200 കോടി ബഡ്ജറ്റിൽ വൃഷഭ; 4000 സ്ക്രീനുകളിൽ അഞ്ച് ഭാഷകളിൽ മോഹൻലാലിന്റെ പാൻ ഇന്ത്യൻ വിസ്മയം; റിലീസ് അപ്ഡേറ്റ് ഉടൻ.
മലയാളത്തിന്റെ മഹാനടൻ മോഹൻലാൽ നായകനായി എത്തുന്ന പാൻ ഇന്ത്യൻ ചിത്രം വൃഷഭയുടെ രണ്ടാം ഷെഡ്യൂൾ ഇപ്പോൾ മുംബൈയിൽ ആരംഭിച്ചു കഴിഞ്ഞു. മൈസൂരിൽ നടന്ന ഈ ചിത്രത്തിന്റെ ആദ്യ ഷെഡ്യൂൾ സെപ്റ്റംബറിലാണ് പൂർത്തിയായത്. ഒക്ടോബർ- നവംബർ മാസങ്ങളിലായി ഇതിന്റെ രണ്ടാം ഷെഡ്യൂൾ പൂർത്തിയാക്കാനാണ് അണിയറ പ്രവർത്തകരുടെ പ്ലാൻ. മാത്രമല്ല, ചിത്രത്തിന്റെ റിലീസ് തീയതി ഉൾപ്പെടെയുള്ള വിവരങ്ങൾ ഈ വരുന്ന ദസറ ആഘോഷ സമയത്ത് പുറത്ത് വിടുമെന്നും അണിയറ പ്രവർത്തകർ അറിയിച്ചിട്ടുണ്ട്. ഇപ്പോൾ മുംബൈ ഷെഡ്യൂളിൽ ജോയിൻ ചെയ്ത മോഹൻലാൽ ഈ ചിത്രം പൂർത്തിയാക്കിയതിന് ശേഷമാകും പൃഥ്വിരാജ് ഒരുക്കുന്ന എംപുരാനിൽ ജോയിൻ ചെയ്യുക. ലഡാക്ക്, ഷിംല എന്നിവിടങ്ങളിലാണ് എമ്പുരാന്റെ ആദ്യ ഷെഡ്യൂൾ നടക്കുന്നത്. കന്നഡ സംവിധായകൻ നന്ദ കിഷോർ സംവിധാനം ചെയ്യുന്ന വൃഷഭ 200 കോടി ബഡ്ജറ്റിലാണ് ഒരുക്കുന്നത്.
മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായി 4000 സ്ക്രീനുകളിലാണ് ഈ ചിത്രം റിലീസ് ചെയ്യാൻ പ്ലാൻ ചെയ്യുന്നത്. എവിഎസ് സ്റ്റുഡിയോസ്, ഫസ്റ്റ് സ്റ്റെപ്പ് മൂവീസ്, ബാലാജി ടെലിഫിലിംസ്, കണക്റ്റ് മീഡിയ എന്നീ ബാനറുകലില് അഭിഷേക് വ്യാസ്, വിശാല് ഗുര്നാനി, ജൂഹി പരേഖ് മെഹ്ത, ശ്യാം സുന്ദര്, ഏക്ത കപൂര്, ശോഭ കപൂര്, വരുണ് മാതൂര് എന്നിവര് ചേർന്ന് നിർമ്മിക്കുന്ന ഈ ചിത്രത്തിന്റെ സഹ നിർമ്മാതാവായി ഓസ്കാർ അവാർഡ് നേടിയ മൂൺ ലൈറ്റ് ഉൾപ്പെടെ ഒട്ടേറെ ഹോളിവുഡ് വമ്പൻ ചിത്രങ്ങളിൽ ജോലി ചെയ്തിട്ടുള്ള നിക്ക് തുർലോ കൂടി എത്തിയിട്ടുണ്ട്. പീറ്റർ ഹെയ്ൻ സംഘട്ടന സംവിധാനം നിർവഹിക്കുന്ന ഈ ചിത്രത്തിൽ റോഷന് മെക, ഷനയ കപൂര്, സഹ്റ ഖാന്, രാഗിണി ദ്വിവേദി, ശ്രീകാന്ത് മെക എന്നിവരും വേഷമിടുന്നുണ്ട്. . ദേവി ശ്രീ പ്രസാദ് ആണ് ഈ പാൻ ഇന്ത്യൻ ചിത്രത്തിന്റെ സംഗീത സംവിധായകൻ.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.