മോഹൻലാൽ ആദ്യമായി സംവിധാനം ചെയ്യുന്ന ചിത്രമാണ് ബറോസ്, നിധി കാക്കും ഭൂതം. കുട്ടികൾക്കുള്ള ചിത്രമായി ഒരുക്കുന്ന ഒരു ത്രീഡി ഫാന്റസി ചിത്രമാണ് ബറോസ്. വലിയ ബഡ്ജറ്റിൽ ഒരുക്കുന്ന ഈ ചിത്രത്തിലെ നായക വേഷം ചെയ്യുന്നതും മോഹൻലാൽ ആണ്. നാനൂറു വർഷം പ്രായമുള്ള ഒരു ഭൂതമായാണ് മോഹൻലാൽ ഈ ചിത്രത്തിൽ എത്തുന്നത്. 2021 ഡിസംബറിൽ ഷൂട്ടിംഗ് ആരംഭിച്ച ഈ ചിത്രത്തിന്റെ കേരളാ ഷെഡ്യൂൾ ഇപ്പോൾ അവസാന ഘട്ടത്തിൽ ആണ്. കേരളത്തിലെ ഷൂട്ടിംഗ് നാളെ പൂർത്തിയാക്കുന്ന ഈ ചിത്രത്തിന്റെ അവസാന ഷെഡ്യൂൾ ഏപ്രിൽ ഇരുപത്തിയേഴിനു ഗോവയിൽ ആണ് ആരംഭിക്കുക. മെയ് പത്തു വരെയാണ് ഗോവയിൽ ഈ ചിത്രത്തിന്റെ ഷൂട്ടിംഗ് ഉണ്ടാവുക എന്നാണ് സൂചന. അതോടെ ഈ ചിത്രത്തിന്റെ ഷൂട്ടിംഗ് ഏകദേശം പൂർത്തിയാവുമെന്നും റിപ്പോർട്ടുകൾ പറയുന്നു.
നവോദയയിലും ഫോർട്ട് കൊച്ചിയിലും തീർത്ത വലിയ സെറ്റുകളിലായിരുന്നു ഈ ചിത്രത്തിന്റെ ഷൂട്ടിംഗ് നടന്നത്. ഗോവയിലും വമ്പൻ സെറ്റുകൾ ആണ് ഇതിന്റെ ഷൂട്ടിന് വേണ്ടി ഒരുക്കിയിരിക്കുന്നത്. മോഹൻലാലിനൊപ്പം ഗുരു സോമസുന്ദരം, തുഹിർ മേനോൻ എന്നിവരും ഒട്ടേറെ വിദേശ താരങ്ങളും ഈ ചിത്രത്തിന്റെ താരനിരയിൽ ഉണ്ട്. സന്തോഷ് ശിവൻ കാമറ ചലിപ്പിക്കുന്ന ബറോസ് എഡിറ്റ് ചെയ്യാൻ പോകുന്നത് ശ്രീകർ പ്രസാദ് ആണ്. ലിഡിയൻ നാദസ്വരമാണ് ഈ ചിത്രത്തിന്റെ സംഗീത സംവിധായകൻ. മായാ എന്ന കുട്ടിയും പ്രധാന വേഷം ചെയ്യുന്ന ഈ ചിത്രം നിർമ്മിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ, അതുപോലെ ഈ ചിത്രം രചിച്ചത് ജിജോ പുന്നൂസ് എന്നിവരാണ്. മൈ ഡിയർ കുട്ടിച്ചാത്തൻ ഉൾപ്പെടെയുള്ള ചിത്രങ്ങൾ ഒരുക്കി പ്രശസ്തനായ ആളാണ് ജിജോ പുന്നൂസ്.
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
കിസ്മത്, തൊട്ടപ്പൻ എന്നീ ചിത്രങ്ങൾ ഒരുക്കി പ്രശസ്തനായ ഷാനവാസ് ബാവക്കുട്ടി സംവിധാനം ചെയ്ത്, ഇന്ന് പ്രേക്ഷകർക്ക് മുന്നിലെത്തിയ ചിത്രമാണ് ഒരു…
This website uses cookies.