ഇപ്പോൾ വരുന്ന വിവരങ്ങൾ സത്യമായാൽ മലയാളത്തിന്റെ താര ചക്രവർത്തി മോഹൻലാലും സൂപ്പർ ഡയറക്ടർ സിദ്ദിക്കും ഒരിക്കൽ കൂടി ഒന്നിക്കാൻ പോവുകയാണ്. താത്കാലികമായി ബിഗ് ബ്രദർ എന്ന് പേര് നൽകിയിട്ടുള്ള ഒരു കമ്പ്ലീറ്റ് എന്റെർറ്റൈനെറിലൂടെയാണ് മോഹൻലാൽ- സിദ്ദിഖ് ടീം ഒന്നിക്കുന്നത് എന്നാണ് സൂചന. ഏപ്രിൽ മാസം അവസാനത്തോടെ ഈ ചിത്രത്തെ സംബന്ധിച്ച ഒഫീഷ്യൽ പ്രഖ്യാപനം ഉണ്ടാകുമെന്നും റിപ്പോർട്ടുകൾ പറയുന്നുണ്ട്. ഈ ചിത്രം നടന്നാൽ, അത് മോഹൻലാൽ- സിദ്ദിഖ് കൂട്ടുകെട്ടിൽ പുറത്തിറങ്ങുന്ന മൂന്നാമത്തെ ചിത്രമായിരിക്കും. 1992 ഇൽ റിലീസ് ചെയ്ത സിദ്ദിഖ്- ലാൽ- മോഹൻലാൽ ചിത്രമായ വിയറ്റ്നാം കോളനി ആണ് ഇവരുടെ ആദ്യത്തെ ചിത്രം. ആ വർഷത്തെ ഏറ്റവും വലിയ ബോക്സ് ഓഫീസ് വിജയം നേടിയ വിയറ്റ്നാം കോളനി ഇരുന്നൂറിൽ അധികം ദിവസം കേരളത്തിലെ എ ക്ലാസ് തീയേറ്ററുകളിൽ പ്രദർശിപ്പിച്ച ചുരുക്കം ചില ചിത്രങ്ങളിൽ ഒന്നാണ്.
അതിനു ശേഷം ഇരുപതു വർഷങ്ങൾക്കു ശേഷം 2013 ഇൽ ആണ് മോഹൻലാൽ സിദ്ദിക്കുമായി ഒത്തു ചേർന്നത്. ലാൽ കൂടെയില്ലാതെ സിദ്ദിഖ് മാത്രമായി സംവിധാനം ചെയ്ത ലേഡീസ് ആൻഡ് ജന്റിൽമാൻ എന്ന ആ ചിത്രം പക്ഷെ പ്രേക്ഷകരെ തൃപ്തിപ്പെടുത്തിയില്ല. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ആ ചിത്രം വമ്പൻ ഇനിഷ്യൽ നേടിയത് ഒഴിച്ചാൽ, മോഹൻലാൽ- സിദ്ദിഖ് കൂട്ടുകെട്ടിൽ നിന്ന് പ്രതീക്ഷിച്ച മാജിക് ബോക്സ് ഓഫീസിൽ കാഴ്ച വെച്ചില്ല. അതുകൊണ്ടു തന്നെ ഇത്തവണ രണ്ടും കൽപ്പിച്ചു ഒരു വലിയ വിജയം ലക്ഷ്യമാക്കി തന്നെയാണ് സിദ്ദിഖ് മോഹൻലാലിനെ സമീപിച്ചിരിക്കുന്നത് എന്ന് വ്യക്തമാണ്.
ഒടിയൻ എന്ന ചിത്രമാണ് മോഹൻലാൽ ഇപ്പോൾ ചെയ്യുന്നത്. അതിനു ശേഷം പ്രിത്വി രാജിന്റെ ലൂസിഫർ, ഭദ്രൻ ചിത്രം, പ്രിയദർശൻ ചിത്രം, അരുൺ ഗോപി ചിത്രം, ജോഷി ചിത്രം, ഷാജി കൈലാസ് ചിത്രം, രണ്ടു തെലുങ്ക് ചിത്രങ്ങൾ, രണ്ടാമൂഴം എന്നിവയും മോഹൻലാൽ ചെയ്യും. ഇത് കൂടാതെ ശ്യാം പുഷ്ക്കരൻ, ഷാഫി , സച്ചി, അൽഫോൻസ് പുത്രൻ എന്നിവർക്കും മോഹൻലാലിൻറെ ഡേറ്റ് ഉണ്ട്. അജോയ് വർമയുടെ നീരാളി, റോഷൻ ആൻഡ്രൂസിന്റെ കായംകുളം കൊച്ചുണ്ണി എന്നവയാണ് മോഹൻലാലിന്റെ അടുത്ത റിലീസുകൾ. ഇത് കൂടാതെ രഞ്ജിത് ചിത്രമായ ബിലാത്തി കഥയിൽ മോഹൻലാൽ അതിഥി വേഷവും ചെയ്യും. തമിഴിൽ നിന്നും മോഹൻലാലിന് ഒരു വമ്പൻ പ്രൊജക്റ്റ് വന്നിട്ടുണ്ട് എന്ന് വാർത്തകൾ ഉണ്ട്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.