കഴിഞ്ഞ ദിവസമാണ് ഏവരും കാത്തിരുന്ന മോഹൻലാൽ- ലിജോ ജോസ് പെല്ലിശ്ശേരി ചിത്രം പ്രഖ്യാപിച്ചത്. മോഹൻലാൽ- ലിജോ ടീം ആദ്യമായി ഒന്നിക്കുന്ന ചിത്രമാണിത്. ഒരു മാസ്സ് പീരീഡ് ഡ്രാമയാണ് ഈ ചിത്രമെന്ന സൂചനയാണ് ഇപ്പോൾ ലഭിച്ചു കൊണ്ടിരിക്കുന്നത്. ജോൺ ആൻഡ് മേരി ക്രിയേറ്റിവിന്റെ ബാനറിൽ ഷിബു ബേബി ജോൺ, സെഞ്ച്വറി ഫിലിംസ്, മാക്സ് ലാബ് എന്നിവരാണ് ഈ ചിത്രം നിർമ്മിക്കുന്നത്. ചിത്രത്തിന്റെ പേര് ഉൾപ്പെടെയുള്ള വിവരങ്ങൾ പുറത്ത് വിട്ടിട്ടില്ല എങ്കിലും, അതിനെ കുറിച്ചും ഈ ചിത്രത്തിലെ മോഹൻലാൽ കഥാപാത്രത്തെ കുറിച്ചുമുള്ള ചില അനൗദ്യോഗിക വാർത്തകൾ സോഷ്യൽ മീഡിയയിൽ പ്രചരിക്കുന്നുണ്ട്. ചെമ്പോത്ത് സൈമൺ എന്നാണ് ഇതിലെ മോഹൻലാൽ കഥാപാത്രത്തിന്റെ പേരെന്നും, ഇതിൽ ഒരു ഗുസ്തിക്കാരൻ ആയാണ് അദ്ദേഹം വേഷമിടുന്നതെന്നും വാർത്തകൾ പറയുന്നു.
മലൈക്കോട്ടെ വാലിബൻ എന്നാണ് ഈ ചിത്രത്തിന്റെ പേരെന്നും വാർത്തകൾ പറയുന്നു. ജനുവരി പത്തിന് ആരംഭിക്കാൻ പോകുന്ന ഈ ചിത്രം രാജസ്ഥാൻ, ആന്ധ്രാപ്രദേശ് എന്നിവിടങ്ങളിലാവും ഷൂട്ട് ചെയ്യുക എന്നാണ് സൂചന. പ്രശാന്ത് പിള്ളൈ സംഗീതമൊരുക്കാൻ പോകുന്ന ചിത്രത്തിനു ക്യാമറ ചലിപ്പിക്കുക മധു നീലകണ്ഠൻ ആണെന്നും റിപ്പോർട്ടുകളുണ്ട്. മോഹൻലാൽ ഇപ്പോൾ ചെയ്ത് കൊണ്ടിരിക്കുന്ന ജീത്തു ജോസഫ് ചിത്രം റാം കഴിഞ്ഞാൽ ഈ ലിജോ ജോസ് പെല്ലിശ്ശേരി ചിത്രത്തിൽ ജോയിൻ ചെയ്യും. ഇതിന്റെ താരനിരയെ കുറിച്ചുള്ള ഔദ്യോഗിക വിവരങ്ങൾ വന്നിട്ടില്ലെങ്കിലും ആന്റണി വര്ഗീസ്, ചെമ്പൻ വിനോദ്, വിനായകൻ, ജോജു ജോർജ് എന്നിവരും ഇതിൽ വേഷമിടുമെന്നാണ് സൂചന. ആന്ധ്രയിലെ മലനിരകളിലുള്ള ഗ്രാമത്തിന്റെ പശ്ചാത്തലത്തിൽ ഒരുങ്ങാൻ പോകുന്ന ഈ ചിത്രത്തിന്റെ കഥ ഒരു മിത്തിനെ അടിസ്ഥാനമാക്കിയാണ് ഒരുക്കിയിരിക്കുന്നതെന്നും ട്രേഡ് അനലിസ്റ്റുകൾ ട്വീറ്റ് ചെയ്യുന്നു.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.