മെഗാ സ്റ്റാർ മമ്മൂട്ടി നായകനായ പരോൾ എന്ന ചിത്രം മാർച്ച് അവസാനത്തോടെ റിലീസ് ചെയ്യാൻ പാകത്തിന് ചിത്രത്തിന്റെ ജോലികൾ പുരോഗമിക്കുകയാണ്. നവാഗതനായ ശരത് സന്ദിത് സംവിധാനം ചെയ്ത ഈ ചിത്രത്തിൽ സഖാവ് അലക്സ് എന്ന കഥാപാത്രം ആയാണ് മമ്മൂട്ടി എത്തുന്നത്. സഖാവ് അലക്സിന്റെ ജീവിതത്തിലെ മൂന്ന് കാലഘട്ടങ്ങളിലൂടെ സഞ്ചരിക്കുന്ന ഈ ചിത്രം ക്ലാസും മാസ്സും ഉൾപ്പെടുത്തിയാണ് ഒരുക്കിയിരിക്കുന്നത് എന്നാണ് സൂചന. ഈ ചിത്രത്തിന്റെ പോസ്റ്ററുകളും അതുപോലെ തന്നെ കഴിഞ്ഞ ദിവസം പുറത്തു വന്ന ഡിജിറ്റൽ ഫ്ലിപ്പും നൽകുന്ന സൂചന അതാണ്. മലയാളത്തിലെ ആദ്യത്തെ ഡിജിറ്റൽ ഫ്ളിപ് ആയി ആണ് പരോളിന്റെ ഡിജിറ്റൽ ഫ്ളിപ് വന്നത്. ആന്റണി ഡിക്രൂസ് എന്റെർറ്റൈന്മെന്റിന്റെ ബാനറിൽ ആന്റണി ഡിക്രൂസ് നിർമ്മിച്ച ഈ ചിത്രത്തിന് തിരക്കഥ ഒരുക്കിയത് അജിത് പൂജപ്പുര ആണ്.
സെഞ്ച്വറി ഫിലിംസാണ് ഈ ചിത്രം കേരളത്തിൽ വിതരണം ചെയ്യുന്നത്. ബാഹുബലി വില്ലൻ പ്രഭാകർ ഈ ചിത്രത്തിൽ വളരെ നിർണ്ണായകമായ ഒരു വേഷം അവതരിപ്പിക്കുന്നുണ്ട്. മമ്മൂട്ടി, പ്രഭാകർ എന്നിവരെ കൂടാതെ , സിദ്ദിഖ്, സുരാജ് വെഞ്ഞാറമ്മൂട്, നെടുമുടി വേണു, , ഇർഷാദ്, സിജോയ് വർഗീസ് എന്നിവരും അഭിനയിക്കുന്നുണ്ട്. രണ്ടു നായികമാർ ഉള്ള ഈ ചിത്രത്തിലെ പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത് മിയ ജോർജ്, ഇനിയ എന്നിവരാണ്. ഇനിയ മമ്മൂട്ടിയുടെ ഭാര്യ ആയും മിയ മമ്മൂട്ടിയുടെ സഹോദരി ആയുമാണ് അഭിനയിക്കുന്നത്. പരോളിന്റെ ടീസർ മാർച് ആദ്യം റിലീസ് ചെയ്യും എന്നാണ് സൂചന. ചിത്രത്തിന്റെ ഓരോ പോസ്റ്ററുകളും മികച്ച പ്രേക്ഷക ശ്രദ്ധയാണ് നേടിയെടുക്കുന്നത്. മമ്മൂട്ടിയുടെ അഭിനയ ജീവിതത്തിലെ തികച്ചും വ്യത്യസ്തമായ ഒരു വേഷ പകർച്ചയാവും സഖാവ് അലക്സ് എന്നാണ് റിപ്പോർട്ടുകൾ പറയുന്നത്. ഏതായാലും മമ്മൂട്ടി ആരാധകരും സിനിമാ പ്രേമികളും ഒരുപോലെ കാത്തിരിക്കുന്ന ഒരു ചിത്രമായി പരോൾ മാറിയിട്ടുണ്ട് എന്ന് തന്നെ പറയാം.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.