കഴിഞ്ഞ വർഷം പ്രേക്ഷകരുടെ മുന്നിലെത്തി വമ്പൻ ശ്രദ്ധ നേടിയ ചിത്രമാണ് കുഞ്ചാക്കോ ബോബൻ, ജോജു ജോർജ്, നിമിഷാ സജയൻ എന്നിവ പ്രധാന വേഷം ചെയ്ത നായാട്ട്. തീയേറ്റർ റിലീസിന് ശേഷം ഒടിടി സ്ട്രീമിങ് കൂടി വന്നതോടെ ഈ ചിത്രത്തിന് ലഭിച്ചത് പാൻ ഇന്ത്യൻ റീച്ചാണ്. ഇന്ത്യ മുഴുവനുമുള്ള പ്രേക്ഷകരും നിരൂപകരും ഒരുപോലെ സ്വീകരിച്ച ഈ ചിത്രം രചിച്ചത് ഷാഹി കബീറും സംവിധാനം ചെയ്തത് മാർട്ടിൻ പ്രക്കാട്ടുമാണ്. ഗോൾഡ് കോയിൻ മോഷൻ പിക്ചർസ് ന്റെ ബാനറിൽ പ്രശസ്ത സംവിധായകൻ രഞ്ജിത്, പി എം ശശിധരൻ എന്നിവരും മാർട്ടിൻ പ്രക്കാട്ട് ഫിലിംസിന്റെ ബാനറിൽ മാർട്ടിൻ പ്രക്കാട്ടുമാണ് ഈ ചിത്രം നിർമ്മിച്ചത്. ഇപ്പോഴിതാ നായാട്ടിന് ശേഷം ഒരു പുത്തൻ ചിത്രം ഒരുക്കാനുള്ള തയ്യാറെടുപ്പിലാണ് മാർട്ടിൻ പ്രക്കാട്ട്. ജോജു ജോർജ് നായകനായി എത്തുന്ന ഈ ചിത്രത്തിന്റെ വിവരങ്ങൾ പുറത്ത് വിട്ടത് ഇതിന്റെ സംഗീത സംവിധായകനായ ജേക്സ് ബിജോയ് ആണ്.
മാർട്ടിൻ പ്രക്കാട്ട് നിർമ്മിക്കുന്ന ചിത്രമാണിതെന്നാണ് ജേക്സ് ബിജോയ് പറയുന്നത്. അതുപോലെ തന്നെ ഈ ചിത്രത്തിന്റെ ടൈറ്റിൽ പ്രഖ്യാപനം ഉടനെ ഉണ്ടാവുമെന്നും ജേക്സ് ബിജോയ് തന്റെ ഫേസ്ബുക് പേജിൽ കുറിച്ചു. ജോജുവിനും മാർട്ടിനുമൊപ്പമുള്ള ഒരു സെൽഫി പങ്ക് വെച്ച് കൊണ്ടാണ് ജേക്സ് ബിജോയ് തന്റെയീ പുതിയ ചിത്രം പ്രഖ്യാപിച്ചത്. ബെസ്റ്റ് ആക്ടർ എന്ന മമ്മൂട്ടി ചിത്രം സംവിധാനം ചെയ്തു കൊണ്ട് 12 വർഷം മുൻപ് അരങ്ങേറ്റം കുറിച്ച മാർട്ടിൻ പ്രക്കാട്ട്, ആ ചിത്രത്തിന് ശേഷം ദുൽഖർ സൽമാൻ നായകനായ എ ബി സി ഡി, ചാർളി എന്നീ ചിത്രങ്ങളും സംവിധാനം ചെയ്തിരുന്നു. ചാർളിയുടെ നിർമ്മാണ പങ്കാളി കൂടിയായിരുന്ന മാർട്ടിൻ അതിനു ശേഷം ഉദാഹരണം സുജാത എന്ന മഞ്ജു വാര്യർ ചിത്രം നിർമ്മിക്കുകയും ചെയ്തു. ചാർലിയിലൂടെ മികച്ച സംവിധായകനുള്ള സംസ്ഥാന ചലച്ചിത്ര പുരസ്കാരവും നേടിയ ആളാണ് മാർട്ടിൻ പ്രക്കാട്ട്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.