സെൻസറിങ് പൂർത്തിയാക്കി കണ്ണൂർ സ്‌ക്വാഡ്; മെഗാസ്റ്റാർ മമ്മൂട്ടി ചിത്രത്തിന്റെ റിലീസ് ഡേറ്റ് എത്തി.

മെഗാസ്റ്റാർ മമ്മൂട്ടിയെ നായകനാക്കി നവാഗതനായ റോബി വർഗീസ് രാജ് സംവിധാനം ചെയ്ത ചിത്രമാണ് കണ്ണൂർ സ്‌ക്വാഡ്. ഒരു റിയലിസ്റ്റിക് ഇൻവെസ്റ്റിഗേഷൻ ത്രില്ലറായി ഒരുക്കിയ ഈ ചിത്രത്തിന്റെ റിലീസ് തീയതി ഇപ്പോൾ ഒഫീഷ്യലായി തന്നെ പുറത്ത് വിട്ടിരിക്കുകയാണ്. ഈ വരുന്ന സെപ്റ്റംബർ ഇരുപത്തിയെട്ടിനാണ് കണ്ണൂർ സ്‌ക്വാഡ് ആഗോള റിലീസായി പ്രേക്ഷകരുടെ മുന്നിലെത്തുക. മമ്മൂട്ടി കമ്പനിയുടെ ബാനറിൽ അദ്ദേഹം തന്നെ നിർമ്മിച്ചിരിക്കുന്ന ഈ ബിഗ് ബഡ്ജറ്റ് ചിത്രത്തിന്റെ സെന്സറിംഗും പൂർത്തിയായി കഴിഞ്ഞു. യു എ സർട്ടിഫിക്കറ്റ് ലഭിച്ചിരിക്കുന്ന കണ്ണൂർ സ്‌ക്വാഡിന്റെ ദൈർഘ്യം രണ്ട് മണിക്കൂർ മുപ്പത്തിയഞ്ചു മിനിട്ടാണ്. ദുൽഖർ സൽമാന്റെ വേഫെറർ ഫിലിം കേരളത്തിൽ വിതരണം ചെയ്യുന്ന ഈ ചിത്രം ട്രൂത് ഗ്ലോബൽ ഫിലിംസ് ആണ് ഇന്ത്യക്ക് പുറത്ത് പ്രദർശനത്തിന് എത്തിക്കുന്നത്.

പ്രശസ്ത നടൻ റോണി ഡേവിഡ് രാജ്, മുഹമ്മദ് ഷാഫി എന്നിവർ ചേർന്ന് തിരക്കഥ രചിച്ചിരിക്കുന്നു ഈ ചിത്രത്തിൽ, മമ്മൂട്ടിക്കൊപ്പം റോണി ഡേവിഡ് രാജ്, ശബരീഷ് വർമ്മ, അസീസ് നെടുമങ്ങാട്, വിജയ രാഘവൻ, കിഷോർ, സണ്ണി വെയ്ൻ തുടങ്ങി ഒരു വലിയ താരനിര തന്നെ അണിനിരന്നിട്ടുണ്ട്. മുഹമ്മദ് രാഹിൽ കാമറ ചലിപ്പിച്ച ഈ ചിത്രത്തിന് സംഗീതമൊരുക്കിയത് സുഷിൻ ശ്യാമും എഡിറ്റ് ചെയ്തിരിക്കുന്നത് പ്രവീൺ പ്രഭാകറുമാണ്/. ഈ മാസം ആദ്യം റിലീസ് ചെയ്ത കണ്ണൂർ സ്‌ക്വാഡിന്റെ ട്രൈലെർ മികച്ച പ്രേക്ഷക ശ്രദ്ധ നേടിയിരുന്നു. മമ്മൂട്ടി പോലീസ് വേഷത്തിലെത്തുന്ന ഈ ചിത്രത്തിൽ കേരളത്തിന് പുറത്ത് പോയി കേരളാ പോലീസ് നടത്തുന്ന കേസന്വേഷണമാണ് അവതരിപ്പിച്ചിരിക്കുന്നതെന്ന സൂചനയാണ് ഇതിന്റെ ട്രൈലെർ നൽകുന്നത്.

webdesk