ചങ്ക്സ് സംവിധായകന്റെ അടുത്ത ചിത്രത്തിൽ മമ്മൂട്ടി നായകൻ

ഹാപ്പി വെഡിങ്, ചങ്ക്സ് എന്നീ ചിത്രങ്ങൾക്ക് ശേഷം സംവിധായകൻ ഒമർ ലുലു ഒരുക്കുന്ന പുതിയ സിനിമയിൽ നായകനായി എത്തുന്നത് മെഗാസ്റ്റാർ മമ്മൂട്ടി.

മമ്മൂട്ടി ആരാധകരെ രസിപ്പിക്കുന്ന ഹ്യൂമറും ഹീറോയ്‌സവും നിറഞ്ഞ ഒരു കളർഫുൾ എന്റർടെയ്നർ ആയിരിക്കും ചിത്രം എന്നാണ് സൂചന.

അടുത്തിടെ ഇറങ്ങിയ ഒമറിന്റെ ചങ്ക്‌സ് ബോക്സ് ഓഫീസിൽ ഹിറ്റായിരുന്നു. മാസ്സ് എന്റർടെയ്നർ വിഭാഗത്തിൽ ശ്രദ്ദിക്കപ്പെട്ട ചിത്രമായിരുന്നു ചങ്ക്‌സ്. ചെറിയ താരങ്ങളെ വെച്ച് ബോക്സോഫീസിൽ വലിയ കലക്ഷനാണ് ചങ്ക്സ് നേടിയത്.

മമ്മൂട്ടി ചിത്രവും ഒരു മാസ്സ് എന്റർടെയ്നർ ആവും എന്ന സൂചന ആരാധകർക്ക് ഏറെ പ്രതീക്ഷയാണ് നൽകുന്നത്.

മാസ്റ്റർപീസ്, സ്ട്രീറ്റ് ലൈറ്റ്, പരോൾ റിലീസിങിന് തയ്യാറാകുന്ന മമ്മൂട്ടിയുടെ പുതിയ സിനിമകൾ.