[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ഒടിയന് വേണ്ടി ഡ്യൂപ്പിന്റെ സഹായം ഇല്ലാതെ പേരാലിൽ തല കീഴായി തൂങ്ങിക്കിടന്ന് സംഘട്ടനം ചെയ്‌ത്‌ മോഹൻലാൽ

മലയാളസിനിമാ ചരിത്രത്തിലെ ബ്രഹ്മാണ്ഡ പ്രൊജക്റ്റായ ഒടിയന്റെ ക്ലൈമാക്സ്‌ ഷൂട്ടിംഗ് പൂർത്തിയായി. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം സംവിധാനം ചെയ്യുന്നത് വി എ ശ്രീകുമാർ മേനോൻ ആണ്. ചിത്രത്തിന്റെ ക്ലൈമാക്സ് ചിത്രീകരിക്കാനായി മാത്രം 28 ദിവസമെടുക്കുമെന്ന് അണിയറ പ്രവർത്തകർ സൂചിപ്പിച്ചിരുന്നു. ഒരു പക്ഷേ ഇന്ത്യൻ സിനിമാചരിത്രത്തിൽ തന്നെ ഇത്രയും ദൈർഘ്യമേറിയ ക്ലൈമാക്സ് ഷൂട്ടിങ് ഇതാദ്യമായിരിക്കും. ആദ്യ രണ്ടു ഷെഡ്യൂളുകളും ക്ലൈമാക്സും ചിത്രീകരിച്ചു പൂർത്തിയാക്കിയ ചിത്രത്തിന്റെ മൂന്നാം ഷെഡ്യൂൾ കഴിഞ്ഞ ദിവസം പാലക്കാട് ആരംഭിച്ചു.

പുതിയ ഷെഡ്യൂളിൽ ഡിസംബർ അഞ്ചിന് മാത്രമേ മോഹൻലാൽ ജോയിൻ ചെയ്യുകയുള്ളൂ എന്നാണ് സൂചന. കാശിയില്‍ നിന്നും ഒടിയന്‍ മാണിക്യന്‍ എന്ന കഥാപാത്രത്തെ പരിചയപ്പെടുത്തിക്കൊണ്ടുള്ള വീഡിയോ മോഹൻലാൽ മുൻപ് പുറത്ത് വിട്ടിരുന്നു. പ്രായത്തിന്റെ ജരാനരകള്‍ പേറുന്ന മാണിക്യനെയാണ് ഗംഗയുടെ തീരത്ത് കാണാനായത്.

ഇതിൽ നിന്നും തികച്ചും വ്യത്യസ്തമായ ഒരു രൂപമായിരിക്കും മൂന്നാമത്തെ ഷെഡ്യൂളിൽ ചിത്രീകരിക്കുന്നത്. ശരീര ഭാരം കുറച്ചു പുതിയ ഗെറ്റപ്പിലായിരിക്കും മോഹൻലാൽ എന്ന നടനവിസ്‌മയം എത്തുക.

ഒടിയന്മാരുടെ കണ്ണിയിലെ അവസാനത്തെ ഒടിയനായിട്ടാണ് മോഹന്‍ലാലിന്റെ ഒടിയന്‍ മാണിക്യന്‍ എത്തുന്നത്. വലിയ ഒരു പേരാലിനുള്ളിലാണ് ഒടിയന്റെ ക്ലൈമാക്സ് രംഗങ്ങൾ ചിത്രീകരിച്ചത്. ഒടിയൻ വായുവിലൂടെ പറന്ന് നടക്കുന്ന രംഗങ്ങളാണ് അധികവും ഉള്ളതെന്ന് ഒരു സിനിമാവരിക പുറത്തുവിട്ട റിപ്പോർട്ടുകൾ സൂചിപ്പിക്കുന്നു.

പേരാലിന് മുകളിൽ തല കീഴായി തൂങ്ങിക്കിടക്കുന്ന ലാലിനെയാണ് തങ്ങൾക്ക് കാണാനായതെന്നും ഡ്യൂപ്പിനെ വെച്ച് ആ രംഗം ചിത്രീകരിക്കാമെന്ന് സംവിധായകൻ പറഞ്ഞെങ്കിലും ലാൽ അതിന് അനുവദിച്ചില്ലെന്നും റിപ്പോർട്ടിൽ പറയുന്നു.

മാജിക്കല്‍ റിയലിസം രീതിയില്‍ ഒരുക്കുന്ന ചിത്രത്തിന്റെ ക്ലൈമാക്‌സ് രാത്രിയിൽ ആണ് ചിത്രീകരിച്ചിരിക്കുന്നത്. ആക്ഷൻ കോറിയോഗ്രാഫർ പീറ്റർ ഹെയ്‌നിന്റെ നേതൃത്വത്തിലായിരുന്നു ചിത്രീകരണം.

കഥാപാത്രത്തിന് വേണ്ടി മോഹൻലാൽ 15 കിലോയോളം ശരീര ഭാരം കുറയ്ക്കുമെന്ന് അണിയറപ്രവർത്തകർ മുൻപ് സൂചിപ്പിച്ചിരുന്നു. 1950 തൊട്ട് 2000 വരെയുള്ള പല കാലഘട്ടങ്ങളികുടെ മുന്നേറുന്ന കഥയാണ് ചിത്രം പരാമർശിക്കുന്നത്.

ചിത്രത്തിന് വേണ്ടി ദൃശ്യങ്ങൾ ഒരുക്കുന്നത് ഷാജി കുമാറും ഗാനങ്ങൾ ഒരുക്കിയത് എം ജയചന്ദ്രനും ആണ്. വിക്രം വേദ എന്ന തമിഴ് ചിത്രത്തിലൂടെ പ്രശസ്തനായ സാം ആണ് പശ്ചാത്തല സംഗീതം ഒരുക്കുന്നത്. മോഹൻലാലിനെ കൂടാതെ, പ്രകാശ് രാജ്, മഞ്ജു വാര്യർ, സിദ്ദിഖ്, ഇന്നസെന്റ്, ശരത് കുമാർ , നന്ദു എന്നിവരും ഈ ചിത്രത്തിൽ മറ്റ് പ്രധാനവേഷങ്ങൾ കൈകാര്യം ചെയ്യുന്നു.

webdesk

Recent Posts

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

1 week ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

1 week ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

4 weeks ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

4 weeks ago

തെലുങ്കിൽ വിസ്മയിപ്പിച്ചു വെങ്കിടേഷ് വി പി; ‘കിങ്‌ഡം’ വില്ലന് ഗംഭീര പ്രശംസ

വിജയ് ദേവരകൊണ്ട നായകനായ "കിങ്‌ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…

4 weeks ago

കാർത്തി ചിത്രമൊരുക്കാൻ തരുൺ മൂർത്തി?

മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…

4 weeks ago

This website uses cookies.