സ്റ്റൈലിഷ് വസ്ത്രങ്ങളിൽ നസ്രിയ നസിം; വൈറൽ ആയി പുതിയ ചിത്രങ്ങൾ

പ്രശസ്ത നടിയും നടൻ ഫഹദ് ഫാസിലിന്റെ ഭാര്യയുമായ നസ്രിയ മലയാള സിനിമയിലേക്ക് വീണ്ടും തിരിച്ചു വരവ് നടത്തിയത് രണ്ടു വർഷം മുൻപേ റിലീസ് ചെയ്ത പൃഥ്വിരാജ്- അഞ്ജലി മേനോൻ ചിത്രമായ കൂടെയിലൂടെയാണ്. ഈ വർഷം നസ്രിയ അഭിനയിച്ച പുതിയ ചിത്രമായ ട്രാൻസ് അടുത്ത മാസം റിലീസ് ചെയ്യാൻ പോവുകയാണ്. ഫഹദ് ഫാസിലിനെ നായകനാക്കി അൻവർ റഷീദോരുക്കിയ ഈ ചിത്രത്തിൽ വളരെ സ്റ്റൈലിഷ് ലുക്കിലാണ് നസ്രിയ പ്രത്യക്ഷപ്പെടുന്നത് എന്നാണ് ഇതിന്റെ പോസ്റ്ററുകൾ നമുക്ക് നൽകുന്ന സൂചന. ഇപ്പോഴിതാ വളരെ സ്റ്റൈലിഷ് വസ്ത്രങ്ങളണിഞ്ഞു നിൽക്കുന്ന നസ്രിയയുടെ പുതിയ ചിത്രങ്ങൾ സോഷ്യൽ മീഡയയിൽ വൈറലായി മാറുകയാണ്.

ചുവപ്പു ഡ്രെസ്സും കൂളിംഗ് ഗ്ലാസ്സുമണിഞ്ഞു നിൽക്കുന്ന നസ്രിയക്കൊപ്പം ഭർത്താവും നടനുമായ ഫഹദ് ഫാസിലിനേയും കാണാം. ഒരുപാട് മെലിഞ്ഞു വലിയ മേക് ഓവർ നടത്തിയാണ് നസ്രിയ ഇപ്പോൾ പ്രത്യക്ഷപ്പെട്ടിരിക്കുന്നത്. ഫഹദ് ഫാസിലിനെ വിവാഹം കഴിച്ച ശേഷം നാലു വർഷത്തോളമാണ് നസ്രിയ അഭിനയ ജീവിതത്തിൽ നിന്ന് മാറി നിന്നതു. ഏഴു വർഷത്തിന് ശേഷം അൻവർ റഷീദ് ഒരുക്കിയ ട്രാൻസ് ഈ വരുന്ന ഫെബ്രുവരി പതിനാലിന് റിലീസ് ചെയ്യും. മുപ്പത്തിയഞ്ചു കോടി രൂപ ബഡ്ജറ്റിൽ ഒരുക്കിയ ഈ ചിത്രം നിർമ്മിച്ചതും അൻവർ തന്നെയാണ്. ഫഹദ് ഫാസിൽ, നസ്രിയ എന്നിവർക്കൊപ്പം വിനായകൻ, സൗബിൻ, ചെമ്പൻ വിനോദ്, ശ്രീനാഥ് ഭാസി, ഗൗതം വാസുദേവ് മേനോൻ, അർജുൻ അശോകൻ, ജിനു ജോസഫ്, അശ്വതി മേനോൻ, ശ്രിന്ദ, ധർമജൻ ബോൾഗാട്ടി, അമൽഡ ലിസ് എന്നിവരും അഭിനയിച്ചിരിക്കുന്നു. അമൽ നീരദാണ് ഈ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നതു. വിൻസെന്റ് വടക്കൻ തിരക്കഥ രചിച്ച ഈ ചിത്രത്തിൽ ഒരു മോട്ടിവേഷണൽ സ്പീക്കർ/ ട്രൈനെർ ആയാണ് ഫഹദ് എത്തുന്നത്.