ബർത്ത് ഡേ ആണ്, കാണാൻ വരുമോ എന്നു ആശുപത്രിയിൽ കിടക്കയിൽ നിന്ന് കുട്ടി;ഓടിയെത്തി മെഗാസ്റ്റാർ; വീഡിയോ കാണാം..!

സുഖമില്ലാതെ ആശുപത്രിയിൽ കിടക്കുന്ന ഒരു കുട്ടി, മമ്മൂട്ടിയെ കാണണം എന്ന ആഗ്രഹം പ്രകടിപ്പിക്കുന്നതും അതിനു ശേഷം മമ്മൂട്ടി ആ കുട്ടിയെ കാണാൻ എത്തുന്നതുമായ ഒരു വീഡിയോ ആണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. മെഗാ സ്റ്റാറിന്റെ കരുതൽ കാണിച്ചു തരുന്ന ആ വീഡിയോ സോഷ്യൽ മീഡിയയിൽ പങ്കു വെച്ചത്‌ പ്രശസ്ത നിർമ്മാതാവും പ്രൊഡക്ഷൻ കോൺട്രോളറുമായ ബാദുഷയാണ്. കുട്ടി കിടക്കുന്ന ആശുപതിയിൽ പോയാണ് മമ്മൂട്ടി ആ കുട്ടിയെ കണ്ടത്. മമ്മൂട്ടിയുടെ വലിയ ആരാധികയാണ് താൻ എന്നും ഇക്കയെ കാണാൻ ആഗ്രഹം ഉണ്ടെന്നുമാണ് ആ കുട്ടി വീഡിയോയിൽ പറയുന്നത്. ആ വീഡിയോ സോഷ്യൽ മീഡിയയിലൂടെ മമ്മൂട്ടിയുടെ മുന്നിൽ എത്തുകയും, അത് കണ്ട അദ്ദേഹം ചോക്ക്ലേറ്റുകളുമായി തന്റെ കുഞ്ഞു ആരാധികയെ കാണാനെത്തുകയുമായിരുന്നു.

മമ്മൂട്ടിയോടൊപ്പം നിർമ്മാതാവ് ആന്റോ ജോസഫും ഹോസ്പിറ്റലിൽ എത്തിയിരുന്നു. ഇതുപോലെ പലപ്പോഴും മമ്മൂട്ടി പല ആരാധകരേയും കാണാനെത്തുന്നതും, അവരുമായി വീഡിയോ കോൾ വഴി സംസാരിക്കുന്നതിന്റെ വീഡിയോകളും പുറത്തു വരികയും സോഷ്യൽ മീഡിയയിൽ വൈറൽ ആവുകയും ചെയ്തിട്ടുണ്ട്. ഏതായാലും ഈ പുത്തൻ വീഡിയോ മമ്മൂട്ടി ആരാധകരും ആഘോഷിക്കുയാണ്. തങ്ങളുടെ നായകന്റെ നല്ല മനസ്സാണ് ഇതിലൂടെ ഒരിക്കൽ കൂടി തെളിയിക്കപ്പെടുന്നത് എന്ന് അവർ പറയുന്നു. ഒട്ടേറെ കാരുണ്യ പ്രവർത്തികൾ തന്റെ ചാരിറ്റി സംഘടനകൾ വഴി ചെയ്യുന്ന ആളാണ് മമ്മൂട്ടി. ആരോഗ്യ രംഗത്താണ് മമ്മൂട്ടി ഏറ്റവും കൂടുതൽ ചാരിറ്റി പ്രവർത്തനങ്ങൾ ചെയ്യുന്നത്. അതിനൊപ്പം തന്നെ തന്റെ പേരിൽ പ്രവർത്തിക്കുന്ന ഫാൻസ്‌ അസോസിയേഷൻ വഴിയും കാരുണ്യ പ്രവർത്തികൾക്ക് മെഗാ സ്റ്റാർ മമ്മൂട്ടി നേതൃത്വം കൊടുക്കാറുണ്ട്.

https://youtube.com/shorts/q19kwxa2ElQ