സോഷ്യൽ മീഡിയ ഭരിച്ചു വീണ്ടും മെഗാ സ്റ്റാർ; കിടിലൻ ലുക്കിൽ മമ്മൂട്ടിയുടെ പുതിയ ചിത്രങ്ങൾ..!

മലയാളത്തിന്റെ മെഗാ സ്റ്റാർ മമ്മൂട്ടി വീണ്ടും തന്റെ പുതിയ ചിത്രങ്ങൾ കൊണ്ട് സോഷ്യൽ മീഡിയ ഭരിക്കുന്ന കാഴ്ചയാണ് കാണാൻ സാധിക്കുന്നത്. മമ്മൂട്ടി ഗൃഹലക്ഷ്മി മാഗസിന് വേണ്ടി നടത്തിയ ഫോട്ടോഷൂട്ടിലെ ചിത്രങ്ങൾ പുറത്തു വന്നത്. സിനിമാ ജീവിതത്തിന്റെ അമ്പതു വർഷങ്ങൾ തികച്ച മമ്മൂട്ടിയേ കുറിച്ചുള്ള പ്രത്യേക ലേഖനവും ഇത്തവണത്തെ ഗൃഹലക്ഷ്മിയിൽ ഉണ്ട്. അതിന്റെ ഭാഗമായാണ് ഈ ഫോട്ടോഷൂട്ട് നടത്തിയത്. മമ്മൂട്ടിയുടെ മുഖചിത്രത്തോടെ ഇറങ്ങിയ ഗൃഹലക്ഷ്മിയുടെ ഓണ പതിപ്പ് ടൂറിസം പൊതുമരാമത്ത് വകുപ്പ് മന്ത്രി പി. എ. മുഹമ്മദ് റിയാസ് നടന്‍ മമ്മൂട്ടിക്ക് നല്‍കി പ്രകാശനം ചെയ്തു. മമ്മൂട്ടി എന്ന മഹാനടനെ കുറിച്ചും അടുത്ത സുഹൃത്തിനെ കുറിച്ചും മലയാളത്തിന്റെ മറ്റൊരു മഹാനടനായ മോഹൻലാൽ എഴുതുന്ന ലേഖനവും ഇത്തവണത്തെ ഗൃഹലക്ഷ്മി ഓണപതിപ്പിൽ ഉണ്ട്. ഏതായാലൂം ഇതിലെ മമ്മൂട്ടിയുടെ ചിത്രങ്ങൾ സോഷ്യൽ മീഡിയയിൽ വൈറൽ ആയിക്കഴിഞ്ഞു.

https://www.instagram.com/p/CSqkc1ppTDF/

അമൽ നീരദ് ഒരുക്കുന്ന ഭീഷ്മ പർവ്വം എന്ന ചിത്രത്തിലെ കഥാപാത്രത്തിന്റെ ലുക്കിൽ ആണ് മമ്മൂട്ടി ഈ പുതിയ സ്റ്റില്ലുകളിൽ പ്രത്യക്ഷപ്പെട്ടിരിക്കുന്നത്. കട്ട താടിയും നീളമുള്ള മുടിയും ഉള്ള ലുക്കിൽ കറുത്ത ജീൻസും വെളുത്ത ടീ ഷർട്ടുമിട്ട മമ്മൂട്ടിയുടെ ചിത്രമാണ് ഇപ്പോൾ കൂടുതൽ ശ്രദ്ധ നേടുന്നത്. ഈ ചിത്രത്തിന്റെ അവസാന ഘട്ട ഷൂട്ടിംഗ് കോവിഡ് ലോക്ക് ഡൗണിനു ശേഷം പുനരാരംഭിച്ചു കഴിഞ്ഞു. തന്റെ ഭാഗങ്ങൾ മമ്മൂട്ടി ഈ മാസം തീർക്കും എന്നാണ് അറിവ്. അതിനു ശേഷം നവാഗത സംവിധായിക രതീന ഒരുക്കുന്ന പുഴു എന്ന ചിത്രത്തിലാവും മമ്മൂട്ടി അഭിനയിക്കുക. പാർവതി തിരുവോത് ആണ് അതിലെ നായികാ വേഷം ചെയ്യുക. ശേഷം കെ മധു ഒരുക്കുന്ന സിബിഐ സീരിസിന്റെ അഞ്ചാം ഭാഗത്തിലും മമ്മൂട്ടി അഭിനയിക്കും.

https://www.instagram.com/p/CSja9M3JACQ/