[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Categories: Latest News

ഇന്ത്യൻ സിനിമയിൽ ഈ ചരിത്രം സൃഷ്‌ടിച്ച ഒരേ ഒരു നായകൻ; അപൂർവ നേട്ടവുമായി മോഹൻലാൽ..!

ഇന്ത്യൻ സിനിമയിലെ നടനവിസ്മയമായ മോഹൻലാൽ താരമൂല്യത്തിന്റെ കാര്യത്തിൽ സൗത്ത് ഇന്ത്യൻ സിനിമയിലെ തന്നെ ഏറ്റവും വലിയ താരങ്ങളിൽ ഒരാളായി മാറി കഴിഞ്ഞിരിക്കുകയാണ്. മലയാള സിനിമയിലെ എക്കാലത്തേയും ഏറ്റവും വലിയ താരം എന്ന നിലയിൽ നിന്നും സൗത്ത് ഇന്ത്യൻ സൂപ്പർ സ്റ്റാർ എന്ന നിലയിൽ ആണ് മോഹൻലാൽ ഇന്ന് അറിയപ്പെടുന്നത്. മലയാള സിനിമയ്ക്കു ആദ്യമായി അമ്പതു കോടി ക്ലബിൽ ഒരു ചിത്രം മോഹൻലാൽ സമ്മാനിച്ചത് ആറു വർഷം മുൻപ് ദൃശ്യം എന്ന സിനിമയിലൂടെ ആണ്. ഇപ്പോൾ ആറു വർഷങ്ങൾ പിന്നിട്ടു കഴിയുമ്പോൾ അമ്പതു കോടി ക്ലബിൽ മോഹൻലാൽ ഏഴു തവണ എത്തി കഴിഞ്ഞു. അതിൽ മലയാളത്തിൽ നിന്നും തന്നെ രണ്ടു ചിത്രങ്ങൾ നൂറു കോടി ക്ലബിലും അദ്ദേഹം എത്തിച്ചു. മലയാളത്തിൽ നൂറു കോടി രൂപ കളക്ഷൻ നേടിയ രണ്ടേ രണ്ടു ചിത്രങ്ങൾ മാത്രമേ ഉള്ളു എന്നതും അത് രണ്ടും മോഹൻലാൽ ചിത്രങ്ങൾ ആണെന്നതും ഈ നടന്റെ അഭൂതപൂർവമായ താരമൂല്യം നമ്മളെ അടിവരയിട്ടു കാണിക്കുന്നു.

പുലി മുരുകൻ, ലൂസിഫർ എന്നീ മലയാള ചിത്രങ്ങൾ അല്ലാതെ തെലുങ്കിലും തമിഴിലും നൂറു കോടി കളക്ഷൻ നേടിയ ചിത്രങ്ങളുടെ ഭാഗമായ മോഹൻലാൽ ഈ അപൂർവ ചരിത്രം സൃഷ്‌ടിച്ച ഇന്ത്യൻ സിനിമയിലെ ആദ്യ നായകൻ ആയി മാറി കഴിഞ്ഞു. ജൂനിയർ എൻ ടി ആറിനൊപ്പം മൂന്ന് വർഷം മുൻപ് മോഹൻലാൽ അഭിനയിച്ച ജനത ഗാരേജ് എന്ന തെലുങ്ക് ചിത്രം നൂറു കോടി ക്ലബ്ബിൽ കയറിയിരുന്നു. ഇപ്പോഴിതാ സൂര്യയോടൊപ്പം മോഹൻലാൽ തമിഴിൽ അഭിനയിച്ച കാപ്പാൻ എന്ന ചിത്രവും നൂറു കോടി ക്ലബിൽ എത്തിയതായി കഴിഞ്ഞ ദിവസം നിർമ്മാതാക്കളായ ലൈക്ക പ്രൊഡക്ഷൻസ് ഔദ്യോഗികമായി തന്നെ ഏവരെയും അറിയിച്ചതോടെ മലയാളം, തമിഴ്, തെലുങ്ക് ഭാഷകളിൽ നൂറു കോടി ക്ലബ്ബിൽ എത്തുന്ന ചിത്രങ്ങളിൽ അഭിനയിച്ച ഏക ഇന്ത്യൻ നായക നടൻ ആയി മോഹൻലാൽ.

2016 ഇൽ റിലീസ് ചെയ്ത ജനതാ ഗാരേജ് 130 കോടിയോളം കളക്ഷൻ നേടിയപ്പോൾ പുലി മുരുകൻ എന്ന മലയാള ചിത്രം നേടിയത് 140 കോടിയോളം ആണ്. ഈ വർഷം എത്തിയ മലയാള ചിത്രം ലൂസിഫർ 130 കോടി ആഗോള കളക്ഷൻ ആയി നേടിയപ്പോൾ കാപ്പാൻ 100 കോടി പിന്നിട്ടു കഴിഞ്ഞു. ഇനി മോഹൻലാൽ നായകനായി റിലീസ് ചെയ്യാൻ പോകുന്ന മരക്കാർ അറബിക്കടലിന്റെ സിംഹം എന്ന ചിത്രത്തിന്റെ ബജറ്റ് തന്നെ നൂറു കോടി രൂപ ആണ്. അതുപോലെ പൃഥ്വിരാജ് സംവിധാനം ചെയ്യാൻ പോകുന്ന ലൂസിഫർ രണ്ടാം ഭാഗവും നൂറു കോടിയോളം രൂപ ബഡ്ജറ്റിൽ ഒരുക്കുന്ന ബ്രഹ്മാണ്ഡ ചിത്രം ആയിരിക്കും എന്നാണ് സൂചന. മോഹൻലാൽ ആദ്യമായി സംവിധാനം ചെയ്യാൻ പോകുന്ന ബാരോസ് എന്ന സിനിമയും സൗത്ത് ഇന്ത്യയിലെ വമ്പൻ ചിത്രങ്ങളിൽ ഒന്നാണ്.

webdesk

Recent Posts

മൂൺവാക്ക് തിയറ്റർ നിറയേണ്ട പടം, വൈകിയിട്ടില്ല; പ്രശംസയുമായി പ്രശസ്ത സംഗീതജ്ഞൻ ഷഹബാസ് അമൻ

പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…

2 days ago

വാൾട്ടർ ആയി നിവിൻ പോളി ലോകേഷ് സിനിമാറ്റിക് യൂണിവേഴ്സിൽ ; ‘ബെൻസ്’ കാരക്ടർ വീഡിയോ പുറത്ത്

കൈതിയിലൂടെ സംവിധായകന്‍ ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്‌സായ എല്‍ സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…

3 days ago

വേടനോട് അഭ്യർത്ഥനയുമായി മൂൺ വാക്ക് ചിത്രത്തിന്റെ അണിയറപ്രവർത്തകന്റെ സോഷ്യൽ മീഡിയാ കുറിപ്പ് ശ്രെദ്ധ നേടുന്നു

നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…

4 days ago

യുവതാരനിരയെ അണിനിരത്തി ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്ക് നാളെ മുതൽ തിയേറ്ററുകളിലേക്ക് : ചിത്രത്തിന്റെ ബുക്കിങ് ആരംഭിച്ചു

മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…

1 week ago

“മൂൺ വാക്” നൃത്തം മാത്രമല്ല, ജീവിതം കൂടിയാണ്; മനസ്സ് തുറന്ന് സംവിധായകൻ

പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…

1 week ago

നിങ്ങൾക്കും നാളത്തെ താരമാകാൻ അവസരം ഒപ്പം സമ്മാനങ്ങളും : ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺവാക്ക് വേവ് കോണ്ടസ്റ്റ്

ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…

2 weeks ago

This website uses cookies.