കർഷകൻ അല്ലെ, ഒന്ന് കള പറിക്കാൻ ഇറങ്ങിയതാ; വീട്ടിലെ പച്ചക്കറി തോട്ടത്തിൽ മോഹൻലാൽ

മലയാള സിനിമയിൽ ഇന്നും താരരാജാവായി നിലകൊള്ളുന്ന വ്യക്തിയാണ് മോഹൻലാൽ. താരത്തിന്റെ ഓഫ് സ്ക്രീൻ പ്രവർത്തികളും മലയാളികളെ ഏറെ സ്വാധീനിക്കാറുണ്ട്. മോഹൻലാലിന്റെ ഒരു പ്രവർത്തിയാണ് ഇപ്പോൾ സമൂഹ മാധ്യമങ്ങളിൽ ചർച്ചയാകുന്നത്. ലോക്ക് ഡൗൺ സമയത്ത് വീട്ടിൽ ഓർഗാനിക് ഫാർമിങ് ചെയ്തിരുന്നു എന്ന് ആരാധകരെയും സിനിമ പ്രേമികളെയും മോഹൻലാൽ അറിയിച്ചിരിക്കുകയാണ്. മോഹൻലാൽ ഉണ്ടാക്കിയ കൊച്ചു കൃഷിതോട്ടത്തിന്റെ ചിത്രങ്ങൾ ഫേസ്ബുക്ക് പേജിലൂടെ പുറത്തു വിട്ടിരിക്കുകയാണ്. ലോക്ക് ഡൗൺ സമയം കൃഷിയ്ക്ക് വേണ്ടി മാറ്റിവെച്ച മോഹൻലാലിനെ കമെന്റ് ബോക്സിലൂടെ സിനിമ പ്രേമികൾ അഭിനന്ദിച്ചിരിക്കുകയാണ്.

ലൂസിഫറിലെ ഹിറ്റ് ഡയലോഗായ ‘കർഷകനെല്ലേ മാഡം, ഒന്ന് കള പറിക്കാൻ ഇറങ്ങിയതാ എന്ന ഡയലോഗാണ് ആരാധകർ മോഹൻലാൽ പോസ്റ്റ് ചെയ്ത ചിത്രങ്ങൾക്ക് നൽകിയ അടിക്കുറിപ്പ്. കൃഷിയ്ക്ക് പ്രാധാന്യം നൽകുന്ന ഒരുപാട് രംഗങ്ങളിലും സിനിമകളിലും മോഹൻലാൽ അഭിനയിച്ചിട്ടുണ്ട്. റോഷൻ ആൻഡ്രൂസ് സംവിധാനം ചെയ്ത ഇവിടം സ്വർഗ്ഗമാണ് എന്ന ചിത്രത്തിലെ മോഹൻലാലിന്റെ കഥാപാത്രത്തെയാണ് ഈ ചിത്രങ്ങളിലൂടെ ഓർമ്മവന്നത്. മാത്യൂസ് എന്ന കര്ഷകനായി മോഹൻലാൽ മികച്ച പ്രകടനം കാഴ്ച്ചവെച്ച സിനിമ കൂടിയായിരുന്നു അത്. സിനിമയിൽ മാത്രമല്ല ജീവിതത്തിലും താൻ നല്ലൊരു കർഷകനാണന്ന് മോഹൻലാൽ തെളിയിച്ചിരിക്കുകയാണ്. ലോക്ക് ഡൗൺ സമയത്ത് മലയാളത്തിലെ ഒരുവിധം എല്ലാ താരങ്ങളും ഫിറ്റ്നസിനാണ് പ്രാധാന്യം നൽകിയിരുന്നത്. ഒരുപാട് താരങ്ങൾ ഫിറ്റ്നെസ്സ് ചിത്രങ്ങൾ പങ്കുവെച്ച് ലോക്ക് ഡൗൺ സമയത്തെ പ്രവർത്തികൾ ആരാധകരെ സമൂഹ മാധ്യമങ്ങളിലൂടെ അറിയിച്ചിരുന്നു. എല്ലാ താരങ്ങളിൽ നിന്ന് വ്യത്യസ്തമായി വീട്ടിൽ ഒരു കൃഷി തോട്ടം രൂപികരിക്കാനാണ് മോഹൻലാൽ സമയം മാറ്റിവെച്ചത്. സുഖചികിത്സാ അടുത്തിടെ കഴിഞ്ഞ മോഹൻലാൽ ജീത്തു ജോസഫ് ചിത്രമായ ദൃശ്യം രണ്ടാം ഭാഗത്തിൽ ജോയിൻ ചെയ്യും.