പൃഥ്വിരാജ് സുകുമാരൻ നായകനായി എത്തിയ ഏറ്റവും പുതിയ ചിത്രമായ കടുവ ഇന്നലെയാണ് റിലീസ് ചെയ്തത്. ഷാജി കൈലാസ് സംവിധാനം ചെയ്ത ഈ മാസ്സ് ചിത്രത്തിന് ആവേശകരമായ സ്വീകരണമാണ് പ്രേക്ഷകർ നൽകുന്നത്. മികച്ച പ്രതികരണം ലഭിച്ച ഈ ചിത്രം രചിച്ചത് ജിനു അബ്രഹാമും നിർമ്മിച്ചത് മാജിക് ഫ്രെയിംസ്, പൃഥ്വിരാജ് പ്രൊഡക്ഷൻസ് എന്നിവയുടെ ബാനറിൽ ലിസ്റ്റിൻ സ്റ്റീഫൻ, സുപ്രിയ മേനോൻ എന്നിവരുമാണ്. ഇപ്പോഴിതാ ഈ ചിത്രം പ്രേക്ഷകർക്കൊപ്പം കണ്ടതിന് ശേഷം അതിനെക്കുറിച്ചു സംസാരിക്കവെ റിപ്പോർട്ടർ ടിവിയോട് ലിസ്റ്റിൻ സ്റ്റീഫൻ പങ്ക് വെച്ച വാക്കുകൾ ശ്രദ്ധ നേടുകയാണ്. ഒരു പക്കാ മാസ് എന്റർടെയ്ൻമെന്റ് സിനിമയാണ് കടുവയെന്നും, ഷാജി കൈലാസ് ടച്ചുള്ള ചിത്രമാണിതെന്നും അദ്ദേഹം പറയുന്നു. ആക്ഷൻ സീക്വെൻസുകളും പാട്ടും ഒക്കെ നിറഞ്ഞ ഈ ചിത്രത്തിലെ സ്റ്റണ്ട് സീനുകൾ ചില സമയത്തൊക്കെ മോഹൻലാലിനെ ഓർമ്മപെടുത്തുന്നവയാണെന്നും അദ്ദേഹം പറയുന്നു.
മോഹൻലാലിന്റെ മീശപിരിയും മുണ്ട് മടക്കി കുത്തുമൊക്കെ കടുവയിലെ മാസ്സ് സീനുകളിൽ പ്രതിഫലിക്കുന്നുണ്ടെന്നാണ് അദ്ദേഹം പറയുന്നത്. കടുവക്ക് ഒരു രണ്ടാം ഭാഗം ഉണ്ടാവുമെന്നും ലിസ്റ്റിൻ സ്റ്റീഫൻ അതിനൊപ്പം വെളിപ്പെടുത്തി. ഒന്നാം ഭാഗം നേടുന്ന ഈ വിജയം തന്നെയാണ് രണ്ടാം ഭാഗമെടുക്കാനുള്ള തീരുമാനത്തിലേക്കെത്തിച്ചതെന്നും ലിസ്റ്റിൻ പറയുന്നു. ബോളിവുഡ് താരം വിവേക് ഒബ്റോയ് വില്ലനായി എത്തിയ ഈ ചിത്രത്തിൽ അർജുൻ അശോകൻ, ബൈജു, അലൻസിയർ, സംയുക്ത മേനോൻ, രാഹുൽ മാധവ്, ശിവജി ഗുരുവായൂർ, സീമ, പ്രിയങ്ക നായർ, സുരേഷ് കൃഷ്ണ, ജനാർദ്ദനൻ, ജോയ് മാത്യു, സുധീർ കരമന, ബാലാജി ശർമ്മ, സാജു നവോദയ, അനീഷ് ജി മേനോൻ എന്നിവരും വേഷമിട്ടിരിക്കുന്നു.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.