ലാലേട്ടന്റെ ജന്മദിനം ആക്‌ടേഴ്‌സ് ഡേ എന്ന് ജയസൂര്യ..!

ഓരോ ആഘോഷങ്ങൾ ഓരോ പ്രത്യേക ദിവസങ്ങളിൽ ആയി കൊണ്ടാടുന്നവരാണ് നമ്മൾ. ഓരോന്നിനെയും പ്രതിനിധീചരിച്ചും ഓരോ കാര്യങ്ങളുടെ പ്രാധാന്യവുമനുസരിച്ചു അതിനു വേണ്ടി ഒരു ദിവസം നമ്മൾ മാറ്റി വെക്കാറും ഉണ്ട്. ഇന്ന് മെയ് 21 എന്ന തീയതി മലയാളികൾ ആഘോഷിക്കുന്നത് ഇന്ന് അവരുടെ ലാലേട്ടന്റെ ജന്മദിനം ആയതു കൊണ്ടാണ്. ഇന്ത്യൻ സിനിമ കണ്ട എക്കാലത്തെയും മികച്ച അഭിനേതാവ് എന്ന് വിലയിരുത്തപ്പെടുന്ന മോഹൻലാലിന് ജന്മദിന ആശംസകളുമായി മലയാള സിനിമാ ലോകവും ഇന്ത്യൻ സിനിമാ ലോകവും ഒരുപോലെ മുന്നോട്ടു വരുന്ന കാഴ്ചയാണ് ഇപ്പോൾ കാണാൻ കഴിയുന്നത്. അതിൽ തന്നെ മോഹൻലാൽ എന്ന നടനോടുള്ള പലരുടെയും അടങ്ങാത്ത ആവേശവും ആരാധനയും വ്യക്തമാണ് താനും . ഇപ്പോഴിതാ നടൻ ജയസൂര്യ ലാലേട്ടന് ജന്മദിന ആശംസകൾ നേർന്നു കൊണ്ട് പറയുന്നത് മോഹൻലാലിന്റെ ജന്മദിനം ആക്ടേഴ്‌സ് ഡേ ആണെന്നാണ്. ജയസൂര്യയുടെ ഈ പ്രയോഗം ഇപ്പോൾ ഏവരും ഒരുപോലെ ഏറ്റെടുത്തും കഴിഞ്ഞു.

മോഹൻലാൽ ആയി വളരെയധികം സൗഹൃദം പുലർത്തുന്ന ജയസൂര്യ സിനിമയിൽ എത്തിച്ചേരുന്ന കാലത്തിനു മുൻപേ തൊട്ടേ അദ്ദേഹത്തിന്റെ കടുത്ത ആരാധകനുമായിരുന്നു. തന്റെ മോഹൻലാൽ ആരാധന പല തവണ വ്യക്തമായി പറഞ്ഞിട്ടുള്ള ജയസൂര്യയുടെ ഈ ജന്മദിന ആശംസകൾ ഇപ്പോൾ സോഷ്യൽ മീഡിയ ഏറ്റെടുക്കുകയാണ്. മോഹൻലാൽ- ജയസൂര്യ കൂട്ടുകെട്ടിൽ ഒരു ചിത്രം എപ്പോൾ സംഭവിക്കും എന്നത് കാത്തിരിക്കുകയാണ് ഇരുവരുടെയും ആരാധകർ. മോഹൻലാലിനൊപ്പം വർഷങ്ങൾക്കു മുൻപ് കിലുക്കം കിലുകിലുക്കം എന്ന ചിത്രത്തിൽ ആണ് ജയസൂര്യ ഇതിനു മുൻപ് പ്രത്യക്ഷപ്പെട്ടിട്ടുള്ളത്. അതിൽ അതിഥി വേഷത്തിൽ ആണ് മോഹൻലാൽ എത്തിയത്.