടുകൾക്കു മുൻപ് വേണാട് ഭരിച്ചിരുന്ന ആളുകളുടെയും അന്നത്തെ യോദ്ധാക്കളുടെയും കഥയാണ് ഈ ചിത്രം പറയുന്നത്. സുജിത് വാസുദേവ് ഛായാഗ്രഹണം നിർവഹിക്കുന്ന ഈ ചിത്രത്തിൽ തമിഴ് നടൻ സത്യരാജ് ഒരു നിർണ്ണായക വേഷം അവതരിപ്പിക്കും.