ലളിതം സുന്ദരവുമായി മഞ്ജു വാര്യർ

മലയാള സിനിമയിലെ ലേഡി സൂപ്പർസ്റ്റാർ എന്നറിയപ്പെടുന്ന വ്യക്തിയാണ് മഞ്ജു വാര്യർ. ഒരുകാലത്ത് മലയാള സിനിമ അടക്കി ഭരിച്ച താരം കുറെ നാളുകൾ മാറിനിൽക്കുകയും പിന്നീട് വലിയൊരു തിരിച്ചു വരവ് നടത്തുകയും തന്റേതായ സ്ഥാനം ഇപ്പോൾ കണ്ടെത്തും ചെയ്തിരിക്കുകയാണ്. നായികയായി നിറഞ്ഞു നിന്ന താരം നിർമ്മാണ രംഗത്തിലേക്ക് ചുവട് വെക്കുവാൻ ഒരുങ്ങുകയാണ്. അനിയനും നടനുമായ മധു വാര്യർ ആദ്യമായി സംവിധാനം ചെയ്യാൻ ഒരുങ്ങുന്ന ചിത്രത്തിലാണ് മഞ്ജു വാര്യർ ആദ്യമായി നിർമ്മാതാവായി വരുന്നത്. ബിജു മേനോനാണ് ചിത്രത്തിൽ നായക വേഷം കൈകാര്യം ചെയ്യുന്നത്. നിർമാതാവ് കൂടിയായ മഞ്ജു വാര്യറാണ് നായികയായി പ്രത്യക്ഷപ്പെട്ടുന്നത്. കുറെയേറെ വർഷങ്ങൾക്ക് ശേഷമാണ് ഈ കൂട്ടുകെട്ട് വീണ്ടും ഒന്നിക്കുന്നത്.

മഞ്ജു വാര്യർ പ്രൊഡക്ഷനും സെഞ്ചുറിയും ചേർന്ന് നിർമ്മിക്കുന്ന ചിത്രത്തിന് ലളിതവും സുന്ദരവും എന്ന ടൈറ്റിലാണ് നൽകിയിരിക്കുന്നതെന്ന് റിപ്പോർട്ടുകൾ സൂചിപ്പിക്കുന്നത്. ഔദ്യോഗികമായി ചിത്രത്തിന്റെ ടൈറ്റിൽ ഇന്ന് വൈകിട്ട് 5 മണിക്ക് പുറത്തുവിടും. മലയാള സിനിമയിലെ താരരാജാക്കന്മാരായ മമ്മൂട്ടിയും മോഹൻലാലും ചേർന്നാണ് ടൈറ്റിൽ ലോഞ്ചിങ് ഇന്ന് നിർവഹിക്കുന്നത്. മഞ്ജു വാര്യരുടെ ആദ്യ നിർമ്മാണ സംരംഭം എന്ന നിലയിൽ ഏറെ പ്രതീക്ഷയോടെയാണ് സിനിമ പ്രേമികൾ ഈ ചിത്രത്തെ നോക്കി കാണുന്നത്.