സേതുരാമയ്യരെ കാണാൻ നാഗവല്ലി; വീഡിയോ കാണാം..!

മെഗാ സ്റ്റാർ മമ്മൂട്ടി നായകനായി എത്തുന്ന പുതിയ ചിത്രമാണ് സിബിഐ 5, ദി ബ്രെയിൻ. യു എ സർട്ടിഫിക്കറ്റ് നേടി സെൻസർ ചെയ്ത ഈ ചിത്രത്തിന് രണ്ടു മണിക്കൂർ നാല്പത്തിരണ്ടു മിനിട്ടു ആണ് ദൈർഘ്യം എന്നും, ഈ ചിത്രം മെയ് ഒന്നിന് ഞായറാഴ്ച ആഗോള റിലീസ് ആയാണ് ഈ ചിത്രം എത്തുക എന്നും അണിയറ പ്രവർത്തകർ അറിയിച്ചിരുന്നു. ഇപ്പോഴിതാ ഇതിന്റെ ഷൂട്ടിംഗ് സമയത്തെ ഒരു വീഡിയോ ആണ് മെഗാ സ്റ്റാർ മമ്മൂട്ടി പങ്കു വെച്ചിരിക്കുന്നത്. മലയാളികളുടെ പ്രിയ നായികയായ ശോഭന ഈ ചിത്രത്തിന്റെ സെറ്റിൽ വന്നപ്പോഴുള്ള വീഡിയോ ആണ് മമ്മൂട്ടി പങ്കു വെച്ചത്. സേതുരാമയ്യർ കാണാൻ നാഗവല്ലി എത്തിയപ്പോൾ എന്ന് കുറിച്ച് കൊണ്ടാണ് മമ്മൂട്ടി ഈ വീഡിയോ പങ്കു വെച്ചത്. സെറ്റിൽ എത്തിയ ശോഭന, മമ്മൂട്ടി, സംവിധായകൻ കെ മധു, രചയിതാവ് എസ് എൻ സ്വാമി, നിർമ്മാതാവ് സ്വർഗ്ഗചിത്ര അപ്പച്ചൻ എന്നിവരുമായി സംസാരിക്കുന്നതും വീഡിയോയിൽ കാണാം.

https://www.instagram.com/p/CcnOdXIpYfw/

അഖിൽ ജോർജ് കാമറ ചലിപ്പിച്ച ഈ ചിത്രം എഡിറ്റ് ചെയ്യുന്നത് ശ്രീകർ പ്രസാദ്, ഇതിനു സംഗീതം ഒരുക്കിയത് ജേക്സ് ബിജോയ് എന്നിവരാണ്. ഒരു സിബിഐ ഡയറികുറിപ്പ്, ജാഗ്രത, സേതുരാമയ്യർ സിബിഐ, നേരറിയാൻ സിബിഐ എന്നിവക്ക് ശേഷം ആ സീരീസിൽ പുറത്തു വരാൻ പോകുന്ന അഞ്ചാമത്തേയും അവസാനത്തേയും ചിത്രമാണ് സിബിഐ 5, ദി ബ്രെയിൻ. രഞ്ജി പണിക്കർ, സായ്കുമാർ, സൗബിൻ ഷാഹിർ, മുകേഷ്, അനൂപ് മേനോൻ,ദിലീഷ് പോത്തൻ, രമേശ് പിഷാരടി, പ്രതാപ് പോത്തൻ, സന്തോഷ് കീഴാറ്റൂർ, അസീസ് നെടുമങ്ങാട്, ഹരീഷ് രാജു, ഇടവേള ബാബു, ആശാ ശരത്ത്, കനിഹ, മാളവിക മേനോൻ, അൻസിബ, മാളവിക നായർ, മായാ വിശ്വനാഥ്, സുദേവ് നായർ, പ്രശാന്ത് അലക്സാണ്ടർ, രമേശ് കോട്ടയം, ജയകൃഷ്ണൻ, സ്വാസിക, സുരേഷ് കുമാർ, ചന്തു കരമന, സ്മിനു ആർട്ടിസ്റ്റ്, സോഫി എം ജോ, തണ്ടൂർ കൃഷ്ണ എന്നിവരാണ് ഇതിലെ മറ്റു വേഷങ്ങൾ ചെയ്തിരിക്കുന്നത്.