മോഹൻലാൽ- പ്രിയദർശൻ ടീമിന്റെ ബ്രഹ്മാണ്ഡ ചിത്രമായ മരക്കാർ അറബിക്കടലിന്റെ സിംഹം തീയേറ്ററുകളിൽ എത്താനുള്ള കാത്തിരിപ്പിലാണ് മലയാളി പ്രേക്ഷകർ. മലയാള സിനിമാ ചരിത്രത്തിലെ ഏറ്റവും വലിയ ചിത്രമായ മരക്കാർ കോവിഡ് പ്രതിസന്ധി മൂലമാണ് ഒരു വർഷമായി റിലീസ് വൈകിയിരിക്കുന്നത്. ഇന്ത്യയിലെ ഏറ്റവും മികച്ച ചിത്രത്തിനുള്ള ദേശീയ ചലച്ചിത്ര അവാർഡ് കൂടി ലഭിച്ചതോടെ ഈ ചിത്രത്തിന് മേലുള്ള പ്രതീക്ഷകൾ വർധിച്ചിരിക്കുകയാണ്. എന്നാൽ ഈ ചിത്രത്തിന്റെ റിലീസിന് മുൻപ് തന്നെ താൻ ഒരു മോഹൻലാൽ ചിത്രം കൂടി ഒരുക്കാനുള്ള തയ്യാറെടുപ്പിൽ ആണെന്നും ആ ചിത്രം ഒരു സ്പോർട്സ് മൂവി ആയിരിക്കുമെന്നും പ്രിയദർശൻ മാധ്യമങ്ങളോട് പറഞ്ഞു. അതിനു പിന്നാലെ മോഹൻലാൽ ഒരു ബോക്സിങ് കോച്ചിനെ കൂടി നിയമിച്ചതോടെ ആ ചിത്രത്തിൽ മോഹൻലാൽ ഒരു ബോക്സർ ആയാവും അഭിനയിക്കുക എന്ന റിപ്പോർട്ടുകളും പുറത്തു വരാൻ തുടങ്ങി.
അടുത്ത ഒരു വർഷത്തേക്ക് ഉള്ള മോഹൻലാലിന്റെ ബോക്സിങ് പരിശീലകൻ ആയി തിരുവനന്തപുരം സ്വദേശിയായ പ്രേം നാഥ് ആണ് നിയമിക്കപ്പെട്ടിരിക്കുന്നത്. ഏതായാലും ഇപ്പോൾ പുതിയ പരിശീലകന്റെ കീഴിൽ മോഹൻലാൽ ബോക്സിങ് പരിശീലനം ആരംഭിച്ചു കഴിഞ്ഞു. പ്രേം നാഥ്നൊപ്പമുള്ള മോഹൻലാലിന്റെ പുതിയ ചിത്രം ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. സിനിമയിൽ വരുന്നതിനു മുൻപ് സംസ്ഥാന ഗുസ്തി ചാമ്പ്യൻ കൂടിയായിരുന്നു മോഹൻലാൽ. ആശിർവാദ് സിനിമാസ് ആയിരിക്കും ഈ ബിഗ് ബഡ്ജറ്റ് ചിത്രം നിർമ്മിക്കുക എന്നും പ്രിയദർശൻ പറഞ്ഞിട്ടുണ്ട്. മരക്കാർ നിർമ്മിച്ചതും ആശിർവാദ് സിനിമാസ് ആണ്. ഇപ്പോൾ താൻ സംവിധാനം ചെയ്യുന്ന ബറോസ് എന്ന ചിത്രത്തിന്റെ തിരക്കിൽ കൂടിയാണ് മോഹൻലാൽ. അതിനു ശേഷം റാം എന്ന ജീത്തു ജോസഫ് ചിത്രവും മോഹൻലാൽ പൂർത്തിയാക്കും.
ഫോട്ടോ കടപ്പാട്: Nithin Narayan
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' (പ്രഭയായ് നിനച്ചതെല്ലാം) 2024 സെപ്റ്റംബർ 21 മുതൽ കേരളത്തിൽ പ്രദർശനം…
ഒരു വലിയ ഇടവേളക്ക് ശേഷം ആക്ഷൻ സൂപ്പർസ്റ്റാർ സുരേഷ് ഗോപി വക്കീൽ വേഷത്തിലെത്തുന്ന ചിത്രമാണ് 'ജെ.എസ്.കെ' (ജാനകി v\s സ്റ്റേറ്റ്…
തമിഴ്നാട്ടിൽ ജയിലറിനെ മറികടന്ന് ദളപതി വിജയ്യുടെ ഗോട്ട്. തമിഴ്നാട് നിന്ന് മാത്രം 200 കോടി നേട്ടത്തിലേക്ക് കുതിക്കുന്ന ഈ ചിത്രം…
This website uses cookies.