ആരാധകർക്ക് ആവേശമൊരുക്കാൻ ഡെറിക്ക് അബ്രഹാം…അബ്രഹാമിന്റെ സന്തതികളുടെ സ്റ്റൈലിഷ് പോസ്റ്റർ എത്തി…

ആരാധകർ ഏറെ ആകാംഷയോടെ കാത്തിരിക്കുന്ന മെഗാസ്റ്റാർ മമ്മൂട്ടി ചിത്രം അബ്രഹാമിന്റെ സന്തതികൾ റിലീസിനൊരുങ്ങുകയാണ്. ചിത്രത്തിന്റേതായി പുറത്തുവന്ന സ്റ്റൈലിഷ് പോസ്റ്ററുകൾ എല്ലാം തന്നെ വളരെ വലിയ തരംഗമായി തീർന്നിരുന്നു. അതിനിടെയാണ് ചിത്രത്തിന്റെ പുത്തൻ പോസ്റ്റർ ഇപ്പോൾ പുറത്തു വന്നത്. ആദ്യ പോസ്റ്ററുകളോളം പോന്ന അതിഗംഭീര പോസ്റ്ററാണ് ഇപ്പോൾ എത്തിയിരിക്കിന്നത് എന്ന് തന്നെ പറയാം. പുറകിൽ ഒരു കാറും അതിന്റെ വെളിച്ചവും മങ്ങിയ വെളിച്ചത്തിൽ മെഗാസ്റ്ററിന്റെ മുഖം പ്രേക്ഷകർക്ക് കാണാം. കയ്യിൽ ചൂണ്ടിയ ഒരു തോക്കും. പ്രേക്ഷകർക്ക് ആവേശമുണർത്തുന്ന കിടിലൻ പോസ്റ്റർ എന്ന് തന്നെ വിശേഷിപ്പിക്കാം. ചിത്രത്തിൽ രണ്ട് വ്യത്യസ്ത ഗെറ്റപ്പിലാണ് മമ്മൂട്ടി എത്തിയിരിക്കുന്നത്.

ചിത്രത്തിന്റേതായി ഇതുവരെ പുറത്തിറങ്ങിയ പോസ്റ്ററുകളെല്ലാം തന്നെ വലിയ തരംഗമാണ് സൃഷ്ടിച്ചുകൊണ്ടിരിക്കുന്നത് ആദ്യ പോസ്റ്ററിൽ കൈയ്യിലൊരു തോക്കുമായി കാറിലെത്തിയ മമ്മൂട്ടിയായിരുന്നു എങ്കിൽ രണ്ടാമത്തെ പോസ്റ്ററിൽ ഗണ് പോയിന്റിൽ നിൽക്കുന്ന മമ്മൂട്ടിയെയാണ് പ്രേക്ഷകർക്ക് കാണാനായത്. പോസ്റ്ററുകളെ പോലെതന്നെയായിരുന്നു ചിത്രത്തിലെ ഗാനവും. ഗാനം പുറത്തിറങ്ങി നിമിഷങ്ങൾക്കകം തന്നെ ഗാനവും വലിയ തരംഗമായി മാറിയിരുന്നു. വർഷങ്ങളുടെ പ്രവൃത്തിപരിചയമുള്ള ഷാജി പാടൂർ ചെയ്യുന്ന ആദ്യ ചിത്രമായതിനാൽ തന്നെ പ്രേക്ഷക പ്രതീക്ഷ വളരെയധികം ഉണ്ടെന്നുതന്നെ പറയാം. ഗ്രേറ്റ്ഫാദറിന്റെ വിജയത്തിന് ശേഷം ഹനീഫ് അദേനി ഒരുക്കിയ ആദ്യത്തെ തിരക്കഥയാണ് ചിത്രത്തിന്റേത്. ഗുഡ്വിൽ എന്റർടെയിൻമെന്റ്സ് നിർമ്മിച്ച ചിത്രം ഈദ് റിലീസായി ജൂൺ 16 നായിരിക്കും തിയേറ്ററുകളിലെത്തുക.