ആരാധകരുടെയും സിനിമാ പ്രേമികളുടെയും ഏറെ നാളത്തെ കാത്തിരിപ്പിനു ശേഷം മമ്മൂട്ടി നായകനായ മാമാങ്കം വെള്ളിത്തിരയിൽ എത്താൻ ഒരുങ്ങുകയാണ്. എം പദ്മകുമാർ സംവിധാനം ചെയ്തിരിക്കുന്ന ഈ ചിത്രം മമ്മൂട്ടിയുടേയും പദ്മകുമാറിന്റെയും കരിയറിലെ ഏറ്റവും വലിയ ചിത്രമാണ്. അമ്പതു കോടിയോളം രൂപ മുടക്കി ഈ ബ്രഹ്മാണ്ഡ ചിത്രം നിർമ്മിക്കുന്നത് കാവ്യാ ഫിലിമ്സിന്റെ ബാനറിൽ വേണു കുന്നപ്പിള്ളി ആണ്. മമ്മൂട്ടി, ഉണ്ണി മുകുന്ദൻ, ബാല താരം അച്യുതൻ, ബോളിവുഡ് താരം പ്രാചി ടെഹ്ലൻ, അനു സിതാര, സിദ്ദിഖ്, സുരേഷ് കൃഷ്ണ തുടങ്ങി വലിയ താര നിര അണിനിരക്കുന്ന ഈ ചിത്രത്തിന്റെ സംഗീതം ഒരുക്കിയിരിക്കുന്നത് എം ജയചന്ദ്രൻ ആണ്.
ഈ ചിത്രത്തിലേക്ക് വിളിക്കുമ്പോൾ തനിക്കു ആദ്യം ആശങ്ക ഉണ്ടായിരുന്നത് ഇതിലെ വസ്ത്രധാരണ രീതിയെ കുറിച്ചായിരുന്നു എന്ന് അനു സിതാര പറയുന്നു. എന്നാൽ പിന്നീട് തനിക്കു സൗകര്യ പ്രദമായ രീതിയിൽ അവർ വസ്ത്രങ്ങൾ ഒരുക്കി തന്നു എന്നും അതോടു കൂടി ആദ്യം ഉണ്ടായിരുന്ന ആശങ്കകൾ മാറി എന്നും അനു സിതാര പറഞ്ഞു. വളരെ കുറച്ചു ദിവസമേ ഈ ചിത്രത്തിൽ തനിക്കു ഷൂട്ട് ഉണ്ടായിരുന്നുള്ളു എന്നും ഈ നടി പറയുന്നു. വലിയ ചിത്രങ്ങൾ അന്യ ഭാഷയിൽ കാണുമ്പോൾ അതുപോലെ മലയാളത്തിലും ഉണ്ടായിരുന്നെങ്കിൽ എന്ന് ആഗ്രഹിച്ചിട്ടുണ്ട് എന്നും ഇപ്പോൾ മാമാങ്കം പോലെ ഒരു വലിയ ചിത്രം മലയാളത്തിൽ സംഭവിച്ചപ്പോൾ അതിന്റെ ഭാഗം ആവാൻ കഴിഞ്ഞതിൽ വലിയ സന്തോഷം ഉണ്ട് എന്നും അനു സിതാര വിശദീകരിക്കുന്നു. അപ്രതീക്ഷിതമായി ആണ് ഈ ചിത്രത്തിലേക്ക് തന്നെ ക്ഷണിക്കുന്നത് എന്നും അനു സിതാര പറഞ്ഞു.
കുറച്ചു നാൾ മുൻപ് റിലീസ് ചെയ്ത ഈ ചിത്രത്തിന്റെ ടീസർ വലിയ പ്രേക്ഷക ശ്രദ്ധയാണ് നേടിയെടുത്തത്. മലയാളം, തമിഴ്, തെലുങ്കു, ഹിന്ദി ഭാഷകളിൽ ആയി റിലീസ് ചെയ്യുന്ന ഈ ചിത്രം അടുത്ത മാസം 21 നു ലോകം മുഴുവൻ പ്രദർശനത്തിന് എത്തും. മമ്മൂട്ടിയുടെ കരിയറിലെ ഏറ്റവും വലിയ റിലീസാണ് മാമാങ്കം ലക്ഷ്യമിടുന്നത്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.