ആസിഫ് ആലി ചിത്രത്തിലെ ആദ്യം ഗാനം റിലീസ് ചെയ്യാൻ മെഗാസ്റ്റാർ ;കക്ഷി അമ്മിണി പിള്ളയിലെ ആദ്യ ഗാനം നാളെ മുതൽ

ആസിഫ് അലി നായകനായി എത്തുന്ന പുതിയ ചിത്രമാണ് കക്ഷി അമ്മിണി പിള്ള. ആസിഫ് അലി വക്കീൽ വേഷത്തിൽ പ്രത്യക്ഷപ്പെടുന്ന ഈ ചിത്രത്തിന്റെ  ഫസ്റ്റ് ലുക്ക് പോസ്റ്ററും പിന്നീട് വന്ന കാരക്റ്റർ പോസ്റ്ററുകളുമെല്ലാം ഏറെ ശ്രദ്ധ നേടിയെടുത്തിരുന്നു. ഇപ്പോഴിതാ ഈ ചിത്രത്തിലെ ആദ്യ ഗാനം നാളെ റിലീസ് ചെയ്യാൻ പോവുകയാണ്. നാളെ വൈകുന്നേരം ആറു മണിക്ക് മെഗാ സ്റ്റാർ മമ്മൂട്ടി ആണ് തന്റെ ഫേസ്ബുക് പേജിലൂടെ ഈ ചിത്രത്തിലെ ആദ്യ ഗാനം റിലീസ് ചെയ്യാൻ പോകുന്നത്. നവാഗതനായ ദിന്‍ജിത്ത് അയ്യത്താന്‍ സംവിധാനം ചെയ്ത ഈ ചിത്രം രചിച്ചിരിക്കുന്നത് സനിലേഷ് ശിവൻ ആണ്.

സാറ ഫിലിംസിന്റെ ബാനറില്‍ റിജു രാജൻ ആണ് ഈ ചിത്രം നിർമ്മിച്ചിരിക്കുന്നത്. ആസിഫ് അലിക്ക് പുറമെ അഹമ്മദ് സിദ്ദിഖി, ബേസിൽ ജോസഫ്, വിജയരാഘവൻ, നിർമൽ പാലാഴി, സുധീഷ്, ശ്രീകാന്ത് മുരളി, ലുക്മാൻ, ഹരീഷ് കണാരൻ, ബാബു സ്വാമി, മാമൂക്കോയ, ഉണ്ണിരാജ, സുധി പറവൂർ, ശിവദാസൻ, ഷിബില, സരസ ബാലുശേരി എന്നിവരും ഈ ചിത്രത്തിൽ അഭിനയിച്ചിരിക്കുന്നു. ബിജിപാലും അരുൺ മുരളീധരനും ചേർന്ന് സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിന് പശ്ചാത്തല സംഗീതം ഒരുക്കിയിരിക്കുന്നത് ജേക്സ് ബിജോയ് ആണ്. ഈ ചിത്രത്തിന് കാമറ ചലിപ്പിച്ചിരിക്കുന്നതു ബാഹുല് രമേശും എഡിറ്റിംഗ് നിർവഹിച്ചിരിക്കുന്നത് സൂരജ് ഇ എസും ആണ്.  ഏപ്രിൽ അവസാനം ആയിരിക്കും ഈ ചിത്രത്തിന്റെ റിലീസ് എന്നാണ് സൂചന. വിജയ് സൂപ്പറും പൗര്ണമിയും എന്ന ഈ വർഷത്തെ ആസിഫിന്റെ ആദ്യ ചിത്രം ബോക്സ് ഓഫീസിൽ വിജയം നേടിയിരുന്നു.