നാളെയാണ് കമ്പ്ലീറ്റ് ആക്ടർ മോഹൻലാൽ നായകനായ നീരാളി എന്ന ചിത്രം റിലീസ് ചെയ്യുന്നത്. എട്ടു മാസത്തെ ഇടവേളയ്ക്കു ശേഷമാണു ഒരു മോഹൻലാൽ ചിത്രം കേരളത്തിൽ റിലീസ് ചെയ്യുന്നത്. ആ ചിത്രത്തിന്റെ പ്രമോഷന്റെ ഭാഗമായി ഇന്ന് മോഹൻലാൽ തന്റെ ഫേസ്ബുക് പേജിലൂടെ വരികയും പ്രേക്ഷകരോട് സംവദിക്കുകയും ചെയ്തു. നീരാളിയിലെ ഒരു പ്രധാന സ്ത്രീ കഥാപാത്രത്തെ അവതരിപ്പിക്കുന്ന പാർവതി നായരും മോഹൻലാലിനൊപ്പം ഈ ഫേസ്ബുക് ലൈവിൽ വന്നിരുന്നു. അതിൽ പാർവതി ലാലേട്ടനോട് ചോദിച്ച ഒരു ചോദ്യമായിരുന്നു ലാലേട്ടന് ഏറ്റവും ഇഷ്ടമുള്ള നായിക ആരാണെന്നുള്ളത്. വളരെ രസകരമായ ഒരുത്തരമാണ് മോഹൻലാൽ അതിനു നൽകിയത്.
താൻ ഏതാണ്ട് നൂറോളം നായികമാരോടൊത്തു അഭിനയിച്ചിട്ടുണ്ടെന്നും അതിൽ ഒരാളുടെ പേര് മാത്രം എടുത്തു പറയുന്നത് ശരിയല്ലെന്നും മോഹൻലാൽ പറഞ്ഞു. എല്ലാവരെയും ഒരേ ബഹുമാനത്തോടും സ്നേഹത്തോടുമാണ് കാണുന്നത് എന്നും മോഹൻലാൽ പറഞ്ഞു. അതിൽ ചിലരോടൊത്തു ഒരുപാട് ചിത്രങ്ങളിൽ അഭിനയിച്ചിട്ടുള്ള കാര്യവും മോഹൻലാൽ ഓർത്തെടുത്തു. ശോഭനയുമായി താൻ ഏകദേശം അന്പതിനു മുകളിൽ ചിത്രങ്ങളിൽ അഭിനയിച്ചിട്ടുണ്ടെന്നു പറഞ്ഞ മോഹൻലാൽ, തന്റെ ഏറ്റവും പ്രീയപ്പെട്ട നായികക്കായി ഇനിയും കാത്തിരിക്കുകയാണ് എന്നാണ് പറയുന്നത്. നീരാളിയിൽ മോഹൻലാലിൻറെ നായികാ വേഷത്തിൽ എത്തിയിരിക്കുന്നത് പ്രശസ്ത നടിയായ നാദിയ മൊയ്തു ആണ്. അജോയ് വർമ്മ ഒരുക്കിയ ഈ ചിത്രം നാളെ ഇന്ത്യ മുഴുവൻ റിലീസ് ചെയ്യും. മൂൺ ഷോട്ട് എന്റെർറ്റൈന്മെന്റിന്റെ ബാനറിൽ സന്തോഷ് ടി കുരുവിള നിർമ്മിച്ച ഈ ചിത്രം രചിച്ചത് നവാഗതനായ സാജു തോമസ് ആണ്. ദിലീഷ് പോത്തൻ, നാസ്സർ എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.