ഗൾഫിലും ഇനി മനോഹരമായ ദിനങ്ങൾ; മനോഹരം നാളെ മുതൽ ഗൾഫ് രാജ്യങ്ങളിലും..!

വിനീത് ശ്രീനിവാസനെ നായകനാക്കി അൻവർ സാദിഖ് എഴുതി സംവിധാനം ചെയ്ത മനോഹരം എന്ന ചിത്രം കേരളത്തിൽ മികച്ച വിജയം നേടി പ്രദർശനം തുടരുകയാണ്. ജോസ് ചക്കാലക്കൽ, സുനിൽ എ കെ എന്നിവർ ചേർന്ന് നിർമ്മിച്ച ഈ ചിത്രം നാളെ മുതൽ ഗൾഫിലും റിലീസ് ചെയ്യുകയാണ്. ഗൾഫ് രാജ്യങ്ങളിലും മികച്ച റിലീസ് ലഭിച്ചിരിക്കുന്ന ഈ ചിത്രത്തിന്റെ യു എ ഇ / ജി സി സി തിയേറ്റർ ലിസ്റ്റ് ഇവിടെ ചേർക്കുന്നു. അപർണ ദാസ് നായികാ വേഷത്തിൽ എത്തിയ ഈ ചിത്രത്തിൽ ഇന്ദ്രൻസ്, ബേസിൽ ജോസഫ്, ദീപക് എന്നിവരും അഭിനയിക്കുന്നു. വിനീത് ശ്രീനിവാസൻ അവതരിപ്പിക്കുന്ന മനു എന്ന് പേരുള്ള ചെറുപ്പക്കാരന്റെ ജീവിതമാണ് ഈ ചിത്രത്തിലൂടെ നമ്മുടെ മുന്നിൽ എത്തിച്ചിരിക്കുന്നത്.

ആദ്യാവസാനം പ്രേക്ഷകന് വളരെ രസകരമായി കണ്ടിരിക്കാവുന്ന ഒരു വിനോദ ചിത്രമായി ഒരുക്കിയിരിക്കുന്ന മനോഹരത്തിൽ ഹാസ്യവും മികച്ച ഗാനങ്ങളും വൈകാരിക മുഹൂർത്തങ്ങളും ഉണ്ട്. ആവേശകരമായ കഥാ സന്ദർഭങ്ങളും ഈ ചിത്രത്തിന്റെ മാറ്റ് കൂടുന്നു. ജൂഡ് ആന്റണി ജോസെഫ്, അഹമ്മദ് സിദ്ദിഖി, ഹരീഷ് പേരാടി, ഡൽഹി ഗണേഷ്, വി കെ പ്രകാശ്, ശ്രീലക്ഷ്മി എന്നിവരും ഈ ചിത്രത്തിൽ മികച്ച പ്രകടനം കാഴ്ച വെച്ച അഭിനേതാക്കൾ ആണ്. സഞ്ജീവ് തോമസ് ഒരുക്കിയ സംഗീതം മനോഹരമായപ്പോൾ ദൃശ്യങ്ങൾ ഒരുക്കിയ ജെബിൻ ജേക്കബും മികച്ച ജോലി തന്നെയാണ് ചെയ്തിരിക്കുന്നത്. ഏതായാലും ഗൾഫ് മലയാളികൾക്കും മനോഹരമായ രണ്ടു മണിക്കൂർ സമ്മാനിക്കാൻ മനോഹരം തയ്യാറെടുത്തു കഴിഞ്ഞു. ഏകദേശം അൻപതോളം ലൊക്കേഷനുകളിൽ ആയാണ് ഗൾഫിൽ ഈ ചിത്രം റിലീസ് ചെയ്യുന്നത്.