സ്റ്റാമിന തിരികെ നേടാനുള്ള സമയമാണിത്; കോവിഡ് നെഗറ്റീവായി വീണ്ടും വർക്ഔട്ട് ആരംഭിച്ച് തമന്ന

ഇന്ത്യൻ സിനിമയിൽ ഒരുപാട് ശ്രദ്ധേയമായ വേഷങ്ങൾ ചെയ്ത് പ്രേക്ഷക മനസ്സ് കീഴടക്കിയ വ്യക്തിയാണ് തമന്ന. തമിഴ്, തെലുഗ്, ഹിന്ദി എന്നീ ഭാഷകളിൽ താരം ശ്രദ്ധേയമായ വേഷങ്ങൾ കൈകാര്യം ചെയ്തിരുന്നു. 2005 ൽ പുറത്തിറങ്ങിയ ചാന്ദ് സാ റോഷൻ ഷെഹ്‌രാ എന്ന ഹിന്ദി ചിത്രത്തിലൂടെയാണ് താരം സിനിമ മേഖലയിലേക്ക് കടന്നുവരുന്നത്. അയൺ, പയ്യ എന്ന ചിത്രങ്ങളിലൂടെയാണ് താരം തമിഴ് സിനിമ ലോകത്ത് വഴിത്തിരിവ് സൃഷ്ട്ടിച്ചത്. വിശാൽ ചിത്രമായ ആക്ഷൻ എന്ന ചിത്രത്തിലാണ് താരം അവസാനമായി പ്രത്യക്ഷപ്പെട്ടത്. ഒക്ടോബര് 4 ന് ആയിരുന്നു നടി തമന്നയ്ക്ക് കോവിഡ് പോസിറ്റീവ് ആണെന്നുള്ള വിവരം പുറത്തുവന്നത്. താരം ഇത്രെയും നാൾ കൊറെന്റിനിൽ ഇരിക്കുകയും കഴിഞ്ഞ ദിവസമാണ് നെഗറ്റീവ് ആണെന് തെളിഞ്ഞത്. കൊറോണ വൈറസ് ബാധിച്ചതിന് ശേഷം ശരീരം എങ്ങനെ സംരക്ഷിക്കണം എന്ന് അറിയിച്ചുകൊണ്ട് തമന്നയുടെ വീഡിയോയാണ് സമൂഹ മാധ്യമങ്ങളിൽ ശ്രദ്ധ നേടുന്നത്.

കൊറോണ വന്നതിന് ശേഷം കൃത്യമായ ശരീര വ്യായാമമാണ് ആരോഗ്യത്തിന് നല്ലതെന്ന് താരം സൂചിപ്പിച്ചിരിക്കുകയാണ്. ശരീരത്തിന് സഹിക്കാൻ കഴിയുന്നടത്തോളം വ്യായാമം ചെയ്ത് പഴയ അവസ്ഥയിലേക്ക് എത്താൻ ശ്രമിക്കുക എന്നാണ് തമന്ന പറഞ്ഞിരിക്കുന്നത്. തമന്നയുടെ മാതാപിതാക്കൾക്ക് ആദ്യം കോവിഡ് പോസിറ്റീവ് ആയിരുന്നു, താരം ആ സമയത്തു മാറി താമസിക്കുകയായിരുന്നു. ഹൈദരാബാദിൽ വെബ് സീരിസിന്റെ ഷൂട്ടിംഗ് ഇടയിലാണ് കോവിഡ് ലക്ഷങ്ങൾ തമന്നയ്ക്ക് കണ്ട് തുടങ്ങിയത്. അടുത്തുള്ള ആശുപത്രിയിൽ ടെസ്റ്റ് ചെയ്യുകയും ഹോം കൊറെന്റിനിൽ താരം പോവുകയായിരുന്നു. തന്റെ പേടി മാതാപിതാക്കളുടെ കാര്യത്തിൽ ആയിരുന്നു എന്നും അവരെ കാര്യമായി ബാധിച്ചില്ലയെന്നും ഓരോരുത്തരുടെ ശരീരത്തിൽ വ്യത്യസ്തമായാണ് ബാധിക്കുന്നതെന്ന് എന്ന് തമന്ന വ്യക്തമാക്കി.