മോഹൻലാൽ ആരാധകരും മലയാള സിനിമാ പ്രേമികളും ഏറെ ആവേശത്തോടെ കാത്തിരിക്കുന്ന ചിത്രമാണ് കംപ്ലീറ്റ് ആക്ടർ മോഹൻലാലിനെ നായകനാക്കി ഷാജി കൈലാസ് ഒരുക്കുന്ന പുതിയ പ്രോജക്ട്. കഴിഞ്ഞ മാസം ഷൂട്ടിങ് ആരംഭിച്ച ഈ ചിത്രത്തിൽ ഒക്ടോബർ അഞ്ചിനാണ് മോഹൻലാൽ ജോയിൻ ചെയ്തത്. ഇതുവരെ ഈ പ്രോജക്ടിന്റെ പേരു പുറത്തു വിടാതെ സൂക്ഷിച്ച അണിയറ പ്രവർത്തകർ മോഹൻലാൽ ജോയിൻ ചെയ്ത ദിവസം തന്നെ ചിത്രത്തിന്റെ പേര് പുറത്ത് വിട്ടു. ചിത്രത്തിന്റെ ടൈറ്റിൽ പുറത്തു വിട്ടു കൊണ്ടുള്ള വീഡിയോ മോഹൻലാൽ പങ്കു വെച്ചു. എലോൺ എന്നാണ് ഈ മോഹൻലാൽ- ഷാജി കൈലാസ് ചിത്രത്തിന് നൽകിയിരിക്കുന്ന പേര്. റിയൽ ഹീറോസ് ആർ ആൾവെയ്സ് എലോൺ എന്നാണ് ചിത്രത്തിന്റെ ടാഗ് ലൈൻ.
ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രത്തിന് തിരക്കഥ ഒരുക്കിയിരിക്കുന്നത് രാജേഷ് ജയരാമൻ ആണ്. ഒരു ഇൻവെസ്റ്റിഗേഷൻ ത്രില്ലർ ആയാണ് ഈ ചിത്രം ഒരുക്കുന്നത് എന്ന സൂചനയുണ്ട്. ജെക്സ് ബിജോയ് സംഗീതം ഒരുക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് അഭിനന്ദം രാമാനുജനും എഡിറ്റ് ചെയ്യുന്നത് ഡോൺ മാക്സും ആണ്. ആറാം തമ്പുരാൻ, നരസിംഹം എന്നീ ഇൻഡസ്ട്രി ഹിറ്റുകൾ സമ്മാനിച്ച കൂട്ടുകെട്ടാണ് മോഹൻലാൽ- ഷാജി കൈലാസ് ടീം. 22 ദിവസത്തെ ഡേറ്റ് ആണ് ഈ പുതിയ ഷാജി കൈലാസ് ചിത്രത്തിന് മോഹൻലാൽ നൽകിയിരിക്കുന്നത്. ജീത്തു ജോസഫ് ഒരുക്കിയ 12ത് മാൻ എന്ന ചിത്രം പൂർത്തിയാക്കി ആണ് മോഹൻലാൽ ഈ ചിത്രത്തിൽ ജോയിൻ ചെയ്തത്. പൃഥ്വിരാജ് നായകനായ കടുവ എന്ന ചിത്രമാണ് ഈ ചിത്രം കഴിഞ്ഞു ഷാജി കൈലാസിന് പൂർത്തിയാക്കാനുള്ളത്.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.