കാലുകളിൽ ഐസ് കെട്ടി വേദന കടിച്ചമർത്തി… വേഷം മാറി ഉടൻ വേദിയിലേക്കും… ദുൽഖർ സൽമാന്റെ ഡെഡിക്കേഷനെ പ്രശംസിച്ച് സോഷ്യൽ മീഡിയ…

പല താരങ്ങളുടെയും ത്യാഗത്തിന്റെയും കഷ്ടപ്പാടുകളുടെയും കഥകൾ നാം കേട്ടിട്ടുണ്ട്. അത്തരത്തിൽ ഒരു കഥയാണ് ഇപ്പോൾ സോഷ്യൽ മീഡിയയിൽ ശ്രദ്ധ പിടിച്ചുപറ്റുന്നത്. കുറച്ചു ദിവസങ്ങൾക്കു മുൻപ് നടന്ന അമ്മ മഴവിൽ ഷോയിലെ സംഭവങ്ങളാണ് സംഭവത്തിന് ആധാരം. മലയാള സിനിമ താരസംഘടനയായ അമ്മ നടത്തിയ മെഗാഷോ അമ്മ മഴവില്ലിനിടെയാണ് ദുൽഖർ സൽമാന് പരിക്ക് പറ്റിയത്. മെഗാ ഷോയ്ക്ക് മുന്നോടിയായി നടന്ന പരിശീലനങ്ങൾ വളരെ വലിയ ചർച്ചയായി മാറിയിരുന്നു. പരിപാടിയിൽ മുഖ്യ ആകർഷണമായ ജീനി എന്നൊരു കഥാപാത്രമായാണ് ദുൽഖർ സൽമാൻ എത്തുന്നത്. കൂടാതെ നൃത്ത രംഗങ്ങളിലും ദുൽഖർ എത്തിയിരുന്നു. ഇതിന്റെ പ്രാക്ടീസിനിടെയാണ് ദുൽഖർ സൽമാന് പരിക്ക് പറ്റുന്നത്. കാലുകൾക്ക് പരിക്കുപറ്റിയ ദുൽഖറിനെ ആശുപത്രിയിലെത്തിച്ചെങ്കിലും, ഡോക്ടർ വിശ്രമം ആവശ്യപ്പെടുകയായിരുന്നു. പക്ഷെ പരിപാടിയുടെ വിജയത്തിനായി ദുൽഖർ സൽമാൻ അതൊന്നും ചെവികൊള്ളാതെ തന്നെ പരിപാടിയുടെ വിജയത്തിനായി എത്തിച്ചേർന്നു.

പരിപാടിയിൽ മോഹൻലാലിനൊപ്പം ഭൂതമായും ഒരേസമയം നൃത്തം ചെയ്തും സ്കിറ്റുകൾ അവതരിപ്പിച്ചു ദുൽക്കർ സൽമാൻ കയ്യടി നേടി. എന്നാൽ ഏറെ കഷ്ടപ്പാടുകൾ ഇതിനു പുറകിൽ ഉണ്ടായിരുന്നു. കാലുകൾക്ക് വേദനയുണ്ടായിരുന്ന ദുൽഖർ സൽമാൻ ഐസ് കെട്ടിവച്ചാണ് ജീനിയായി എത്തിയത്. പിന്നീട് ഗ്രീൻ റൂമിൽ തിരിച്ചെത്തി ഉടൻതന്നെ വേഷം മാറി മറ്റ് കഥാപാത്രമായും അദ്ദേഹം സ്റ്റേജിൽ അവതരിച്ചു. വേദന വളരെയധികം സഹിച്ചു പരിപാടിയുടെ വിജയത്തിനായി കഷ്ടപ്പാടുകൾ സഹിച്ച ദുൽഖർ സൽമാന്റെ കഥയാണ് ഇപ്പോൾ ചർച്ചയാകുന്നത്. എന്തായാലും മറ്റു താരങ്ങൾക്കും ഈ സംഭവം വലിയ പ്രചോദനം ആയി മാറിയിരിക്കുകയാണ്.

ഫോട്ടോ കടപ്പാട് : വൈശാഖ് ഇടപ്പാൾ