ഇഷ്ടതാരങ്ങളുടെ ചിത്രങ്ങൾ വ്യത്യസ്തമായ രീതിയിൽ വരയ്ക്കുകയും പ്രദർശിപ്പിക്കുകയും ചെയ്യുന്ന ആരാധകരുടെ പതിവുകാഴ്ചകളിൽ നിന്നും വളരെ വ്യത്യസ്തമായ പരീക്ഷണം ശ്രമം നടത്തിക്കൊണ്ട് സന എസ്. എന്ന വിദ്യാർത്ഥി സമാനതകളില്ലാത്ത ചരിത്രനേട്ടം കരസ്ഥമാക്കിയിരിക്കുകയാണ്. ബാല്യത്തിൽ മുതൽ നന്നായി വരയ്ക്കാൻ ശ്രമിച്ചിരുന്ന സന തന്റെ ഇഷ്ടതാരം മമ്മൂട്ടിയുടെ ചിത്രം വരച്ചപ്പോൾ ഏഷ്യ ബുക്ക് ഓഫ് റിക്കാർഡിന്റെ ബഹുമതിയാണ് തേടിയെത്തിയത്. ചെറുപ്പകാലം മുതൽ തന്നെ വരയ്ക്കാൻ താൽപര്യം കാണിച്ചിരുന്ന സന കോവിഡ് കാലം സമ്മാനിച്ച ഒഴിവ് വേളകളിലാണ് ടൈപ്പോഗ്രാഫി എന്ന കലാരൂപത്തെ പറ്റി അറിയുന്നത്. പിലാത്തറ സെന്റ് ജോസഫ് കോളേജിലെ രണ്ടാം വർഷ ഗണിത വിദ്യാർഥിയായി പഠനം മുന്നോട്ടു കൊണ്ടു പോകുന്ന സന ടൈപ്പോഗ്രാഫി എന്ന ആർട്ടിനെപ്പറ്റി കൂടുതലായി അറിയാൻ ശ്രമിച്ചു. ചെറിയ വാക്കുകൾ കൊണ്ടും അക്ഷരങ്ങൾ കൊണ്ടും ചിത്രങ്ങൾക്ക് രൂപം നൽകുന്ന ടൈപ്പോഗ്രാഫി പതിയെ പരിശീലിച്ച് നോക്കിയ സന അതിന്റെ വിജയവും സാധ്യതകളും തിരിച്ചറിഞ്ഞു. അത്തരത്തിലുള്ള ചെറിയ പരീക്ഷണങ്ങൾ തന്റെ ഇൻസ്റ്റാഗ്രാം പേജിലൂടെ സന പങ്കുവയ്ക്കാനും ആരംഭിച്ചു. പ്രതീക്ഷിച്ചതിലും വലിയ പ്രതികരണമാണ് സമൂഹ മാധ്യമങ്ങളിൽ നിന്നും സനയുടെ പരീക്ഷണ ചിത്രങ്ങൾക്ക് ലഭിച്ചത്.
അംബേദ്കർ, അബ്ദുൽകലാം, ഗാന്ധിജി തുടങ്ങിയ മഹാന്മാരുടെ ചിത്രങ്ങൾ വരച്ചു സന ശേഷം തന്റെ ഇഷ്ടതാരം മമ്മൂട്ടിയുടെ ചിത്രം വരച്ചു. മമ്മൂട്ടി അഭിനയിച്ച ചിത്രങ്ങളുടെ പേരുകൾ ഉപയോഗിച്ച് മമ്മൂട്ടിയുടെ തന്നെ ചിത്രം വരയ്ക്കുക എന്ന ഉദ്യമമാണ് സന ചെയ്തത്. അതിനായി 331 മമ്മൂട്ടി ചിത്രങ്ങളുടെ സിനിമ പേരുകൾ ഉപയോഗിച്ച് 23 മിനിറ്റ് കൊണ്ട് എ3 ഷീറ്റിൽ സന മമ്മൂട്ടിയുടെ ഫെയ്സ് പോട്രേറ്റ് വരച്ചു. ഈ അപൂർവമായ കലാ പ്രകടനത്തിന് സന ഏഷ്യാനെറ്റ് ബുക്ക് ഓഫ് റിക്കാർഡ്സിൽ ഗ്രാൻഡ്മാസ്റ്റർ ബഹുമതിക്ക് അർഹ ആവുകയും ചെയ്തു. മായാവി, ശിക്കാരി, വർഷം, കാഴ്ച ഇത്തരത്തിലുള്ള ഏറ്റവും ചെറിയ സിനിമകളുടെ പേരാണ് ആദ്യം സന തിരഞ്ഞെടുത്തത്. മനു അങ്കിൾ, നാല്കവല പോലുള്ള നീളമുള്ള പേരുകൾ ഉപയോഗിച്ചാണ് പുരികങ്ങൾ രൂപം നൽകിയിരിക്കുന്നത്. മമ്മൂട്ടിയുടെ തുടക്കകാല ചിത്രങ്ങൾ മുതൽ പുതിയതായി ഒരുങ്ങിയ ദി പ്രീസ്റ്റ്, വൺ വരെയുള്ള ചിത്രങ്ങളുടെ പേരുകൾ സന ഉപയോഗിച്ചിട്ടുണ്ട്.
ഫോട്ടോ കടപ്പാട്: Arun Punalur
പാന് ഇന്ത്യന് ബ്ലോക്ക് ബസ്റ്ററായ മാര്ക്കോയ്ക്ക് ശേഷം ഉണ്ണിമുകുന്ദന് നായകനാവുന്ന 'ഗെറ്റ് സെറ്റ് ബേബി'യുടെ റിലീസ് തിയതി പുറത്തു വിട്ടു.…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്ത എമ്പുരാൻ ടീസർ ഇപ്പോൾ സോഷ്യൽ മീഡിയയെ ആവേശം കൊണ്ട്…
മലയാളത്തിലെ എക്കാലത്തെയും ക്ലാസിക് ചിത്രങ്ങളിലൊന്നായ ഒരു വടക്കൻ വീരഗാഥയുടെ പുതിയ പതിപ്പിന്റെ ട്രൈലെർ ലോഞ്ച് അമ്മയുടെ ഓഫീസിൽ നടന്നു. മോഹൻലാൽ…
മലയാളത്തിന്റെ മഹാനടൻ മമ്മൂട്ടിയെ നായകനാക്കി എംടി-ഹരിഹരന് കൂട്ടുകെട്ടിലൊരുങ്ങിയ ക്ലാസിക് ചിത്രമായ ഒരു വടക്കന് വീരഗാഥ വീണ്ടും റിലീസിന് എത്തുന്നു. 2025…
നിങ്ങളുടെ സൗഹൃദത്തിലേക്ക് ഇന്നുമുതൽ പുതിയ ഒരു ബെസ്റ്റി കടന്നു വരുന്നു എന്ന പരസ്യ വാചകവുമായി എത്തിയ ചിത്രമാണ് 'ബെസ്റ്റി'. ഷാനു…
പ്രേക്ഷകർ ആകാംക്ഷയോടെ കാത്തിരിക്കുന്ന 'ബെസ്റ്റി'യുടെ ട്രെയിലർ എത്തി. ഒരു കംപ്ലീറ്റ് ഫാമിലി എന്റർടൈനർ ആണ് സിനിമയെന്നാണ് ട്രെയിലർ നൽകുന്ന സൂചന.…
This website uses cookies.