ദളപതി വിജയ് നായകനായി അഭിനയിക്കാൻ പോകുന്ന പുതിയ ചിത്രം ഒരുക്കാൻ പോകുന്നത് സൂപ്പർ ഹിറ്റ് സംവിധായകനായ ലോകേഷ് കനകരാജാണ്. ദളപതി 67 എന്ന് താൽക്കാലികമായി പേര് നൽകിയിരിക്കുന്ന ഈ ചിത്രത്തിന്റെ ഷൂട്ടിംഗ് വരുന്ന ഡിസംബർ മുതൽ ആരംഭിക്കുമെന്നാണ് ഇപ്പോൾ ലഭിക്കുന്ന വിവരങ്ങൾ പറയുന്നത്. ഈ ചിത്രത്തിന്റെ താരനിരയെ കുറിച്ചുള്ള ചില വിവരങ്ങളും പുറത്ത് വരുന്നുണ്ട്. ഇപ്പോഴിതാ, ഈ ചിത്രത്തിന്റെ ഭാഗമായി മലയാളി യുവനടൻ മാത്യു തോമസും എത്തുമെന്ന് പ്രശസ്ത ട്രേഡ് അനലിസ്റ്റ് ശ്രീധർ പിള്ളൈ റിപ്പോർട്ട് ചെയ്യുന്നു. മാത്യു തോമസിനെ ഈ ചിത്രത്തിലെ ഒരു നിർണ്ണായക വേഷം ചെയ്യാൻ സമീപിച്ചിട്ടുണ്ടെന്നാണ് വിവരം. മലയാളി താരങ്ങളെ തന്റെ ചിത്രങ്ങളിൽ എപ്പോഴും ഉൾപ്പെടുത്താറുള്ള സംവിധായകനാണ് ലോകേഷ് കനകരാജ്. ഹരീഷ് പേരാടി, മാളവിക മോഹനൻ, ഫഹദ് ഫാസിൽ, ചെമ്പൻ വിനോദ്, കാളിദാസ് ജയറാം, നരെയ്ൻ, ഹാരിഷ് ഉത്തമൻ തുടങ്ങി ഒട്ടേറെ താരങ്ങൾ ലോകേഷ് കനകരാജ് ചിത്രത്തിന്റെ ഭാഗമായി തമിഴിൽ എത്തിയിട്ടുണ്ട്.
വിക്രം എന്ന ഇൻഡസ്ട്രി ഹിറ്റ് ചിത്രത്തിനു ശേഷം ലോകേഷ് കനകരാജ് ചെയ്യാൻ പോകുന്ന ചിത്രത്തിൽ വിജയ്ക്കൊപ്പം സഞ്ജയ് ദത്, ഗൗതം വാസുദേവ് മേനോൻ, തൃഷ, മിഷ്കിൻ, അർജുൻ എന്നിവരും ഉണ്ടാകുമെന്നാണ് വാർത്തകൾ വരുന്നത്. ചിത്രത്തിന്റെ താരനിരയെ കുറിച്ചുള്ള ഔദ്യോഗിക പ്രഖ്യാപനം വൈകാതെ വരുമെന്നാണ് സൂചന. ഇപ്പോൾ വംശി സംവിധാനം ചെയ്യുന്ന വാരിസ് എന്ന ചിത്രത്തിന്റെ അവസാന ഘട്ട ഷൂട്ടിങിലാണ് ദളപതി വിജയ്. തമിഴിലും തെലുങ്കിലും ഒരുക്കുന്ന ഈ ചിത്രത്തിൽ രശ്മിക മന്ദാനയാണ് നായികാ വേഷം ചെയ്യുന്നത്. ദിൽ രാജു നിർമ്മിക്കുന്ന ഈ ചിത്രം പൊങ്കൽ റിലീസായി 2023 ജനുവരിയിൽ എത്തും.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.