”ബ്രോ ഡാഡി ” മോഹൻലാൽ- പൃഥ്വിരാജ് ടീം വീണ്ടും

മലയാള സിനിമയിലെ നൂറു കോടി കളക്ഷൻ നേടിയ ചിത്രങ്ങളിലൊന്നാണ് ൽ പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ലൂസിഫർ എന്ന മോഹൻലാൽ ചിത്രം. അതിനു ശേഷം പൃഥ്വിരാജ് ഒരുക്കാൻ ഇരുന്നതും മോഹൻലാൽ തന്നെ നായകനായ എമ്പുരാൻ എന്ന ചിത്രമായിരുന്നു. ലൂസിഫറിന്റെ രണ്ടാം ഭാഗമായിരുന്നു ഈ ചിത്രം. എന്നാൽ വിദേശത്തു ഷൂട്ടിംഗ് നടത്തേണ്ട ഈ ചിത്രം ഈ ചിത്രം കോവിഡ് പ്രതിസന്ധി മൂലം വൈകിയതോടെ പൃഥ്വിരാജ് തന്റെ രണ്ടാമത്തെ സംവിധാന സംരംഭമായി പുതിയൊരു ചിത്രം പ്രഖ്യാപിച്ചിരിക്കുകയാണ്. ഈ ചിത്രത്തിലും നായകൻ കംപ്ലീറ്റ് ആക്ടർ മോഹൻലാൽ തന്നെയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രത്തിന്റെ പേര് ബ്രോ ഡാഡി എന്നാണ്. മോഹൻലാലിനൊപ്പം പൃഥ്വിരാജ് സുകുമാരൻ, കല്യാണി പ്രിയദർശൻ, മീന, ലാലു അലക്സ്, സൗബിൻ ഷാഹിർ, മുരളി ഗോപി, കനിഹ എന്നിവരും അഭിനയിക്കുന്ന ഈ ചിത്രം രചിച്ചിരിക്കുന്നത് ശ്രീജിത്ത്, ബിബിൻ എന്നിവർ ചേർന്നാണ്.

ഒരു ഫൺ ഫാമിലി എന്റെർറ്റൈനെർ ആയാവും ഈ ചിത്രം ഒരുക്കുക എന്നും പൃഥ്വിരാജ് ഇന്ന് പ്രഖ്യാപിച്ചിട്ടുണ്ട്. അഭിനന്ദം രാമാനുജൻ കാമറ ചലിപ്പിയ്ക്കുന്ന ഈ ചിത്രത്തിന് സംഗീതം ഒരുക്കുന്നത് ദീപക് ദേവ് ആണ്. ജൂലൈ മാസത്തിൽ, ഷൂട്ടിങ്ങിനു സർക്കാർ അനുമതി ലഭിച്ചാൽ, ഈ ചിത്രം ആരംഭിക്കും എന്നാണ് റിപ്പോർട്ടുകൾ നമ്മളോട് പറയുന്നത്. ഏതായാലും ഇപ്പോഴത്തെ ലൈൻ അപ് പ്രകാരം തുടർച്ചയായി നാല് മോഹൻലാൽ ചിത്രങ്ങൾ ആണ് പൃഥ്വിരാജ് എന്ന നടന്റെ സംവിധാന കരിയറിൽ ഉണ്ടാവുക. ലൂസിഫർ, ബ്രോ ഡാഡി, എമ്പുരാൻ, ലൂസിഫർ പാർട്ട് 3 എന്നിവയാവും ആ ചിത്രം. എമ്പുരാൻ ഒരുക്കിയതിനു ശേഷമോ, അല്ലെങ്കിൽ ലൂസിഫർ സീരിസ് പൂർത്തിയാക്കിയതിനു ശേഷമോ ഒരു മമ്മൂട്ടി ചിത്രം ഒരുക്കാനും പൃഥ്വിരാജ് പ്ലാൻ ചെയ്യുന്നുണ്ട് എന്നും വാർത്തകൾ വന്നിരുന്നു.