[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

കേരളാ ബോക്സ് ഓഫീസിനെ തീ പിടിപ്പിച്ച് പ്രഭാസ്, മോഹൻലാൽ ചിത്രങ്ങൾ; ക്രിസ്മസ് തൂക്കുമായി സലാറും നേരും

ഇത്തവണ ക്രിസ്മസ് റിലീസായി മലയാളികളുടെ മുന്നിലെത്തിയത് മൂന്ന് ചിത്രങ്ങളാണ്. മോഹൻലാൽ നായകനായ നേര്, പ്രഭാസ്- പൃഥ്വിരാജ് ടീമിന്റെ സലാർ, ഷാരൂഖ് ഖാൻ നായകനായ ഡങ്കി എന്നിവയാണവ. ഗംഭീര പ്രേക്ഷക പ്രതികരണം നേടിയ നേരും മികച്ച അഭിപ്രായം നേടിയ സലാറും ഇപ്പോൾ പ്രേക്ഷകരെ ആകർഷിക്കുമ്പോൾ ഷാരൂഖ് ഖാൻ ചിത്രം ഡങ്കി കേരളത്തിൽ പരാജയം രുചിച്ചു. 2 കോടി പോലും കേരളത്തിൽ നിന്ന് നേടാൻ കഷ്ടപ്പെടുന്ന അവസ്ഥയിലൂടെയാണ് ഡങ്കി കടന്നു പോകുന്നത്. പൃഥ്വിരാജ് പ്രൊഡക്ഷൻസ് കേരളത്തിൽ വിതരണം ചെയ്ത സലാർ, ബാഹുബലി 2 ന് ശേഷം കേരളത്തിൽ നിന്നും ഏറ്റവും വലിയ ആദ്യ ദിന ഗ്രോസ് നേടുന്ന ചിത്രമായി മാറി. ഏകദേശം നാല് കോടി 70 ലക്ഷത്തോളമാണ് സലാർ നേടിയ ആദ്യ ദിന കേരളാ കളക്ഷൻ. ചിത്രം റിലീസ് ചെയ്ത് ആദ്യ വീക്കെൻഡ് കഴിയുമ്പോൾ സലാർ കേരളത്തിൽ നിന്നും നേടിയ ഗ്രോസ് ഏകദേശം 9 കോടിക്ക് മുകളിലാണെന്ന് ആദ്യ കണക്കുകൾ സൂചിപ്പിക്കുന്നു. ആഗോള തലത്തിലും വമ്പൻ കളക്ഷനുമായി മുന്നേറുന്ന സലാർ ബാഹുബലിക്ക് ശേഷം പ്രഭാസിന്റെ കരിയറിലെ ഏറ്റവും വലിയ ഹിറ്റിലേക്കാണ് കുതിക്കുന്നത്.

മോഹൻലാൽ നായകനായ നേര് എന്ന ജീത്തു ജോസഫ് ചിത്രം ചരിത്ര വിജയമാണ് നേടുന്നത്. മലയാള സിനിമയിലെ തന്നെ ഏറ്റവും വലിയ വിജയങ്ങളിലൊന്നാവാനുള്ള ഒരുക്കത്തിലാണ് ഈ ചിത്രം. റിലീസ് ചെയ്ത് ആദ്യ വീക്കെൻഡ് പിന്നിടുമ്പോൾ കേരളത്തിൽ നിന്ന് മാത്രം 12 കോടിയോളം കളക്ഷൻ നേടിയ ഈ ചിത്രം ആഗോള ഗ്രോസ് ആയി ഏകദേശം 30 കോടിയോളമാണ് നേടിയിരിക്കുന്നത്. ഓവർസീസ് മാർക്കറ്റിൽ ഞെട്ടിക്കുന്ന പ്രതികരണമാണ് നേര് നേടുന്നത്. കേരളത്തിൽ ഇതിനോടകം റിലീസ് ചെയ്തതിനേക്കാൾ 30 ഇൽ കൂടുതൽ സ്‌ക്രീനുകളിലേക്ക് നേര് വ്യാപിച്ചു കഴിഞ്ഞു. ഈ ക്രിസ്മസ് അവധിക്കാലത്ത് മലയാള സിനിമാ പ്രേമികൾക്കുള്ള ഒരു വിരുന്നു തന്നെയാണ് മോഹൻലാൽ- ജീത്തു ജോസഫ് ടീം ഒരുക്കിയത്. രണ്ട് ദിവസങ്ങൾക്കുള്ളിൽ ആഗോള ഗ്രോസ് അൻപത് കോടി പിന്നിടാനുള്ള ഒരുക്കത്തിൽ കൂടിയാണ് ഈ മോഹൻലാൽ ചിത്രം.

webdesk

Recent Posts

ലിജോ ജോസ് പെല്ലിശ്ശേരി ബോളിവുഡിലേക്ക്; സംഗീതം എ ആര്‍ റഹ്മാന്‍

പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…

5 days ago

ദുൽഖർ സൽമാന്റെ “കാന്ത” നവംബർ 14 ന്

ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…

5 days ago

പാബ്ലോ എസ്കോബാർ; മമ്മൂട്ടി ചിത്രവുമായി “മാർക്കോ” ടീം

കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…

5 days ago

മോഹൻലാൽ- തരുൺ മൂർത്തി ടീം “തുടരും”; പുതിയ ചിത്രം പ്രഖ്യാപിച്ച് രജപുത്ര

മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…

5 days ago

സെൻസറിങ് പൂർത്തിയാക്കി മമ്മൂട്ടി ചിത്രം “കളങ്കാവൽ”

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…

7 days ago

രഞ്ജിത്ത് ചിത്രത്തിൽ നായകനാവാൻ വീണ്ടും മമ്മൂട്ടി

ര​ഞ്ജി​ത്ത് ​സം​വി​ധാ​നം​ ​ചെ​യ്യു​ന്ന​ ​പുതിയ ചി​ത്ര​ത്തി​ൽ​ ​മ​മ്മൂ​ട്ടി​ ​നാ​യ​ക​ൻ എന്ന് വാർത്തകൾ. മ​മ്മൂ​ട്ടി​ ​ക​മ്പ​നി​യു​ടെ​ ​ബാ​ന​റി​ൽ​ ​മമ്മൂട്ടി തന്നെയാണ് ചിത്രത്തിന്റെ…

7 days ago

This website uses cookies.