ദേ നോക്ക് ഞങ്ങളുടെ മമ്മുക്കയെ; ടോം ക്രൂയിസ് ആരാധകർക്ക് മറുപടിയുമായി മലയാളികൾ

ഹോളിവുഡ് താരം ടോം ക്രൂയിസ് ആരാധകർക്ക് മറുപടിയുമായി എത്തിയിരിക്കുന്ന മലയാളി പ്രേക്ഷകരെ കുറിച്ചുള്ള വാർത്തയാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. രണ്ടു പേരുടെയും പ്രായവും ലുക്കുമാണ് സോഷ്യൽ മീഡിയയിൽ ആരാധകർ തമ്മിലുള്ള സംവാദത്തിനു വഴിവെച്ചത്. അമേരിക്കൻ നടനായ ടോം ക്രൂയ്സിന്റെ ഏറ്റവും പുതിയ ചിത്രം പുറത്ത് വന്നതിനു പിന്നാലെയാണ് മമ്മൂട്ടിയുടെ പ്രായവും വീണ്ടും ചർച്ചയാവുന്നത്. സിനിമ ഇൻ മെംമ്സ് എന്ന ഫേസ്ബുക്ക് പേജിലാണ് ടോം ക്രൂയ്സിന്റെ ചിത്രം ആരാധകൻ പങ്കു വെച്ചതും, അറുപതാം വയസിൽ ടോം ക്രൂയിസ് എന്ന അടിക്കുറിപ്പ് നൽകിയതും. എന്നാൽ അതിനു താഴെ മമ്മൂട്ടിയുടെ ചിത്രം പങ്കു വെച്ച് കൊണ്ട്, മമ്മൂട്ടി, ഇന്ത്യൻ നടൻ, 71 വയസ് എന്നാണ് മലയാള സിനിമ പ്രേമികൾ കുറിച്ചത്. പിന്നീട് മമ്മൂട്ടിയുടെ വ്യത്യസ്ത ലുക്കിലുള്ള ഒട്ടേറെ ചിത്രങ്ങൾ പങ്കു വെച്ചുകൊണ്ട് ആരാധകർ എത്തിച്ചേർന്നു.

https://www.facebook.com/CinemaInMemes/photos/599069008258053

ആരോഗ്യകാരത്തിൽ അതീവശ്രദ്ധാലുവായ മമ്മൂട്ടി ഈ പ്രായത്തിലും തന്റെ ശരീര സൗന്ദര്യം കാത്തു സൂക്ഷിക്കുന്നത് ഏവർക്കും മാതൃകയാവുന്ന രീതിയിലാണ്. അത്കൊണ്ട് തന്നെ ഈ പ്രായത്തിലും അദ്ദേഹത്തിന്റെ സ്റ്റൈലിഷ് ലുക്കുകൾ വൈറലായി മാറാറുണ്ട്. ഏതായാലും ടോം ക്രൂയിസ് ഫാൻസും മമ്മൂട്ടി ഫാൻസും തമ്മിൽ നടക്കുന്ന ഈ സോഷ്യൽ മീഡിയ തർക്കം ദേശീയ മാധ്യമങ്ങൾ വരെ ഏറ്റെടുത്തു കഴിഞ്ഞു. പ്രായം റിവേഴ്സ് ഗിയറിൽ ഓടുന്ന നടൻ എന്നാണ് മമ്മൂട്ടിയെ ആരാധകർ വിശേഷിപ്പിക്കുന്നത്. ലുക്കിന്റെ കാര്യത്തിൽ ടോം ക്രൂയിസിനെയും വെല്ലും നമ്മുടെ മമ്മൂട്ടി എന്ന് മലയാള സിനിമാ പ്രേമികളും മമ്മൂട്ടി ആരാധകരും സോഷ്യൽ മീഡിയയിൽ കുറിക്കുന്നു. ഏതായാലും ഇതോടെ പ്രായത്തെ വെല്ലുന്ന മമ്മൂട്ടിയുടെ സൗന്ദര്യം വീണ്ടും ചർച്ചാവിഷയമായി മാറിക്കഴിഞ്ഞെന്നു തന്നെ പറയാം.