പ്രശസ്ത മാഗസിൻ ആയ വോഗ് ഇന്ത്യ പ്രസിദ്ധീകരിച്ച തെന്നിന്ത്യൻ സിനിമയിലെ ഇതിഹാസങ്ങളുടെ പട്ടികയിൽ മെഗാ സ്റ്റാർ മമ്മൂട്ടിയും. അവർ പ്രസിദ്ധീകരിച്ച ലിസ്റ്റിൽ മമ്മൂട്ടിയെ കൂടാതെ തെന്നിന്ത്യയിൽ നിന്ന് കമൽ ഹാസൻ, രജനികാന്ത്, നാഗാർജുന, ചിരഞ്ജീവി എന്നിവർ ആണുള്ളത്. ഈ ലിസ്റ്റിൽ മോഹൻലാലിന്റെ പേര് ഇല്ല എന്നതും ശ്രദ്ധേയമാണ്. ശോഭന, വിജയ ശാന്തി, രമ്യ കൃഷ്ണൻ എന്നിവരും ഈ ലിസ്റ്റിൽ ഇടം നേടിയിട്ടുണ്ട്. മമ്മൂട്ടിയെ കുറിച്ച് ഈ ലിസ്റ്റിൽ പറഞ്ഞിരിക്കുന്നത് മഹേഷിന്റെ പ്രതികാരത്തിലെ സൗബിൻ ഷാഹിർ പറയുന്ന ഒരു ഡയലോഗ് കടമെടുത്തു കൊണ്ടാണ്. മമ്മൂട്ടി ഏതു വേഷവും ചെയ്യും എന്നും മോഹൻലാൽ ഉന്നത കുല ജാതരുടെ വേഷം മാത്രമേ ചെയ്യും അർത്ഥമാക്കുന്ന ആ ചിത്രത്തിലെ ഡയലോഗ് പറഞ്ഞു കൊണ്ടാണ് വോഗിന് വേണ്ടി ഈ ലിസ്റ്റ് ഉണ്ടാക്കിയ ആദിത്യ ശ്രീകൃഷ്ണ മമ്മൂട്ടിക്ക് സ്ഥാനം നൽകിയിരിക്കുന്നത്.
മാത്രമല്ല മലയാള സിനിമയിലെ 1980 കളും 90 കളും ഭരിച്ചിരുന്നത് മമ്മൂട്ടി ആണെന്നും ഈ രചയിതാവ് തന്റെ ലിസ്റ്റിൽ പറയുന്നുണ്ട്. ന്യൂ ഡൽഹി, ഒരു വടക്കൻ വീരഗാഥ, സേതു രാമയ്യർ സി ബി ഐ എന്നീ ചിത്രങ്ങളുടെ പേരെടുത്തു പറഞ്ഞു കൊണ്ടാണ് എഴുത്തുകാരൻ മമ്മൂട്ടിയെ കുറിച്ച് ഈ ലിസ്റ്റിൽ വിശദീകരിക്കുന്നത്. ദി മാസ്റ്റർ എന്ന വിശേഷണത്തോടെ ആണ് ഈ ലിസ്റ്റിൽ മമ്മൂട്ടിയെ ഉൾപ്പെടുത്തിയിരിക്കുന്നത് എന്നതും ആരാധകരെ ആവേശം കൊള്ളിക്കുന്നുണ്ട്. ഈ വർഷം റിലീസ് ചെയ്ത ഉണ്ട എന്ന ചിത്രത്തിലൂടെ മമ്മൂട്ടി എന്ന നടന്റെ നടന വൈഭവം വീണ്ടും പ്രേക്ഷകർക്ക് കാണാൻ സാധിച്ചു എന്നും ആദിത്യ ശ്രീകൃഷ്ണ പറയുന്നു. പേരൻപ്, യാത്ര, ഉണ്ട എന്നീ ചിത്രങ്ങളിലൂടെ ഒരു നടനെന്ന നിലയിൽ തന്റെ കരിയറിലെ മികച്ച ഒരു വർഷത്തിലൂടെ ആണ് മമ്മൂട്ടി ഇപ്പോൾ കടന്നു പോകുന്നത്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.