മലയാളത്തിന്റെ മഹാനടൻ മോഹൻലാൽ നായകനായി എത്തുന്ന ലിജോ ജോസ് പെല്ലിശ്ശേരി ചിത്രം മലൈക്കോട്ടൈ വാലിബൻ ജനുവരി ഇരുപത്തിയഞ്ചിന് പ്രേക്ഷകരുടെ മുന്നിലെത്തുകയാണ്. ആരാധകരും സിനിമാ പ്രേമികളും വലിയ ആവേശത്തോടെയാണ് ഈ ചിത്രം കാത്തിരിക്കുന്നത്. എന്നാൽ ഈ ചിത്രത്തിന്റെ റിലീസ് സമയത്ത് താൻ അമേരിക്കയിൽ ആയിരിക്കുമെന്നും തന്റെ പുതിയ ചിത്രമായ എംപുരാന്റെ ചിത്രീകരണത്തിൽ ആയിരിക്കുമെന്നും മോഹൻലാൽ അറിയിച്ചു. പൃഥ്വിരാജ് സുകുമാരൻ സംവിധാനം ചെയ്യുന്ന എംപുരാൻ, ഓൾ ടൈം ബ്ലോക്ക്ബസ്റ്ററായ ലൂസിഫറിന്റെ രണ്ടാം ഭാഗമാണ്. എംപുരാൻ പൂർത്തിയാക്കിയതിന് ശേഷം താൻ ചെയ്യാൻ പോകുന്ന ചിത്രങ്ങളെ കുറിച്ചുള്ള സൂചനയും മോഹൻലാൽ അടുത്തിടെ നൽകിയ ഒരു മാധ്യമ അഭിമുഖത്തിൽ നൽകി. ചെമ്പൻ വിനോദിന്റെ തിരക്കഥയിൽ ജോഷി ഒരുക്കുന്ന റമ്പാൻ ആയിരിക്കും എംപുരാന് ശേഷം മോഹൻലാൽ ചെയ്യുക . അതിന് ശേഷം സത്യൻ അന്തിക്കാട്- ആശീർവാദ് സിനിമാസ് ചിത്രവും പ്രിയദർശൻ ഒരുക്കുന്ന ഒരു ചിത്രവും ആലോചനകളിൽ ഉണ്ടെന്നും മോഹൻലാൽ വെളിപ്പെടുത്തി.
ആട് ജീവിതത്തിന് ശേഷം ബ്ലെസി ഒരുക്കുന്ന പുതിയ ചിത്രത്തിൽ മോഹൻലാൽ ആയിരിക്കും നായകനെന്ന് നിർമ്മാതാവ് പി കെ സജീവ് അടുത്തിടെ വെളിപ്പെടുത്തിയിരുന്നു. അത് കൂടാതെ രണ്ട് ഭാഗങ്ങളിൽ ജീത്തു ജോസഫ് ഒരുക്കുന്ന റാം എന്ന സിനിമാ സീരിസിന്റെ അവസാന ഘട്ട ചിത്രീകരണവും മോഹൻലാൽ ഈ വർഷം പൂർത്തിയാക്കും. സിനിമാ ഇൻഡസ്ട്രിയിൽ നിന്നും ലഭിക്കുന്ന റിപ്പോർട്ടുകൾ പ്രകാരം അൻവർ റഷീദ്, ടിനു പാപ്പച്ചൻ, ഡിജോ ജോസ് ആന്റണി, ലിജോ ജോസ് പെല്ലിശ്ശേരി, അനൂപ് സത്യൻ, വിനീത് ശ്രീനിവാസൻ എന്നിവരുടെ ചിത്രങ്ങളും മോഹൻലാലിനെ നായകനാക്കി അണിയറയിൽ ഒരുങ്ങുന്നുണ്ട്. പുതിയ തലമുറയിലേയും പഴയ തലമുറയിലേയും മികച്ച സംവിധായകർക്കൊപ്പം കൈകോർത്ത് മുന്നേറാനുള്ള ഒരുക്കത്തിലാണ് മലയാളത്തിന്റെ മോഹൻലാൽ.
മോഹൻലാൽ തന്നെ സംവിധാനം ചെയ്ത ത്രീഡി ഫാന്റസി ചിത്രമായ ബറോസ്, സത്യൻ അന്തിക്കാട് ചിത്രം, ജീത്തു ജോസഫിന്റെ റാം, പൃഥ്വിരാജ് ഒരുക്കുന്ന ലൂസിഫർ, ജോഷിയുടെ റമ്പാൻ എന്നിവയായിരിക്കും ഇനി വരുന്ന 5 മോഹൻലാൽ റിലീസുകൾ. ഇത് കൂടാതെ എ ആർ മുരുഗദോസ് ഒരുക്കാൻ പോകുന്ന ശിവകാർത്തികേയൻ ചിത്രത്തിൽ മോഹൻലാൽ അഥിതി വേഷത്തിലും അഭിനയിക്കുമെന്നും വാർത്തകളുണ്ട്.
നടൻ ഷെയ്ൻ നിഗം പ്രധാന വേഷത്തിലെത്തുന്ന പുതിയ തമിഴ് ചിത്രത്തിന് യേർക്കാടിൽ പരമ്പരാഗത പൂജാ ചടങ്ങുകളോടെ തുടക്കമായി. ട്രൂ സ്റ്റോറീസിന്റെ…
സുരാജ് വെഞ്ഞാറമൂട് കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രത്തിന് ഇന്ന് തുടക്കം. ജഗൻ ഷാജി കൈലാസാണ് ചിത്രം സംവിധാനം ചെയ്യുന്നത്.…
‘സീൻ’ എന്ന ചിത്രം ആദ്യം ഫഹദ് ഫാസിലിനെ നായകനാക്കി ഒരുക്കാനായിരുന്നു പദ്ധതിയെന്ന് സംവിധായകൻ ജിത്തു മാധവൻ. ഫഹദ്–നസ്രിയ ജോഡിയെ കേന്ദ്രകഥാപാത്രങ്ങളാക്കിയായിരുന്നു…
ജയിലർ- 2 ൻ്റെ ആദ്യ പ്രദർശനത്തോടെ ഡോൾബി അറ്റ്മോസ് സാങ്കേതിക മികവോടെ കേരളത്തിലെ ആദ്യ ഡോൾബി സിനിമ തിയ്യേറ്ററായ ഇ…
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
This website uses cookies.