2013 ഡിസംബർ മാസത്തിലാണ് മലയാള സിനിമയുടെ തലവര തിരുത്തിയെഴുതിയ ദൃശ്യം എന്ന മോഹൻലാൽ ചിത്രം തീയേറ്ററുകളിൽ എത്തിയത്. ജീത്തു ജോസഫ് സംവിധാനം ചെയ്ത ഈ ഫാമിലി ത്രില്ലർ ആദ്യമായി അമ്പതു കോടി ക്ലബിൽ എത്തുന്ന മലയാള ചിത്രമായി എന്ന് മാത്രമല്ല ചൈനീസ്, സിംഹളീസ് എന്നീ വിദേശ ഭാഷകൾ ഉൾപ്പെടെ ആറ് ഭാഷകളിലേക്ക് റീമേക്ക് ചെയ്യുകയും ചെയ്തു. ഇതിൽ ജോർജുകുട്ടി എന്ന കേന്ദ്ര കഥാപാത്രമായി ഗംഭീര പ്രകടനമാണ് മോഹൻലാൽ കാഴ്ച വെച്ചത്. ഇപ്പോഴിതാ ഈ ചിത്രം റിലീസ് ചെയ്ത് ഏകദേശം ഏഴു വർഷങ്ങൾ പൂർത്തിയാവുമ്പോൾ ഇതിന്റെ രണ്ടാം ഭാഗം ചിത്രീകരണം ആരംഭിച്ചിരിക്കുകയാണ്. ജീത്തു ജോസഫ് തന്നെ രചനയും സംവിധാനവും നിർവഹിക്കുന്ന ഈ ചിത്രത്തിന്റെ ലൊക്കേഷൻ വീഡിയോകൾ ഇപ്പോൾ സോഷ്യൽ മീഡിയയിൽ തരംഗമായി മാറുകയാണ്. ഇതിലെ മോഹൻലാൽ, മീന, അൻസിബ, എസ്തർ, സിദ്ദിഖ്, മുരളി ഗോപി, സായി കുമാർ തുടങ്ങി ഒട്ടേറെ അഭിനേതാക്കളുടെ ലുക്കുകൾ പുറത്തു വന്നിരുന്നു. എന്നാൽ അതിൽ ഏറ്റവും വലിയ ശ്രദ്ധ നേടിയത് നായകനായ മോഹൻലാലിന്റെ ലുക്ക് തന്നെയാണ്.
ആദ്യ ഭാഗത്തിൽ നിന്ന് വ്യത്യസ്തമായി താടിയുള്ള ലുക്കിൽ പ്രത്യക്ഷപ്പെട്ടിരിക്കുന്ന ജോർജ്കുട്ടി എന്ന കഥാപാത്രം കൂടുതൽ ചെറുപ്പമായാണ് കാണപ്പെടുന്നത്. ആദ്യ ഭാഗത്തിലെ സംഭവ പരമ്പരകൾക്കു ആറ് വർഷത്തിന് ശേഷം നടക്കുന്ന കഥയാണ് ദൃശ്യം 2 പറയുന്നതെങ്കിലും മോഹൻലാൽ കൂടുതൽ ചെറുപ്പമായാണ് തോന്നിക്കുന്നതു. ഈ ചിത്രത്തിന്റെ ലൊക്കേഷനിലേക്ക് മോഹൻലാൽ എത്തുന്ന രണ്ടു വീഡിയോകൾ ഇതിനകം തന്നെ സോഷ്യൽ മീഡിയയിൽ വമ്പൻ തരംഗമാണ് സൃഷ്ടിച്ചിരിക്കുന്നത്. അതിൽ തന്നെ കഴിഞ്ഞ ദിവസം പുറത്തു വന്ന വീഡിയോയിൽ കറുത്ത ജീൻസും ടീഷർട്ടും ധരിച്ചു കിടിലൻ ഗെറ്റപ്പിലാണ് മോഹൻലാൽ പ്രത്യക്ഷപ്പെട്ടിരിക്കുന്നത്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം സാഹചര്യങ്ങൾ അനുകൂലമായാൽ അടുത്ത വർഷം ജനുവരി അവസാനത്തോടെ റിലീസ് ചെയ്യാനാണ് പ്ലാൻ.
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
This website uses cookies.