മണിയൻപിള്ള രാജുവിന്‍റെ മകൻ ഇനി രഞ്ജിത്തിന്‍റെ നായകന്‍

പ്രശസ്ത സംവിധായകന്‍ രഞ്ജിത്തിന്‍റെ അടുത്ത ചിത്രത്തിൽ മണിയൻപിള്ള രാജുവിന്‍റെ മകൻ നിരഞ്ജ് നായകൻ ആവുന്നു. വർണചിത്രയുടെ ബാനറിൽ മഹാസുബൈർ ആണ് ഈ ചിത്രം നിര്‍മ്മിക്കുന്നത്. സേതുവാണ് ചിത്രത്തിന്‍റെ തിരക്കഥ ഒരുക്കുന്നത്.

മണിയൻപിള്ള രാജു നിർമിച്ച ബ്ലാക് ബട്ടർഫ്ളൈസ് എന്ന ചിത്രത്തിലൂടെയാണ് നിരഞ്ജ് അഭിനയ രംഗത്തെത്തിയത്. ഈ വര്‍ഷം റിലീസ് ചെയ്ത ഷെബി സംവിധാനം ചെയ്ത ബോബിയിലൂടെയാണ് നിരഞ്ജ് നായകനിരയിൽ എത്തിയത്. ഇപ്പോൾ രഞ്ജിത്തിന്റെ ചിത്രത്തിലൂടെ വീണ്ടും നായകവേഷം അണിയുകയാണ് നിരഞ്ജ് ചിത്രത്തിലെ മറ്റുതാരങ്ങളുടെയോ അണിയറ പ്രവര്‍ത്തകരുടെയോ വിവരങള്‍ പുറത്തു വിട്ടിട്ടില്ല.

.ഈ വര്‍ഷം തിയേറ്ററുകളില്‍ എത്തിയ മമ്മൂട്ടി ചിത്രം പുത്തൻപണമായിരുന്നു രഞ്ജിത്തിന്റെ അവസാന ചിത്രം