കുഞ്ഞി രാമായണം, ഗോദ, മിന്നൽ മുരളി എന്നീ ചിത്രങ്ങൾ ഒരുക്കി മലയാളി പ്രേക്ഷകരുടെ പ്രീയപ്പെട്ട സംവിധായകനായ ആളാണ് ബേസിൽ ജോസഫ്. നടനെന്ന നിലയിലും ഹിറ്റുകളുടെ തോഴനായ ബേസിൽ ഇപ്പോൾ പുതിയ ജനപ്രിയ നായകൻ ആണെന്ന് പറഞ്ഞാലും അതിലൊട്ടും അതിശയോക്തിയില്ല. ബേസിൽ അഭിനയിച്ച ഏറ്റവും പുതിയ റിലീസായ സൂക്ഷ്മദർശിനിയും ഇപ്പോൾ സൂപ്പർ ഹിറ്റാണ്.
എന്നാലും സംവിധായകൻ എന്ന നിലയിൽ അറിയപ്പെടാൻ ആണ് താൻ ഏറ്റവും കൂടുതൽ ആഗ്രഹിക്കുന്നതെന്നും ആ ടാഗ് താൻ ഇപ്പോൾ മിസ് ചെയ്യുന്നുണ്ട് എന്നും ബേസിൽ പറയുന്നു. ഇനി വരാൻ പോകുന്നത് ഒരു വലിയ സിനിമ ആയിരിക്കുമെന്നും അതിന്റെ രചനാ ജോലികൾ പുരോഗമിക്കുകയാണെന്നും ബേസിൽ വെളിപ്പെടുത്തി. കുറെ വർഷങ്ങൾക്ക് മുൻപാണ് മമ്മൂട്ടി- ടോവിനോ തോമസ് എന്നിവരെ നായകന്മാരാക്കി ഒരു ചിത്രം ബേസിൽ പ്രഖ്യാപിച്ചത്. എന്നാൽ അത് ഇതുവരെ നടന്നിട്ടില്ല.
ആ ചിത്രത്തെ കുറിച്ചുള്ള ചോദ്യത്തിന് ബേസിൽ പറയുന്നത്, ആ ചിത്രം ഇനി നടക്കില്ല എന്നാണ്. അത് ഇപ്പോൾ തന്റെ മനസ്സിലില്ല എന്നും ഇപ്പോഴത്തെ സാഹചര്യത്തിൽ ആ ചിത്രം ചെയ്യാൻ തനിക് സാധിക്കില്ലെന്നും ബേസിൽ വെളിപ്പെടുത്തി. മമ്മൂട്ടി, മോഹൻലാൽ എന്നിവരെ വെച്ചൊരു ചിത്രം പ്രഖ്യാപിക്കുമ്പോൾ ഉള്ള പ്രേക്ഷക പ്രതീക്ഷകൾ വളരെ വലുതായിരിക്കുമെന്നും അതിനോട് നീതി പുലർത്തുന്ന ഒരു തിരക്കഥ ഉണ്ടെങ്കിൽ മാത്രമേ അങ്ങനെ ഒരു പ്രൊജക്റ്റ് സാധ്യമാകു എന്നും ബേസിൽ പറയുന്നു.
ബേസിൽ ഒരുക്കുന്ന അടുത്ത ചിത്രം ഹിന്ദിയിൽ ആണെന്നും രൺവീർ സിങ് ആണ് അതിൽ നായകനെന്നും സൂചനയുണ്ട്. അൻവർ റഷീദ് നിർമ്മിച്ച പ്രാവിൻകൂട് ഷാപ്പ് എന്ന ചിത്രമാണ് ബേസിലിന്റെ അടുത്ത റിലീസ്. അടുത്ത ജനുവരിയിലാണ് പ്രാവിൻകൂട് ഷാപ്പ് റിലീസ് ചെയ്യുക.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.