ഇത്തിക്കര പക്കിയുടെയും കായംകുളം കൊച്ചുണ്ണിയുടെയും അത്ഭുത പ്രകടനം കാണാൻ കാത്തിരിക്കുന്നു എന്ന് ശ്രീകുമാർ മേനോൻ..!

കഴിഞ്ഞ ദിവസം റിലീസ് ചെയ്ത കായംകുളം കൊച്ചുണ്ണി എന്ന ബ്രഹ്മാണ്ഡ ചിത്രത്തിന്റെ ട്രൈലർ ഇപ്പോൾ സോഷ്യൽ മീഡിയയിൽ തരംഗമായി മാറിയിരിക്കുകയാണ്. മോഹൻലാൽ, നിവിൻ പോളി ആരാധകരും മറ്റു സിനിമാ പ്രേമികളും ഏറെ ആവേശത്തോടെയാണ് ഈ കിടിലൻ ട്രൈലർ സ്വീകരിച്ചതും ഈ ചിത്രത്തിനായി കാത്തിരിക്കുന്നതും . ഓഗസ്റ്റ് പതിനെട്ടിന് റിലീസ് ചെയ്യാൻ പോകുന്ന ഈ ചിത്രത്തിൽ കായംകുളം കൊച്ചുണ്ണി എന്ന നായക വേഷത്തിൽ നിവിൻ പോളിയും ഇത്തിക്കര പക്കി ആയി അതിഥി വേഷത്തിൽ മോഹൻലാലും എത്തുന്നു. ട്രൈലറിലും അവസാനം കുറച്ചു നിമിഷങ്ങൾ മാത്രമാണ് മോഹൻലാൽ പ്രത്യക്ഷപ്പെടുന്നുള്ളു എങ്കിലും ആ കുറച്ചു നിമിഷങ്ങൾ കൊണ്ട് തന്നെ മോഹൻലാൽ പ്രേക്ഷക പ്രതീക്ഷ വാനോളം എത്തിച്ചു. ഇപ്പോഴിതാ ഇത്തിക്കര പക്കിയുടെയും കായംകുളം കൊച്ചുണ്ണിയുടെയും അത്ഭുത പ്രകടനം കാണാൻ താൻ കാത്തിരിക്കുകയാണ് എന്ന് പറയുന്നത് ബ്രഹ്മാണ്ഡ മോഹൻലാൽ ചിത്രമായ ഒടിയൻ ഒരുക്കിയ വി എ ശ്രീകുമാർ മേനോൻ ആണ്.

കായംകുളം കൊച്ചുണ്ണിയുടെ ട്രൈലർ ലോഞ്ച് ചടങ്ങിലും പങ്കെടുത്ത ശ്രീകുമാർ ഈ ചിത്രത്തിന്റെ വലിപ്പം നമ്മുക്ക് ട്രൈലർ മനസ്സിലാക്കു തരുന്നുണ്ടെന്നും പറഞ്ഞു. അമ്പരപ്പിക്കുന്ന പ്രകടനമാണ് നിവിൻ ഈ ചിത്രത്തിൽ കാഴ്ച വെച്ചിരിക്കുന്നതെന്ന ഫീലാണ് ട്രൈലർ തരുന്നത് എന്ന് പറഞ്ഞ ശ്രീകുമാർ മേനോൻ ഇത്ര ഗംഭീരമായ രീതിയിൽ ഈ ചിത്രം ഒരുക്കിയ റോഷൻ ആൻഡ്രൂസിനെയും അഭിനന്ദിച്ചു. ഗോകുലം ഗോപാലൻ എന്ന നിർമ്മാതാവിന്റെ ധൈര്യവും പിന്തുണയും ഇല്ലായിരുന്നെങ്കിൽ ഈ ചിത്രം സംഭവിക്കില്ലായിരുന്നു എന്നും പറഞ്ഞ ശ്രീകുമാർ മേനോൻ ഈ അടുത്ത കാലത്തു തന്നെ ഏറെ ആവേശം കൊള്ളിച്ച ട്രൈലർ ആണിതെന്നും അഭിപ്രായപ്പെട്ടു. മോഹൻലാൽ – ശ്രീകുമാർ മേനോൻ ചിത്രമായ ഒടിയൻ ഈ വർഷം ഒക്ടോബറിൽ ആയിരിക്കും റിലീസ് ചെയ്യുക.